Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: Nenyuri


Señes: C/ La Industria, 11 - Sama de Llangréu
Teléfonu: 984 709 007


Web: https://restaurante-nenyuri.negocio.site/
Preciu: 50€



Comentarios: Volvimos a Nenyuri, esi sitiu que significa "En nengún sitiu, en nenguna parte.", o "A nengún sitiu, a nenguna parte.", en llingua asturiana. Y siguimos llevándo-yos la contraria col nome, porque esti Nenyuri, el que ta asitiáu en Sama sí que nos lleva "per dayuri", esto ye, a dalguna parte.

Tien dos ambientes estremaos, na planta baxa, con barra, ye sidrería. Ambiente más informal, y por tanto, una carta más informal. Na parte de riba, un salón preciosu, más formal, con una carta un pocu más puesta, anque dambos pisos compartan dellos platos. Nos dos, la mesma bona atención y la mesma bona cocina. Na anterior visita probemos la zona de sidrería, nésta, la del comedor.


Empezamos con Aceite. Bien ricu.


Acompañáu de Panes. De Maíz y con Pipes.


D'aperitivu tráennos una Croqueta de Boletus con amenorgamientu de Módena na base. El contraste dulzuxu cola intensidá del boletus queden bien.


La carta yenos bien grande, pero sí que tienen siempres coses fora de carta, y descríbente perfectamente lo que lleva cada platu y lo que cuesta. Daqué a destacar. Asina que pidimos, fora de carta unos Virigüetos. Pregúntennos si al vapor o a la plancha, y pidímoslos al vapor. Esceicionales. Bien bonos.


Tamién fora de carta pidimos dos Samartines (tamién lo conocemos en Asturies como Gallos. Pez de San Pedro en castellán). Un pexe qu'empieza a ser valoráu agora y que siempres m'encantó.
Vien con verdures en tempura, agucate y pimientos, bien riques. Y un mueyu de xamón. Tien un toque picante que contraste xenial cola tempura. Bien ricu. Ración abondosa amás.


De postre, Lleche con Galletes. Base de galleta, con dalgún cachu pel mediu p'apurrir distintes testures. Y un cremosu de lleche. Bien ricu. Dulzuxu.


Y Tocinillo, Pan y Cielu. Dulce del tocinillo, a éstes de los bonos, con xeláu de dulce de lleche y amargosu del chocolate. Otru postre para llambiones. Bien ricu.


Pa beber dexamonos encamentar y probemos Can Sumoi, con uva xarel-lo. Vinu blanco natural catalán de Raventós i Blanc. Golores a fruta blanco y en boca más grasu, tien tamién un toque acedu. Gustónos. Distintu.


Pagamos por tou 103€. Vamos iguir probando Nenyuri hasta atopar ayuri. 


No hay comentarios

Publicar un comentario