Teléfonu: 985 626 185
Web: http://casarodil.com/
Facebook: https://www.facebook.com/HotelRuralCasaRodil
Instagram: [@casarodil] https://www.instagram.com/casarodil/
Calidá: 4/5
Preciu: 26€
Comentarios: Vamos de Farturruta pal suroccidente asturianu, dientro la Contorna los Ozcos, declarada Reserva de la Biosfera pola UNESCO en 2007. Si buscáis un sitiu onde perdevos, relaxavos y nun atopar apenes a naide, esta ye la vuesa ruta. La ruta ye facilina pa tola familia, nun tien nenguna dificultá y entemez paisaxes maxestuosos, montes máxicos y aldegues con un encantu y valor cultural increíble.
La ruta ye circular, asina que da igual dende onde salgáis. Nós vamos salir dende'l mesmu restorán p'acabar ellí la ruta. En total son unos 13,5kms y faise, parando a faer semeyes, nunes 3h y media.
Casa Rodil ye un hotel rural preciosu, con un chigre-tienda onde paez qu'entres n'otra dómina, con güerta propia, una cocina maraviyosa y un cuidáu pola so redolada qu'habríamos de tomar como exemplu.
Aparcamos el coche nel aparcamientu de Casa Rodil, alredor hai sitiu de sobra amás. Y empezamos la ruta. Como ye círcular, da igual el sentíu nel que la faigáis. Yo encamiéntovos que sigáis el que fixi yo, qu'amás foi'l que nos encamentaron en casa Rodil.
Metéisvos pol pasadizo ente Casa Rodil y la casa de piedra y pizarra de la derecha, y xiráis a la izquierda. A partir d'ende nun hai perda. El camín ta marcao y bien conserváu.
Empieza una baxada preciosa, nuna zona de monte de carbayos y castañales.
Hasta cruciar el Rio Barcia.
A partir d'ehí empieza una llixera xubida.
Hasta llegar al pueblu d'A Veiga del Carru. Un pueblín bien guapu.
Tamos un poco sollertes a nun esvianos de la ruta, xiramos a la derecha y nel intre, atopamos la Capiya de la Virxe del Carmen, con un teixo al que nun-y vino perbién que fixeren un camín al ññáu, pero que siempres presta ver.
Y equí empieza la parte más guapa de la ruta. Y eso qu'hasta agora yera preciosa.
Col gorbizu floríu, y l'inmensidá del paisaxe del occidente asturianu.
Metémonos nun monte llenu de golores, soníos y colores.
Y baxamos hasta'l Forcón de Ríos, esto ye, la unión de los ríos Villanueva y Barcia.
Dempués de cruciar la ponte de madera, esfrutes de la maravía del paisaxe.
Una maravía
Siguimos ente fresnos, abedurios, carbayos y castañales.
Hasta llegar al tramu de carretera qu'hemos de cruciar, camín d'As Casias.
As Casias ye una aldega preciosa, con un conxuntu de casona, horreo y torre.
Dende ehí, una baxada hasta'l pueblu d'A Valía, al qu'aportamos cruciando'l ríu Villanueva.
Otra preciosidá de pueblu, bien curiáu, pol que paga la pena perdese. Cuna de la familia Lombardía, que dicen que yeren reloxeros ya inventores, orixinarios de Vizcaia, de fechu hai una inscripción nel pueblu con esi nome.
Abandonamos el pueblu y xubimos per camín estrechu almirando les últimes cases.
Hasta atopanos l'antigua capiya abandonada, con un arcu impresionante.
Siguimos xubiendo hasta llegar a San Xulián, onde apenes queden yá habitantes. Pueblín bien guapu, con dalguna casa dedicada al turismu rural, otres ganaderes iguáes y un pasáu llenu de vida.
Salimos de San Xulian, ente escamplaes cola inmensidá del paisaxe. Hai algun recuestu, pero faise llevaderu.
Y tramos de montes de castañales, carbayos y abedurios.
Baxamos hasta Caraduxe. Una baxada preciosa paralela al ríu, que vamos viendo al fondu.
Caraduxe ye otru pueblín preciosu iguáu, con un negociu pa faer apiturismo.
A partir d'equí, la pista camuda en carretera. Estrecha y onde nun cruciamos nengún coche, pero siempres encamentamos estremar los precuros. Les vistes sobre'l valle del ríu Agüeira son espectaculares.
