Nueva Visita: La Pomar

 

Señes: C/ Baldomero Alonso, 30 - La Felguera
Teléfonu: 985 694 975

Web: http://www.sidrerialapomar.com/

Facebook: https://www.facebook.com/sidrerialapomar/

Calidá: 3/5

Preciu: 23€

Anterior Visita: https://lesfarturesast.blogspot.com/2018/10/nueva-visita-la-pomar.html

Comentarios: Única sidrería cola marca de calidá turística del Principáu nel Conceyu de Llangréu. Asitiada en plenu barriu de La Pomar, en La Felguera. Cai peatonalizada, y con una terraza enorme fuera cuando'l tiempu dexa. 

Llocal en piedra, decoración clásica, pero bien guapa y cuidada. Nel centru'l local, la barra, abierta a tol chigre. L'epicentru del local ye la sidra y poner la barra ehí ye una declaración d'intenciones.

Siempres ta llenu a españar de fin de selmana,  asina qu'acuta. 

Cenamos 8 persones. Sábadu de nueche, y el ritmu d'echar sidra nun apara. Per bona atención siempres.

Empezamos con unes Navayes. Riques.

Pastel de Cabrachu. Bona ración amás

Una de les especialidaes de la casa son les Cogordes. Y más cuando tamos en temporada. Asina que nun les puedes perder.

Y acabamos con unos Chuletones. Bona carne.

De postre, Tarta de quesu. Rica.

Y Milfueyes. Bien bonu.

Pa beber, Piñera DOP. Entra sola. 

Pagamos 23€ per cabeza. Bona opción si tas per La Felguera.