VI Empachate Misterioso

Empachate
Web: http://www.empachate.com/
Facebook: https://es-es.facebook.com/empachate
Twitter: https://twitter.com/empachate_es

Tierra del Agua

Direición: Caliao / Caleao - Casu / Caso
Teléfonu: 985 612 915 - 626 697 475

Web: http://www.tierradelagua.es/

Facebook: https://www.facebook.com/TierraDelAgua/
Twitter: https://twitter.com/TierradAgua
Instagram: https://www.instagram.com/tierradelagua/

El conceutu ye simple pero maraviyosu. Inscribeste na so web (y rápido, qu'en media hora agoten toles places, por daqué va ser), unviente un corréu con sitiu y hora d'alcuentru (el día ta prefixáu), xubes nun autobús con otres 50 persones y llevente a comer a un restorán alloñáu de nucleos urbanos y que de xuru desconozas. Y tou por 35€.

Va unos años esta brillosa idea ocurrióse-yos a Marta y Noelia, les moces detrás d'Empachate, coles mires de pasar un bon ratu, pero tamién d'asoleyar sitios y menús distintos. Tou ello con una dosis enorme d'orixinalidá y curiando al máximu que tol mundu siéntase parte y bien a gustu.

Dende'l minutu 1 que xubimos nel autobús, Manoli (de DespreocupatEventos) foi la encargada de que'l viaxe fixéranos lo más curtio posible con xuegos d'animación. Y consiguió que dende los más nuevos a los más mayores, toos desinhibieramos y lo pasaremos xenial.

Nesta edición, el sitiu escoyíu pal Empache Misteriosu foi Tierra del Agua, un llocal maraviyosu asitiáu nel preciosu pueblu de Caliao (Casu), con unes impresionantes vistes a Redes y dende'l que pueden faese rutes de senderismu y montañismu precioses.

L'hotel-restorán lleva unos 3 años abiertu, fechu en piedra y madera, y con una decoración preciosa. Ye un complexu asitiáu na parte alta del pueblu con unes vistes precioses. Cuenta con habitaciones, apartamentos privaos, SPA ... y unes zones comunes onde relaxase y esfrutar de la vista.

Empezamos con un vermú de primera nuna zona preciosa con un llagar rehabilitáu. Vermú Reserva Blanco y Reserva Yzaguirre con Mermelaes de Vinu Tinto, Piescu y Sidra de la Gijonesa con Quesu Cuquiello esclusivu deLa Gijonesa ellaboráu en Ca Llechi con lleche de vaca pasteurizada (premiaos nel Salón Gourmet de Madrid)

Tres la presentación y degustación los productos, y un tiempu pa conocer la redolada, pasamos al salón principal acutáu pal Empacho Misteriosu.

Decoración preciosa, vistes maraviyoses ... hasta salió'l sol. Tou perfeutu. Amás Empachate tuvo'l detalle de personalizanos cada menú.

El Menú Misteriosu consistió en:

Crema de Puerros asaos con Quesu Casín y Camalar Frescu. Buenísimo entrante. Gustónos enforma la combinación del puerru col quesu casín (en Casu nun puede faltar el quesu casín). A priori, pol golor, paecía que'l quesu diba matar el restu del platu, pero nun foi asina. Y amás atopase con calamar frescu y la so testura foi tou un aciertu.

El Lomito de Bacaláu a la Sidra sobre Panadera de Pimientos a la Lleña foi al nuesu gustu'l trunfador de la comida. Xenial. Dempués comentáronnos que dalguna pataca taba un pelín pasada ... pero ye imposible que los 50 menús tean al puntu. El míu taba perfeutu. Gran cachu de bacaláu, que s'espeñicaba en llámines, con un complementu xenial. (y sí, ponía "lomito").

Fabes Mantegaes con Ragout de Xabalín. Un Xabalín que desfai, suavísimo, qu'apurrió al caldu un toque xenial. La faba bona, faltó-y un pelín pa ser del tou mantegosa. Pero un platu ricu.

Tatín de Mazana Pomarín con Crema Inglesa y Xeláu de Vainilla. Yo nun soi un apasionáu de los postres de mazana, pero sorprendióme para bien. Bien bona esa base hoxaldrada. Anque quiciabes foi lo que menos me namoró de tola comida. Sía comoquier, na votación popular (con serviyetes n'alto, tradición yá de los Empachos) ganó por goliada siguíu de cerca del bacaláu.

Pa beber, Vino Rioja Conde del Real Agrado Crianza 2012.. Un rioja qu'entraba solo, bono de beber. Por favor, productores asturianos, ponevos les piles por que'l próximu Empachate sía con bébora asturiano. Según indicáronnos, la organización puso en contactu con delles bodegues y nun llograron respuesta.

Acabamos con un GinTonic de Xinebra Prermium Master's. Xinebra de tipu London Dry, con un final bien elegante. Gustó enforma.

Por 35€ un autobús, con animación, una redolada maraviyosa, degustación de productos asturianos con vermú y un menú al altor del día.

Nun sé vós, pero yo yá toi deseando que llegue'l VII Empachate Misteriosu.