El Pintu

Señes: Calle de la Libertad, 11 - La Pola Llaviana
Teléfonu: 984 045 505

Facebook: https://www.facebook.com/El-pintu

Instagram: [@el_pintu_laviana] https://www.instagram.com/el_pintu_laviana/

Calidá: 4/5

Preciu: 80€

Conocí a Diego García de Sidrería El Requexu, onde nos allantó con un xenial Menú Degustación poco habitual en sidreríes dando un saltu de calidá que creemos bien necesariu. Asina que cuando nos avisó qu'abandonaba Xixón pa volver a la so Llaviana natal p'abrir so propiu restorán, nun duldamos n'averanos en cuantes pudimos.

El Pintu conserva'l nome y la socia de la so anterior etapa, pero suma como sociu y xefe de cocina a Diego. Tres una obra pa faer una cocina onde Diego pueda crear a gustu, y acondicionar un llocal pequenu, pero bien guapu, podemos afirmar que yá ye un referente na Pola Llaviana. Ufierta cocina con un base tradicional, pero con un plus de calidá que nun había pela zona. Dende guisos tradicionales, hasta platos con un puntu creativu. Amás, tien un menú de día de perbona calidá a bon preciu.

Gran barra al fondu, y decoración a piedra vista bien guapa. Meses espaciaes ya importante, nun doblen meses, prefieren que quien vaiga tea a gustu el tiempu que faiga falta (tampoco vos paséis, eh? qu'esta xente tien familia 😭).

Empezamos d'aperitivo con una Croqueta de Chorizu y otra de Chipirones. Riques les dos, pero la de chorizu ... gloriosa. Amás, esa presentación en mármol col llogu del local, encantonos.

De platos principales, pidimos Besugu a la Plancha. Senciellu, pero si'l besugu ye bonu ... ta perbonu. Perfeutu y nel so puntu.

Tamién, Gochu Asturcelta confitáu con una Base de Pataques. Buenísimo. Platazu. Desfaise solo, y tien un sabor intenso, pero melosu. Perfecu

De normal los restoranes acoxen nos postres, pero nun ye'l casu d'El Pintu. Los postres encárgalos a Alberto Ojeda, de Confitería Albert; y a Confitería Conchi de Pola Llaviana. Encántennos los dos, pero Confitería Conchi ye d'otru mundu ... Tenéis que dir, namás polos Bartolos yá paga la pena, pero ta tou buenísimo.

Nós pidimos, Sacher de Chocolate con Artimores. Impresionante. Ensin palabres.

Y Mousse de Chocolate Blanco, Arroz con Lleche y Xeláu de Llima. Otru postre fascinante.

Nun se vos ocurra enllenavos y perdonar el postre. Nun lo faigáis.

La carta de vinos ye pequena, pero variada, con vinos orixinales y a perbon preciu. En curtiu van incluyir vinos y sidra asturiano, pero mentanto, puedes esfrutar de Cerveza Caleya.

Nós bebimos un Albariño Davide 2017. Perbon albariño a un preciu más qu'afechu nel local.

Col albariño, pagamos unos 80€. Teniendo en cuenta que'l vinu sale por unos 25€ y que'l besugu nun ye baratu, el preciu ta xenial. Podéis pidir platos o pidir entrantes pa compartir al centru y va salivos más baratu. Vós decidís. El mio encamientu ye que probéis un pocu de too.

Lleven poco abiertos, pero tán siempres llenos,  asina qu'acuta.