Dende ellí, llegamos hasta Ferreirela de Riba. Si vais con tiempu, podéis esviavos a Ferreirela de Baxo, onde ta la casa natal, convertida en muséu, del Marques de Sargadelos y el Mazu de Mazonovo. Bien recomendables dambes.
Nós siguimos hasta Santalla, que tamién merez una parada. Nós díbamos col tiempu xustu y siguimos de llargu, anque ye un pueblín bien guapu y cuidáu.
La ruta bordia Santalla, y ye'l so puntu de partida. Anque como yá vos dixi, al ser circular, da igual d'onde salgáis.
Empieza una xubida per pista hasta la área recreativa del Millarado. Con campu de fútbol.
Dende ellí, yá nos queda una baxada bien prestosa.
Hasta llegar al nuesu puntu d'entamu, As Poceiras.
Llega la hora de sentase a comer. Amás d'hotel rural (vei les semeyes de la so web, ye preciosu), ye un chigre-tienda.
Tien comedor, pero si puedes, come na zona la tabierna, cerca de la chimenea. Ye una maravía.
Pidimos el menú. De primeru Caldu. Van facelo coles verduras de temporada de la so propia güerta. Tocáronnos fréxoles. Esi mesmu fin de selmana teníenlu de fueyes de cebolla.
Y taba buenísimo.
De segundu, Chuletón. De la ganadería d'en frente. Qué maravía de carne. Tienra. Desfaise. Y como veis, ye enorme.
Y de postre, la sorpresa. Tortiella al Ron. ¿Un postre tipico cubanu n'As Poceiras? Pos sí, equí vese'l pasáu emigrante de Casa Rodil, yá que ye un postre que traxo'l so bisagüelu de Cuba, amás del dineru abondo pa construyir Casa Rodil.
Ye hipnóticu cómu la flambeen. Y ta bonísima.
Pa beber, agua Fuensanta.
Con Píntega. Cerveza artesano de la zona d'A Fonsagrada.
Pagamos 53€. 2 persones. Pero esa comida ye impagable. Cuarta xeneración. Dende 1829.
Maraviyosa Farturruta, unión de ríos, pueblos y cultura del suroccidente asturianu.
Web: http://casarodil.com/
Facebook: https://www.facebook.com/HotelRuralCasaRodil
Instagram: [@casarodil] https://www.instagram.com/casarodil/
Calidá: 4/5
Preciu: 26€
Comentarios: Vamos de Farturruta pal suroccidente asturianu, dientro la Contorna los Ozcos, declarada Reserva de la Biosfera pola UNESCO en 2007. Si buscáis un sitiu onde perdevos, relaxavos y nun atopar apenes a naide, esta ye la vuesa ruta. La ruta ye facilina pa tola familia, nun tien nenguna dificultá y entemez paisaxes maxestuosos, montes máxicos y aldegues con un encantu y valor cultural increíble.
La ruta ye circular, asina que da igual dende onde salgáis. Nós vamos salir dende'l mesmu restorán p'acabar ellí la ruta. En total son unos 13,5kms y faise, parando a faer semeyes, nunes 3h y media.
Casa Rodil ye un hotel rural preciosu, con un chigre-tienda onde paez qu'entres n'otra dómina, con güerta propia, una cocina maraviyosa y un cuidáu pola so redolada qu'habríamos de tomar como exemplu.
Aparcamos el coche nel aparcamientu de Casa Rodil, alredor hai sitiu de sobra amás. Y empezamos la ruta. Como ye círcular, da igual el sentíu nel que la faigáis. Yo encamiéntovos que sigáis el que fixi yo, qu'amás foi'l que nos encamentaron en casa Rodil.
Metéisvos pol pasadizo ente Casa Rodil y la casa de piedra y pizarra de la derecha, y xiráis a la izquierda. A partir d'ende nun hai perda. El camín ta marcao y bien conserváu.
Empieza una baxada preciosa, nuna zona de monte de carbayos y castañales.
Hasta cruciar el Rio Barcia.
A partir d'ehí empieza una llixera xubida.
Hasta llegar al pueblu d'A Veiga del Carru. Un pueblín bien guapu.
Tamos un poco sollertes a nun esvianos de la ruta, xiramos a la derecha y nel intre, atopamos la Capiya de la Virxe del Carmen, con un teixo al que nun-y vino perbién que fixeren un camín al ññáu, pero que siempres presta ver.
