Sidrería Cabruñana

 

Señes: Calle Cabruñana, 24. Avilés 

Teléfonu: 985 56 12 17

Web: http://sidreriacabrunana.com/
Facebook: https://www.facebook.com/sidreriacabrunana

Calidá: 3/5
Preciu: 20€

Anterior Visita: https://www.lesfartures.com/2012/04/sidreria-cabrunana.html

Comentarios: De les poques sidreríes mítiques que queden n'Avilés, de les que curien la sidra, échenla bien y onde amás, vas comer bien y a bon preciu.

Sidrería Cabruñana lleva abierta bien d'años y siempres que fuimos, salimos encantaos. Ye perfecta pa tapear daqué informal, o pa ponese más serios col pexe o'l mariscu, depende de lo que quieras gastar.

Zona amplia de barra según entres, con meses pa comer y tomar sidra. Salón tras, onde siguen echando sidra, y xubiendo per unes escaleres, otru comedor onde yá non t'echen la sidra.

Cenamos daqué rápido pa picar. Pastel de Cabrachu. Ricu.

Calamares. Acabantes de traer, según dixeron.

Fritos de Pixín. Ricos. 

Llonganiza. Ún de los sos platos estrella. Bien bona. Cocida o frita, tu decides. Nós tomámosla cocida.

Con Sidra Vallina. Nidia, entra sola. Eso sí, si pases al vinu, nun hai nenguna referencia asturiana.

Pagamos 20€ per cabeza.