Teléfonu: 984 709 007
Web: https://gunea.es/
Preciu: 50€
Comentarios: Tou entamó con Koldo Miranda, va unos años, cuando se conocieron Pablo y Begoña. Nel míticu restorán na Cruz d'Illes, casi raspiando con Avilés, que foi Estrella Michelín (únicu n'Avilés) hasta que peslló va unos años. Tres un tiempu trabayando en dellos restoranes (como'l Refectorio en Valladolid, que consiguió otra Estrella Michelín, Mugaritz, Nerua o Recreo) decidieron faese cargu del mesmu llocal onde empezó la so aventura, y asina nació Gunea.
Gunea n'euskera significa área, sitiu. Y tán consiguiendo que sía un erreferentzia gunea, esto ye, un sitiu de referencia. Un espaciu personal, que xune Asturies yá'l Pais Vascu, onde la cocina ye escelente, la sala ye escelente y l'espaciu ye escelente. Apocayá encamentaos pel The NY Times como ún de los restoranes indispensables n'Asturies, y siempres nes quinieles pa cualesquier premiu gastronómicu (qu'esperemos que lleguen munchos en curtiu), Pablo y Begoña dannos una lleición de cómo algamar la excelencia gastronómica al traviés del productu asturianu de cercanía.
La casa ye preciosa. Asitiada na antigua carretera Avilés-Gráu, pero mui cerca de la conexón cola autopista. Na parte de tras, zona de parking priváu, y una amplia terraza que pel branu ye una gociada. Según entres al local, cocina abierta con trasiegu continuu, y accesu a una pequena barra. Tienen un pisu cimeru qu'utilicen pa eventos privaos o comíes grandes.
El llocal ye enorme y preciosu, techos altos, madera, piedra. Meses amplies y espaciadas. Y atención de Begoña, perfecta. De los meyores.
Carta amplia, con posibilidá de pidir media ración, que vien perbién pa probar coses distintes. Dellos fores de carta, indicando'l preciu de ración y media ración (daqué qu'habría de ser habitual, pero que tristemente nun suel asoceder).
Comimos 3 persones. Empezamos con Mantequilla de Quesería la Fontona, de Beiciella, Samartín de Lluiña. Bien bona.
El pan de fogaza, esceicional.
D'entrantes pidimos Berenxena asada a la llapada, requesón, anchoa y miel. El Requesón ye tamién de La Fontona. L'anchoa de Llastres. Productu asturianu pa una combinación xenial. Amargu del requesón, dulce de la berenxena, saláu y afumáu de l'anchoa. Yá'l AOVE col so puntu. Encantónos.
Cardu, Velouté y Trufa. Fora de carta. Otra maravía d'entrante. La combinación entre trufa y cogordes ye maraviyosa, amás vien bien cargao de trufa. El cardu apurre tamién sabor y testura. Yá'l mueyu ye maraviyou. Encantónos.
De platos, Pluma ibérica de Guijuelo lacada, parmentier, lombarda y mostaza. Bonos cachos de pluma, bonísimos. Llombarda y un puré con un toque de mostaza y parmentier que ta buenísimo. Toque duce. Platazu.
Y fora de carta, Pixín con Verdures. Dos bonos cachos, con tola testura y el sabor qu'apurre'l pixín, acompañáios de kale de La Tierrina, de Samartín de Lluiña. El mueyu apurriendo potencia. .
De postre, pidimos Mazana glaseada con tofe y crema fresca batida. Dulce y amargosu. Distintes testures. Bien bonu.
Hoxaldre, Nata, Miel y Piñones. Maravióme. De los meyores postres que recuerdo. Hoxaldre perfectu, col toque de nata y los piñones. Tenéis que probalo.
Colos cafés, unes pastes caseres.
Pa beber, 1947, de Viuda de Angelón. Primer sidra crianza d'Asturies. Sidra de mesa, "tranquila" como la define Fran, que nun precisa que la eches. Tol sabor de la sidra, con un toque de madera que dan los 4 meses que reposa en barriques de carbayu. Potente, tien casi la metá de graos qu'un vinu, pero aguanta perfectamente cualesquier comida. Buenísima.
Pagamos 152€. Maraviyosu Gunea.
