Publicidá

Blog Archive

Contact Me

Nombre

Correo electrónico

Mensaje

Hover Setting

default

Napar BCN

 
Direición: C / Diputació, 223 - Barcelona
Teléfonu:  934 089 162



Recomendaciones: TOO


Web: http://www.naparbcn.com/
Facebook: https://www.facebook.com/NaparBCN
Twitter: [@naparbcn]: https://twitter.com/naparbcn
Instagram: [@naparbcn]: https://www.instagram.com/naparbcn/


Calidá: 4/5
Preciu: 26€


Comentarios: Qué ganes teníamos qu'esistiera un restorán asina, y cuántu prestaría qu'una propuesta asemeyada llegue a Asturies ...

NaparBCN ye l'amiestu ente la cerveza artesano navarra Naparbier y los fogones de la Estrella Michelin de Tresmacarrons Miquel Aldana cola decoración del Estudiu que decoró DiverXO.



Lleven abiertos 2 meses en Barcelona, polo que nun sé si va ser namás costume inicial. Pero según entres nel local, vien daquién a recibite, con una copa de la so Naparbier IPA, y convidate a siguilo mientres t'amuesa'l llocal enteru. Amás, cuando'l camareru ye de Xixón, la cosa, inda ameyora.

La principal novedá, amás de l'alta cocina, ye que tienen el so micro cervecería dientro del propiu local. Esto ye, producen la cerveza que consumes; pero amás siempres ufierten cerveces artesanes de primera amás de les suyes mesmes pa complementar la so carta.

Llocal preciosu, con un amiestu ente industrial y tradicional. Bien grande. Con dos zones estremaes. Una de meses baxes, más íntima, pa poder comer tranquilamente; y otra con 3 meses altes grandes, más informal, onde puedes entemecer más cola xente. A la vista, los depósitos de cerveza y xente trabayando nella dientro. Tienen un pequeñu reserváu pa unes 15 persones pa celebraciones más íntimes.


Mientres me decidía qué pidir, traxéronme un Vermú de Frutos Coloraos con unes Aceitunes.

Amás de la carta (qu'hai que dir probala sí o sí), tienen un Menú Diariu por 19,5€; y Menús de 40€,50€ o 60€. Yo pidí'l menú diariu con dellos suplementos pa probar coses distintes. Tolos suplementos vienen indicaos na carta.


Empezamos con unes Xudíes del Ganxet Viñaes, Papada y Vieira (+2.50€ al Menú). Les xudíes del Ganxet son una variedá de faba que se produz en Catalunya y qu'adulces van recuperando. El platu ye suave y la combinación cola Vieira al centru ye fascinante. Buenísima.


De segundu, Corderu Glaseáu, Parmentier de Quesu Azul y Frutos Coloraos. El parmentier del quesu mui, mui suave, y queda xenial combináu col mueyu más "duce" del Corderu. El corderu desfai ensin necesidá de cuchiellu, amás, podéis comprobar que ye una bona ración. Gran platu.


Pa estos dos platos, decidí pola so Naparbier Insider IPA, una IPA acabante de sacar al mercáu de 7,2%, pero equilibrada y con un llixeru toque d'amargor. Perfeuta pa la carne y les xudíes.


De postre tomé un increíble Créme Brûlée con sorbete d'Artimora. Bonísimu. El cruxente de la parte de riba espectacular.


Y pa acompañalo, tomé la xoya la corona, la so Naparbier Avant-Garde Barley Wine ed 2015. Son cerveces especiales avieyaes en barriques "golioses" (van camudando ente vinu, xerez ...), con abondo más alcohol (unos 12%) y perfeutes pa postres o carnes potentes. Tienen un toque dulzuxu, y aneyu, pero combináu col amargor de la malta. Pergrande cerveza.

Colos estres y la cerveza estreme, pagué 26€.


Y amás, de regalu, camiseta y pegadielles (¡esi camareru de Xixón!), Un sitiu maraviyosu al qu'espero volver ceo a probar so carta, yá que me dixeron que tenía una carne espectacular. Vamos ver ...



No hay comentarios

Publicar un comentario