La Mar de Fondo

Señes: Frexulfe - Navia

Teléfonu:  644 074 950

Facebook: https://www.facebook.com/La-mar-de-fondo/
Instagram: [@lamardefondo] https://www.instagram.com/lamardefondo/

Calidá: 3/5
Preciu: 25€

Comentarios: Frexulfe ye una sablera preciosa del occidente asturianu. Falévos d'ella nesta Farturruta, y dicíavos que, amás de comer en Mesón el Centru, podíais averavos a La Mar de Fondo, el chiringu que ta nel otru estremu la sablera.

Chiringu bien guapu con vistes espectaculares y un prau con sielles pa pidir daqué y sentase ensin prieses. Acutamos mesa porque sabemos que pel branu y de fin de selmana aquello ta a españar. El problema ye que se forma una cola ente la nuesa mesa y la que taba al lláu y tas comiendo de siguío con xente al lláu, y más con esta situación, colo que se fixo abondo incómodu y apenes esfrutamos.

Centrándonos na comida, bien bona. Díbamos pidir un entrante más una ventrisca y encamentáronnos que cola ventrisca teníamos abondo. Bien bona, y perfecta fecha. Pidímos-yos un poco menos del puntu.

Pa beber, Vagamar IPA. La cerveza artesano de la zona de Ḷḷuarca.

Pagamos 56€. Nun nos animamos con postres y cafés. Pero volveremos probalo con aselu cuando tea menos atistibilláu.