Nueva Visita: Blanco

Señes: C / Mayor, 11 - Cangas del Narcea

Teléfonu:  985 810 316

Encamiento: TOO

Facebook: https://www.facebook.com/barblancorestaurante/
Calidá: 4/5
Preciu: 30€

Comentarios: Visita ente selmana a Cangas con parada a cenar nel blancu. Un miércoles fora de temporada alta y el salón ta llenu,  asina qu'agora que s'avera'l branu, yo que tu acutaba.

El Blanco yá sabéis que nos presta a esgaya, caltien esa esencia de chigre de pueblu con una cocina de productu con toques creativos. Amiestu perfeutu ente los dos hermanos Ron, Pepe na cocina y Quique na sala.

Empezamos na barra col vermut creáu por Quique. Originalmente ellaboráu con vinu blanco de Cangas, a la espera de la nueva añeda, mentanto, fainlo con otru vinu blanco. Búpili, interxección propia de Cangas p'amosar allegría y prestu. Y eso precisamente ye lo que tresmite esti vermut. Amargosu y refrescante. Perfectu pa empezar la comida o pa tomar daqué.

Pidimos al centru pa picar ente toos. Cenamos 4 persones.

Canutillos de Cecina con Marmiellu, Pimientos Asaos y quesu Rei Silu. Ún de los platos típicos del Blanco que nun pueden faltar. L'amiestu de sabores ye espectacular, saláu de la cecina, dulce del marmiellu y los pimientos y ácidu de les forgaxes de quesu. Mui recomendable.

Otru de los clásicos del llocal, Croquetes Cremoses de xamón del bonu. De presentación vinieron a puntu d'esplotar pero de sabor ... buenísimes. De los meyores d'Asturies.

Perrechicos de Babia salteaos con xamón ibéricu y yema de güevu. Provenientes de l'Asturies cismontana. Pa romper la yema, entemecer tou y esfrutar. Buenísimos.

Y acabamos cola Costiella de gochu ástur-celta confitada y cruxente con una emulsión de chimi-churri y pataca rota a la mostaza en granu. Impresionante. La carne desfaise, yá'l toque de chimichurri quéda xenial. Platazu.

Pa beber, probemos la nueva añeda del Tintu de Bodega Vidas. Amás tuvimos l'honor de cuntar na mesa cola so ellaboradora y que, amás ye, al empar, presidenta de la DOP Cangas. Vinu mozu, con variedaes asturianes que se portó xenial en tola cena. Anque la mio mayor predilección de la bodega ye'l so Cien Montañas Carrasquín.

Pagamos 120€. A 30€ per cabeza. Gran cena, gran compañía y gran vinu. Como siempres, Blanco nun falla.