Visita al Llagar Viuda de Angelón y Llagar Riestra

LLAGAR SIDRA VIUDA DE ANGELÓN - POMAR
Señes: La Teyera S/N - Nava

Teléfonu: 985 716 770

Web: http://www.sidraviudaangelonpomar.es/
Facebook: https://www.facebook.com/sidrapomar.viudaangelon/
Twitter: [@sidraangelon] https://twitter.com/sidraangelon
Instagram: [@sidraviudaangelonpomar] https://www.instagram.com/sidraviudaangelonpomar/

LLAGAR RIESTRA
Señes: Barriu de Perea - Sariegu 

Teléfonu: 985 716 770

Web: http://www.sidrariestra.com/
Facebook: https://www.facebook.com/SidraRiestra
Instagram: [@sidrariestra] https://www.instagram.com/sidrariestra

Comentarios: Coincidiendo col Salón de la Sidra de Gala (SISGA), visitó Asturies el responsable del Llagar estadounidense Angry Orchard. Ryan Burk conocía la sidra asturiano Viuda de Angelón y Riestra gracies a el llabor de Ciders of Spain, distribuidora n'EEXX de la Sidra Asturiano, propiedá de James Asbel, que tamién nos visitó xuntu con Eric Lewandowski, fotógrafu y diseñador alredor del mundu de la sidra.

Angry Orchard produz unos 250 millones de llitros de sidra al añu (Asturies entera nun llega a los 100 millones de llitros), y sicasí, vienen equí a formase y aprender cómo pueden ameyorar la so sidra. Con humildá y reconociendo a los maestros mundiales na ellaboración de la sidra.

Fiximos un percorríu primeru pol Llagar Viuda de Angelón. Si lleéis davezu Les Fartures, sabéis que ye ún de los nuesos fixos. El llagar con más variedá de sidra nel mercáu y que más ta apostando por anovar el sector.

Sicasí, nun desoyen los raigaños y la Sidra Natural sigui suponiendo'l 90% de producción del llagar. Dos variedaes, Sidra Viuda de Angelón y Práu Monga, la Sidra dientro de la Denominación d'Orixe.

Al frente, Francisco Ordoñez, que continua xuntu colos sos hermanos al frente'l llagar. Enólogu ya Inxenieru Químicu, lleva tola so vida dedicáu a la sidra. Una de les mentes más inquietes, visionaries ya intelixentes dientro del panorama sidreru actual mundial.

Reconocíu casi más fuera que dientro de les nueses fronteres, ellabora dalguna de les meyores sidres que puedes probar: Sidra Brut Nature Prau Monga, con 4 años d'ellaboración, Sidra de Xelu, Sidra de Pera (anque legalmente el gobiernu asturianu yá nun dexe llamala asina), Sidra con Miel o Sidra Rosada, son dalguna de les creaciones del so ampliu catálogu que nun para de crecer.

Tres la visita al llagar y en comprobando cómo acosaben a entrugues a Fran nuesos convidaos, diriximos a Sariegu, al Llagar Riestra. Ún de los llagares más guapos que conozo, asitiáu nel Barriu de Perea (con bayura de peres na zona) compon una serie de casa pertenecientes a la familia con una gran panera nel centru.

Lleven faciendo sidra dende 1906, pero históricamente, la familia tamién foi ganadera, tradición que caltienen anguaño.

Amás, dende 2012 ellaboren Riestra Seca y Riestra SemiSeca, dos bruts que nun paren de collechar premios, como nel recién SISGA. Sidra con un toque francés, yá que, a pesar de que la so sidra s'ellabora en gran parte con mazana asturiana, a esti llagar presta-y dar un toque de mazana francesa, que fai que s'estreme en sabor de les demás. Dambes son bien recomendables, anque anguaño probemos los dos y quedamos cola SemiSeca.

Raul Riestra fíxonos un percorríu pel so llagar, probando dende la so Sidra Natural hasta les sos esplumoses.

Como sorpresa, a la fin, acabemos probando la so Sidra de Xelu, qu'inda nun ta nel mercáu.

Como veis, una xornada de domingu completísima, tres una fin de selmana bien sidreru nel SISGA. Nós como observadores namás podíamos sentir arguyu énte l'almiración que produz la nuesa sidra en llagares tan importantes como Angry Orchard. Paez que siempres nos centramos no negativo, nos problemes que tienen qu'encarar los llagareros pa sentar les bases del futuru (preciu, orixe de la mazana, DOP), pero dacuando ye necesariu que venga daquién de fora a dicite lo bien que faen los nuesos llagareros les coses y l'almiración que llevanten. ¡Tomamos nota!