Publicidá

Blog Archive

Contact Me

Nombre

Correo electrónico

Mensaje

Hover Setting

default

El Pintu & Collacios - Farragua

 
Señes: Calle de la Libertad, 11 - La Pola Llaviana
Teléfonu: 984 045 505


Facebook: https://www.facebook.com/El-pintu
Instagram: [@el_pintu_laviana] https://www.instagram.com/el_pintu_laviana/


FARRAGUA

Señes: C/ Contracay, 3 - Xixón
Teléfonu: 985 683 251


Web: http://farraguarestaurante.es/
Facebook: https://www.facebook.com/Farragua-Restaurante/
Instagram: [@farraguarestaurante] https://www.instagram.com/farraguarestaurante/


Calidá: 4/5
Preciu: 45€


Anterior Visita: https://lesfarturesast.blogspot.com/2020/10/el-pintu-collacios-la-industria.html


Comentarios: Volvió El Pintu & Collacios tres les fiestes, con un invitáu d'esceición: Ricardo Señorán, propietariu y cocineru del Restorán Farragua. Una de les "incorporaciones" (anque lleva munchos años con nós) a la cocina asturiana y que tantes allegríes ta dándonos,


Ricardo ye de Plasencia, y abrió va unos años Farragua, qu'en castúo, dialeutu del asturianu, significa, Descamisado, astroso (en asturiano, tenemos faraguya, la: sust. Migaya [de pan]. 2 Cachín [perpequeñu de daqué]. 3 Persona o cosa [ruina y pequeña]. 4 Bobada, cosa ensin importancia. 5 Xente [de pocu valor, que nun merez apreciu].) . Y yá ganó con ella la Caldereta 2019 al Cocineru con más proyeición.


Pa beber, Auzells 2016. Lleva Macabéu, Sauvignon Blanc, Chardonnay, Riesling y y Albariño. 3 meses nes sos enguedeyes. Gustónos daveres.


Empezamos con Ensalá de Fabes y Perdiz. Toque cítricu, con fabes, un bon cachu de perdiz esmigayada y churruscos. Xenial combinación. Tuvímonos que contenenos pa nun acabar col pan.


Escabeche Cítricu con Coles. Impresionante. Una esplosión cítrica na boca. Enfresca, llimpia, y pide más. La combinación de testures de les coles col kale queda xenial. Tien un toque picante gracies a la Sriracha. Una maravía de platu.


Kokotxa y Moxones. Con una base de puré de pataca y crema pilpil. Otra maravía de platu. Les kokotxes perfeutes, y colos moxones van xenial. Platazu.


Camudamos al tintu, gustónos más el blancu. Cara Nord Negre 2015. Lleva syrah, garnacha y monastrell. Lloréu, distintu, Frescu, güel poco. Bien.


Berenxena Sedosa. El mio platu favoritu de la nueche, y mira que'l restu púsolo bien difícil. Nidiu, elegante, con una mueyu maraviyosu con un toque picante (Kimchi) y untáu gracies a les manes de gochu. La berenxena, perfeuta.


Merluza del Pinchu, Sopes d'Ayu y Llagostinos. Otru mueyu con un toque de manes de gochu, que-y da un toque intensu. A Diego encánta-y xugar con esos contrastes y sálen-y perbien. La merluza buenísima, y la combinación colos llagostinos, ya'l mueyu, bien bona.


Pitu Enteru. Na parte inferior, foie de fégadu con un toque de panceta. Na parte de riba, el pitu esmigayáu coronando un poco de cebolla encurtida. Buenísimo. Testures, contrastes, intensidá. Brutal.


El primer postre, d'Alberto Ojeda de D'Albert. Pistachu y Artimora. Mousse perfecta con una base de pistachu que ta buenísima. Encantónos.


Y acabamos con Chiboust de Chocolate Blanco. Crema pastelera con merengue italianu, freses sueltes y chocolate espolvoriscáu percima. Una de les meyores cremes que probé. Bonísima.


Hasta agora, la mio edición d'El Pintu & Collacios favorita. Nivelazu que nun para de crecer.


No hay comentarios

Publicar un comentario