Y equí empieza la parte más guapa de la ruta. Y eso qu'hasta agora yera preciosa.
Col gorbizu floríu, y l'inmensidá del paisaxe del occidente asturianu.
Metémonos nun monte llenu de golores, soníos y colores.
Y baxamos hasta'l Forcón de Ríos, esto ye, la unión de los ríos Villanueva y Barcia.
Dempués de cruciar la ponte de madera, esfrutes de la maravía del paisaxe.
Una maravía
Siguimos ente fresnos, abedurios, carbayos y castañales.
Hasta llegar al tramu de carretera qu'hemos de cruciar, camín d'As Casias.
As Casias ye una aldega preciosa, con un conxuntu de casona, horreo y torre.
Dende ehí, una baxada hasta'l pueblu d'A Valía, al qu'aportamos cruciando'l ríu Villanueva.
Otra preciosidá de pueblu, bien curiáu, pol que paga la pena perdese. Cuna de la familia Lombardía, que dicen que yeren reloxeros ya inventores, orixinarios de Vizcaia, de fechu hai una inscripción nel pueblu con esi nome.
Abandonamos el pueblu y xubimos per camín estrechu almirando les últimes cases.
Hasta atopanos l'antigua capiya abandonada, con un arcu impresionante.
Siguimos xubiendo hasta llegar a San Xulián, onde apenes queden yá habitantes. Pueblín bien guapu, con dalguna casa dedicada al turismu rural, otres ganaderes iguáes y un pasáu llenu de vida.
Salimos de San Xulian, ente escamplaes cola inmensidá del paisaxe. Hai algun recuestu, pero faise llevaderu.
Y tramos de montes de castañales, carbayos y abedurios.
Baxamos hasta Caraduxe. Una baxada preciosa paralela al ríu, que vamos viendo al fondu.
Caraduxe ye otru pueblín preciosu iguáu, con un negociu pa faer apiturismo.
A partir d'equí, la pista camuda en carretera. Estrecha y onde nun cruciamos nengún coche, pero siempres encamentamos estremar los precuros. Les vistes sobre'l valle del ríu Agüeira son espectaculares.
Dende ellí, llegamos hasta Ferreirela de Riba. Si vais con tiempu, podéis esviavos a Ferreirela de Baxo, onde ta la casa natal, convertida en muséu, del Marques de Sargadelos y el Mazu de Mazonovo. Bien recomendables dambes.
Nós siguimos hasta Santalla, que tamién merez una parada. Nós díbamos col tiempu xustu y siguimos de llargu, anque ye un pueblín bien guapu y cuidáu.
La ruta bordia Santalla, y ye'l so puntu de partida. Anque como yá vos dixi, al ser circular, da igual d'onde salgáis.
Empieza una xubida per pista hasta la área recreativa del Millarado. Con campu de fútbol.
Dende ellí, yá nos queda una baxada bien prestosa.
Hasta llegar al nuesu puntu d'entamu, As Poceiras.
Llega la hora de sentase a comer. Amás d'hotel rural (vei les semeyes de la so web, ye preciosu), ye un chigre-tienda.
Tien comedor, pero si puedes, come na zona la tabierna, cerca de la chimenea. Ye una maravía.
Pidimos el menú. De primeru Caldu. Van facelo coles verduras de temporada de la so propia güerta. Tocáronnos fréxoles. Esi mesmu fin de selmana teníenlu de fueyes de cebolla.
Y taba buenísimo.
De segundu, Chuletón. De la ganadería d'en frente. Qué maravía de carne. Tienra. Desfaise. Y como veis, ye enorme.
Y de postre, la sorpresa. Tortiella al Ron. ¿Un postre tipico cubanu n'As Poceiras? Pos sí, equí vese'l pasáu emigrante de Casa Rodil, yá que ye un postre que traxo'l so bisagüelu de Cuba, amás del dineru abondo pa construyir Casa Rodil.
Ye hipnóticu cómu la flambeen. Y ta bonísima.
Pa beber, agua Fuensanta.
Con Píntega. Cerveza artesano de la zona d'A Fonsagrada.
Pagamos 53€. 2 persones. Pero esa comida ye impagable. Cuarta xeneración. Dende 1829.
Maraviyosa Farturruta, unión de ríos, pueblos y cultura del suroccidente asturianu.
No hay comentarios
Publicar un comentario