Comentarios: Tou entamó con Koldo Miranda, va unos años, cuando se conocieron Pablo y Begoña. Nel míticu restorán na Cruz d'Illes, casi raspiando con Avilés, que foi Estrella Michelín (únicu n'Avilés) hasta que peslló va unos años. Tres un tiempu trabayando en dellos restoranes (como'l Refectorio en Valladolid, que consiguió otra Estrella Michelín, Mugaritz, Nerua o Recreo) decidieron faese cargu del mesmu llocal onde empezó la so aventura, y asina nació Gunea.
Gunea n'euskera significa área, sitiu. Y tán consiguiendo que sía un erreferentzia gunea, esto ye, un sitiu de referencia. Un espaciu personal, que xune Asturies yá'l Pais Vascu, onde la cocina ye escelente, la sala ye escelente y l'espaciu ye escelente. Apocayá encamentaos pel The NY Times como ún de los restoranes indispensables n'Asturies, y siempres nes quinieles pa cualesquier premiu gastronómicu (qu'esperemos que lleguen munchos en curtiu), Pablo y Begoña dannos una lleición de cómo algamar la excelencia gastronómica al traviés del productu asturianu de cercanía.
La casa ye preciosa. Asitiada na antigua carretera Avilés-Gráu, pero mui cerca de la conexón cola autopista. Na parte de tras, zona de parking priváu, y una amplia terraza que pel branu ye una gociada. Según entres al local, cocina abierta con trasiegu continuu, y accesu a una pequena barra. Tienen un pisu cimeru qu'utilicen pa eventos privaos o comíes grandes.
El llocal ye enorme y preciosu, techos altos, madera, piedra. Meses amplies y espaciadas. Y atención de Begoña, perfecta. De los meyores.
Carta amplia, con posibilidá de pidir media ración, que vien perbién pa probar coses distintes. Dellos fores de carta, indicando'l preciu de ración y media ración (daqué qu'habría de ser habitual, pero que tristemente nun suel asoceder).
Comimos 3 persones. Empezamos con Mantequilla de Quesería la Fontona, de Beiciella, Samartín de Lluiña. Bien bona.
El pan de fogaza, esceicional.
D'entrantes pidimos Berenxena asada a la llapada, requesón, anchoa y miel. El Requesón ye tamién de La Fontona. L'anchoa de Llastres. Productu asturianu pa una combinación xenial. Amargu del requesón, dulce de la berenxena, saláu y afumáu de l'anchoa. Yá'l AOVE col so puntu. Encantónos.
Cardu, Velouté y Trufa. Fora de carta. Otra maravía d'entrante. La combinación entre trufa y cogordes ye maraviyosa, amás vien bien cargao de trufa. El cardu apurre tamién sabor y testura. Yá'l mueyu ye maraviyou. Encantónos.
De platos, Pluma ibérica de Guijuelo lacada, parmentier, lombarda y mostaza. Bonos cachos de pluma, bonísimos. Llombarda y un puré con un toque de mostaza y parmentier que ta buenísimo. Toque duce. Platazu.
Y fora de carta, Pixín con Verdures. Dos bonos cachos, con tola testura y el sabor qu'apurre'l pixín, acompañáios de kale de La Tierrina, de Samartín de Lluiña. El mueyu apurriendo potencia. .
De postre, pidimos Mazana glaseada con tofe y crema fresca batida. Dulce y amargosu. Distintes testures. Bien bonu.
Hoxaldre, Nata, Miel y Piñones. Maravióme. De los meyores postres que recuerdo. Hoxaldre perfectu, col toque de nata y los piñones. Tenéis que probalo.
Colos cafés, unes pastes caseres.
Pa beber, 1947, de Viuda de Angelón. Primer sidra crianza d'Asturies. Sidra de mesa, "tranquila" como la define Fran, que nun precisa que la eches. Tol sabor de la sidra, con un toque de madera que dan los 4 meses que reposa en barriques de carbayu. Potente, tien casi la metá de graos qu'un vinu, pero aguanta perfectamente cualesquier comida. Buenísima.
Pagamos 152€. Maraviyosu Gunea.
No hay comentarios
Publicar un comentario