Prida

Direición: Cai La Colegiata, 12 - Nava
Teléfonu: 985 717 345

Recomendaciones: Madreña d'Adobu

Calidá: 3/5
Preciu: 20€

Facebook: https://www.facebook.com/saul.moropalacio/

Comentarios: Siempres m'estrañó que la capital de la Sidra d'Asturies nun tuviera una rede de Sidreríes al altor de la calidá de la sidra qu'ufierta. Y en visitando Sidrería Prida, esa opinión empieza a camudar.
Un pocu alloñada de la plaza más turística onde s'apetiguña tola vida de la villa, atópase Sidrería Prida. Sidrería de decoración clásica, con una zona de terraza cubierta perfecta pa fumadores y el branu.

Ufierten de normal 4 palos distintos de sidra:Orizón, Roza, Novalín y Viuda de Angelón.

Cenamos 2 persones, fora, la nueche taba pa ello. En tou momentu echáronnos la sidra, y amás, bien echada. Cenamos con agua y Viuda de Angelón.

Pidimos tapes pa compartir. Pataques al Piquillo. Sartén de pataques con piquillos, ayu yá guindilla. Senciella pero bien rica.

Unos Chipirones que taben de muerte. Per ricos y bona ración.

Y acabamos con una Madreña d'Adobu con Pataques. La presentación, xenial. Yá'l adobu mui ricu. Amás, como veis, bona ración. 

Ensin postre, pagamos por tou 32€. 

Amás en carta tienen Sidra Brut Nature y Sidra de Xelu de Viuda de Angeló (barren pa casa).

Cocina asturiana clásica y bona. Pero dacuando aventúrense con coses distintes, dieron dalguna sorpresa nel Campeonatu asturianu de Pinchos, nel de la Fabada y nel del Cachopu. Vamos repitir.