Publicidá

Contact Me

Nombre

Correo electrónico

Mensaje

Hover Setting

default

Gaucho Fierro

Señes: Camín la Pereda, 10 - Granda - Siero
Teléfonu: 985 792 735


Facebook: https://www.facebook.com/gauchofierroasador/


Comentarios: Siempres conocí'l Gauchu Fierro como un sitiu clásicu de parrilla, pero de la bona. Costielles, chuletones y chuletines, fixeron les mios delicies mientres munchos años, y amás a perbon preciu.


Perdí-yos la pista unos años, onde amás tuvieron l'aciertu de remocicar el local, da-y un aire más elegante, y sobremanera, iguar la parte de fora onde ye presta tar tomando una botella de sidra con unes costielles. Y volví afitame nellos cuando salieron en tolos medios dempués de ganar el Concursu a la Meyor Fabada del Mundu 2018. Había que probala.


Salón enorme con barra'l fondu, con una decoración bien cuidada. Parrilla presidiendo y bon menú del día. Nun llateral, baxando unes escaleres, otru salón enorme -inclusive pa bodes-, y un par de reservaos más pequenos pa eventos. A pesar de ser tan grande, y d'haber tanto trasiegu de xente, cómese a gustu.


Comida entamada pa "prensa" onde nos presentaron  la so fabada. Y la verdá ye que taba esceicional.


Empezamos con una Cecina de Güe Trasacar con una poco de quesu de cabra. Mui rica.


Yá'l platu fuerte. Fabada. Fecha con faba seca (non fresca) asturiana. Con un compangu esceicional. Mínimu caún na mesa repitió dos vegaes, otros inclusive trés (a mi nun me miréis). Con eso creo que vos lo digo tou.


Bien rica.


Y de postre Semiesfera de Ferrero Rocher con Xeláu de Mangu. Bien ricu, y amás nun empalaga nada. Xenial la combinación col xeláu de mangu.


Pa beber, Sierra Cantabria Crianza 2014, que nunca falla. Tienen amás bona sidra, y dalguna referencia asturiana más na carta.


Como veis gran sitiu, pa esfrutar del to eventu o a cencielles p'averate y comer, esfrutar de la so amplia parrilla y, amás, de la meyor fabada del mundu.


No hay comentarios

Publicar un comentario