Farturruta de Ḷḷeitariegos al Cuetu d'Arbas - La Chabola

Señes: La Chabola - Cangas del Narcea

Teléfonu:  985 811 150

Facebook: https://www.facebook.com/Venta-La-Chabola-De-Vallado

Calidá: 4/5
Preciu: 20€

Comentarios: Vamos de Farturruta a una de les cumes más mítiques d'Asturies, el Cuetu d'Arbas. Vamos xubir a un 2000m, pero d'una forma muncho más algamadiza de lo que pensáis. Nun llega a 8kms lo que vamos caminar, con malapenes 450m de desnivel, y tardando daqué menos de 4h. Paga enforma la pena y ye algamadiza para tola familia.

Nun ye namás xubir una cume mítica, tamién vamos esfrutar d'una llaguna con una lleenda preciosa representativa de les antigües creencies que, munches, inda perviven anguaño, anque desconozamos so oríxe.

Salimos d'El Puertu de Ḷḷeitariegos, el pueblu más altu d'Asturies (1525m), frontera con Lleón y que, amás, tien pista de Sky pel hibiernu. Na carretera xeneral esiste aparcamientu abondu para dexar el coche.

Diriximos a la parte de salida de la ruta, una plaza pequena cola capiya y una fonte col agua más bono del mundu que baxa directamente de la llaguna.

Nel intre vemos una pista amplia pa empezar la xubida al área recreativa.

Ye la parte menos guapa del percorríu.

A la fin de la pista, atopamos un área recreativa bien grande, con unos paneles informativos de la fauna y la flora llocal.

Y equí entama lo guapo.

A pocos metros de la área recreativa, coyendo un senderu a la derecha de la mesma, atopamos la Ḷḷaguna d'Arbas.

Cunta la lleenda, recoyida nel llibru "Un paseo por la Mitología Asturiana. Lugares de Leyenda" d'Alberto Álvarez Peña, el nuesu mayor espertu n'etnografía, que:

"Una noche de invierno un pobre mendicante pidió albergue en Brañas d'Arriba, la capital del antiguo concejo de Ḷḷeitariegos, pero no se lo concedieron. Llegó como pudo a las inmediaciones de la laguna y allí lanzó una maldición arrojando su báculo al agua. Este se transformó en una enorme serpiente que se sumergió en las profundas aguas. La gente de aquellos contornos, arrepentida, siguió las huellas del vagabundo pero ya lo hallaron al borde la muerte. Aún así, este les profetizó que año tras año por la festividad de San Xuan, de las aguas surgiría el cuélebre dispuesto a devorar ganados y embalsar la laguna para inundar los pueblos de Brañas d'Arriba y Arbas. 

En lo sucesivo, los vecinos no tuvieron más remedio que aplacar al cuélebre ofreciéndole una res en sacrificio. Se dice que una veces llegó a tragarse un carro de bueyes entero. Los desmanes del reptil fueron a mayores y llegó a exigir la ofrenda de una doncella. Y así fue en el correr del tiempo, hasta que un año le tocó el turno a una moza que, resignada al sacrificio, subió con un rosario consagrado a la Virgen. Cuando el cuélebre emergió de las aguas, la moza arrojó el rosario al animal y, a medida que iba enroscándose en su cuello, se iba transformando en una pesada cadena que le hizo hundirse bajo las aguas. El monstruo no volvió a aparecer, aunque se dice que la noche de San Xuan puede oirse arrastrar una gruesa cadena bajo la laguna. También se dice que la laguna no tiene fondo, porque es en realidad un güechu de mar (un ojo de mar). Próximo a Brañas d'Arriba existe aún el topónimo de Valdecuélebre".

Detrás d'esti tipu de lleendes, al igual que nos cuentos de princeses ufiertaes al dragón, s'escuende l'antigua creyencia de realizar sacrificios pa que les colleches espoyetaren, evitar riaes, pestes, fame ... A les fuerces incontrolaes de la naturaleza o al dios del llugar, como nesti casu, encarnáu nun telúricu cuélebre.

A la izquierda de la llaguna, atopáis l'indicador pa xubir hasta'l Cuetu d'Arbas. El camín vese fácil, y amás ta fitáu pa xubir.

Amás, de la que vais xubiendo, les vistes sobre la Llaguna fáense más impresionantes.

Ye una xubida en zigzag, hasta la Collada Fanetina.

Y dende ende, la xubida cresteamos hasta l'Altu de la Ferradura, el pasu anterior a llegar al Cuetu d'Arbas. Un senderu fácil y bien guapu con unes vistes impresionantes.

Llegamos al vértiz xeodésicu qu'indica'l Cuetu, onde atopamos tamién una caseta abandonada y una antena.

Les vistes son impresionantes. Si tenéis el día estenu, veis tol valle y les Ubiñes. Nós teníamos un increíble mar de nubes que-y dio un puntu final máxicu a la xubida. Ello ye que na xubida al puertu casi arrenunciamos de faer la ruta porque creíamos que nun díbamos ver nada.

A partir d'ehí, quedas la baxada pol mesmu sitiu que xubimos y volver al coche. La ruta en total son unos 8kms

A la baxada, atopes maravíes como ésta.

Pa comer, tenéis dos opciones na zona. Xusto al empiezu la ruta, tenéis El Puertu, que me tocó siendo xuráu del Concursu del Pote, y comí perbién.

Nós garramos el coche y desandamos un poco la xubida al puertu y fuimos a La Chabola. Ta a 10kms del Puertu, sentíu Cangas (por tanto, sacantes vengáis de Lleón, habéis de pasar perhí sí o sí).

Un clásicu dende 1894. Ye bien famosu, amás, pola so esbilla de llicores caseros. Y suel tar llenu. Asina qu'acutái.

Preciosu comedor con Chimenea.

Y otru comedor con un antiguu llar, que ye una maravía.

Nós comimos na terraza (diba encamentavos que si fai bonu, pidáis ellí la mesa, pero yá veis que comáis onde comáis, ye preciosu). Con estes vistes.

Comimos 3 persones. A 20€ per cabeza. Atención:

Pote Asturianu. Impresionante. De los meyores que probemos. Berza grande, pero nada brava.

Vien col Compangu aparte. Güesos de Butieḷḷu, típicu de la zona, que ye un espectáculu. El restu, nun se queda tras, el chorizu ye espectacular y la morciella tien un toque duce y picante al empar. Maraviyosu.

De primeru tamién había Fabes con Amasueles. Son fabones de mayu, más grandes. Trupa. Bonísima.

De segundu, había Tenral Asao. Brutal el mueyu coles pataques frites. La carne bonísima, desfaise.

Yá'l so famosu platu de Pataques, Xamón y Güevos Fritos. Los güevos, de casa. Qué felicidá.

El xamón vien aparte.

De postre, nun podéis dexar de probar les sos famoses Natielles, que son impresionantes. Tienen un toque de ¿coñá? y saben distintes a les que táis acostumaos a comer perhí.

Y la so Tarta de Quesu con Carambelu, que ta buenísima.

P'acabar, los sos Clines Caseros. A cada cual meyor.

El Pan tamién merez mención. Esceicional.

Pagamos 60€. 20€ per cabeza. Una relación calidá-preciu-llugar-vistes-esperiencia inmeyorable. Qué maravía de sitiu.

Ruta fácil, curtia y cenciella. Con lleendes, llagunes, un 2000m y unes vistes impresionantes. Con parada a comer nuna de les cases de comíes más mítiques y onde meyor se come d'Asturies. Maraviyosa Farturruta.