Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: Abrelatas

Señes: Ería del Hospital, 5 - La Pola Sieru
Teléfonu: 984 182 245


Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas


Anterior Visita: https://lesfarturesast.blogspot.com/2020/11/abrelatas-cena-de-fin-danu.html


Calidá: 5/5
Preciu: 32€


Comentarios:  Per mil vegaes que vaigas, siempres van sospriendete con daqué nuevu. Borja y la so madre, Mary Lluz, formen un tándem perfectu, cola tradición asturiana por bandera, pero coles idees maraviyoses qu'apurre Borja pa da-y el so toque personal a tou. Últimamente salió pola tele falando del viñéu que llantó en Sariegu pa recuperar la so tradición vinícola, estes selmanes averamos a Cangas pa recoyer la uva necesaria pa ellaborar el nuevu llote de la so cerveza Fame, qu'amás va venir con dalguna sorpresa ... Nun para, y ye tan necesariu esi llabor, que dacuando s'echa en falta un pocu más de sofitu o cooperativismu nel gremiu.


Averamos a cenar 4 amigos. Y como dos d'ellos son llagareros, Fran de Viuda de Angelón, y Javi del Llagar Alonso, Borja consiguió la sidra de caún, sacar el nomechisques del garaxe y poner a esfrecer unes botelles de cada llagar pa que ellos mesmos fixeren los honores echando mientres la cena.


Empezamos cola Mantega Artesana de Sariegu con un toque duce. Bien rica, anque contuvimos porque'l pan empezó a volar. Lleva un toque d'almíbar.


Yá tamos al nivel de la Preysler y los sos famosos bombones. Mientres el branu, Borja nun ellabora los sos famosos Bombones de Chocolate con Lleche y Carrellera de Gochu Asturcelta guisada al Porto por mor del calor. Pero "inauguramos" temporada d'iviernu y preparónos los primeros 4 bombones. Menos picantes que n'otres ocasiones. Un espectáculu.


Pulpín del Pedreru de Tazones guisadín con Ensalada de Pataca y Pimentón de la Vera, Tocín Ibéricu Joselito y Crema de Pataca. Otru clásicu de la casa, llenu de contrastes y testures. La suavidá de la pataca, el picante del pimentón y l'intensidá del pulpín. Sabrosu, con un pulpu maraviyosu.


Nuggets de Pitu Caleya con Mueyu de Mostaza llixero. Otru de los clásicos de la casa. La combinación del cruxente de los nuggets col toque a mostaza queda xenial. 


Y acabamos con un pidimientu especial mio. Borja consiguiónos unes Chuletes de Vaca Casina de Vacuum, que fueron un auténticu espectáculu. Intensidá. Sabor increíble. Pero ensin perder la elegancia. Maraviyoses.


Vienen acompañaes d'unes pataques frites y un mueyu (que nin probé, taba embabucáu cola chuleta).


Pa los postres, Mousse de Llimón. Bien ricu.


La Tarta de Turrón de Mariluz. Amiestu de testures cruxentes y de mousse .... que ta increíble.. Soi un fanáticu d'esa tarta ... encántame.


Y Crema del Quesu del Duernu de Sariegu y Frutos Coloraos. Encántame.


Pa beber, empezamos con Prau Monga. La DOP de Viuda de Angelón. Esceicional


Siguimos con Sidra Alonso. Esi maraviyosu toque a turrín que tanto nos presta.


Acabamos probando Verdea Tinto 2019. Nueva bodega de Cangas, cola acidez por bandera. Frescu. Marxe de meyora, pero pa ser el so primer vinu, sosprendió pa bien.


Pagamos 140€. 35€ per cabeza. Esceicional de preciu (la sidra nun lo pagamos).


No hay comentarios

Publicar un comentario