Publicidá

Blog Archive

Contact Me

Nombre

Correo electrónico

Mensaje

Hover Setting

default

Restaurante Abrelatas: Casa de Quesos con Aitor Luis Vega y Sidra Viuda de Angelón

RESTAURANTE ABRELATAS

Direición: Ería del Hospital, 5 - La Pola Sieru

EXCLUSIVAS VEGA

Direición: Daniel Moyano, 4, La Corredoria - Uvieu / Oviedo
Teléfonu: 630 476 475

Web: http://www.exclusivasluisvega.com/
Facebook: https://www.facebook.com/aitorluisvega
Twitter: [@AitorLuisVega] https://twitter.com/AitorLuisVega
Instagram: [@avigil1978] http://instagram.com/avigil1978


LLAGAR SIDRA VIUDA DE ANGELÓN - POMAR

Direición: La Teyera S/N - Nava
Teléfouo: 985 716 770

Web: http://www.sidraviudaangelonpomar.es/
Facebook: https://www.facebook.com/sidrapomar.viudaangelon/
Twitter: [@sidraangelon] https://twitter.com/sidraangelon
Instagram: [@sidraviudaangelonpomar] https://www.instagram.com/sidraviudaangelonpomar/


Si andechen 3 cracks va ser complicáu que daqué salga mal. La esperiencia que vivimos ayeri va ser complicada de superar. Una convocatoria inicial de 20 places, qu'hubo qu'aumentar a 32 (y con xente en llista d'espera porque nun entraba naide más nel restorán); ún de los mayores espertos queseros que tenemos n'Asturies (y recién xuráu de la Final de Quesos na Feria Gourmet 2016 de Barcelona), Aitor Luis Vega; y el recién ganador del premiu popular a la Meyor Sidra de la Preba de Gascona (ya innumberables premios más) Fran Ordóñez, de Viuda de Angelón. Tou de la mano d'un anfitrión de luxu, Borja Alcázar, n'ún de lls llocales referentes n'actualidá, el Restorán Abrelatas.

Foi d'estimar qu'empezáramos la cata con Sidra Natural, la gran escaecida d'esti tipu de cates. Y amás que Fran esplicáranos la diferencia ente una sidra natural y una sidra DOP. La Sidra DOP garantiza por aciu d'un control públicu que ye una sidra calidable (con análisis químicos y cata de profesionales) y que ye un productu fechu 100% n'Asturies con mazana 100%  asturiana. El so consumu adulces va incrementándose pero inda sigue siendo minoritariu n'Asturies. Y si queremos potenciar el plantíu de pumares asturianos, qué menos que pagar esos 50cts de diferencia.



Amás, pudimos comprobar la diferencia ente una sidra d'apenes unos meses (Viuda de Angelón), muncho más afrutada y de color payizu tirando a verde; con una sidra d'añu y mediu (Prau Monga), muncho más aceda y de color payizu tirando a oru.


Los dos culetes combinaron perfeutamente colos dos primeros quesos que nos presentó Aitor, dambos quesos asturianos. Empezamos con un Pría Tres Lleches, quesín suave que yá conocíamos y que nos encanta. Testura perfeuta pa tol sabor qu'apurre la vaca, la oveya y la cabra. Siguimos con un Varé de Cabra lleche crudo, otra maravía asturiana de Varé (Sieru), primer quesu ecolóxico d'Asturies y que ye toa una delicia na boca. Ún de los mios favoritos.


Camudamos a les sidres espumoses, y Fran presentónos la so Sidra Brut Nature Prau Monga DOP Sidra d'Asturies, una de les xoyes de la corona actuales nel mundu la sidra. Sidra fecho pol métodu champagnoise (como'l champagne o'l cava), de 7,2% y 0% d'azucre residual. Anguaño amás podemos esfrutar d'una sidra "reserva" de 3 años y mediu. Un lluxu de sidra que va con tou y que ta siendo un ésitu n'EEXX (ellí viéndese sobremanera de cañeru).


Pa combinalo, Aitor propúnxonos otru quesu asturiano, Los Beyos. Un quesu con IGP (Indicación Xeográfica Protexía, un pasu anterior a la DOP). Quesu de la zona d'Amieva,de lleche de vaca. Nidiu anque más acedu que los anteriores, con una fascinante combinación ente la testura la corteza y del interior. Amás, Aitor combinalo con un dulce de figos, nueces y chocolate. Yo nun soi mui de dulce, pero la combinación ye espectacular.


Siguimos cola so Sidra Brut Viuda de Angelón, que la so diferencia principal cola anterior ye qu'en cuenta de faer la segunda fermentadura na botella (métodu champagnoise), faela en depósitos, d'ende la so denominación granvás. En teoría un productu menor que l'anterior, en costu d'ellaboración y en sabor (y polo tantu en tienda), pero ye perfeuta pa una primer aproximamientu al mundu brut de la sidra. Digo en teoría, porque ta buenísimo, y el so preciu ye bien baxu. Asina que aprovechái.


Quesu Gouda Old Amsterdam, un quesu mantegoso de lleche de vaca de 18 meses de maduración. Quesu de peralta calidá mundialmente conocíu. Combina un sabor más fuerte xuntu con una testura blanda. Hasta tien un toque cruxente na boca por cuenta de cristales de calciu que se formen mientres la so maduración. Un auténticu lluxazu de quesu.


La so Sidra de Mesa 1947, sidra natural clarificada y penerada que nun ye necesariu echar. Más asemeyada a un vinu blanco (nun ye espumosa). Sidra que nos últimos años ameyoró enforma, ye una sidra con cuerpu, que güel y sabe, y qu'aguanta perfeutamente'l tipu ante tolo que-y pongas per delantre, pero sobremanera, con arroces.


Pa la 1947, Aitor propúnxonos un Cheddar DOP Cave Anged 18 meses, un quesu cheddar de los de verdá. Un quesu fuerte, complexu, maurecíu en cueves de forma natural. Ún de los quesos más famosos d'Inglaterra de color mariellu payizu, testura blanda (que s'espeñica llixeramente) y un sabor fuerte y aneyo.


Otra de les sorpreses de la nueche foi la  Sidra Viuda de Angelón de Pera, Sidra ellaborao por aciu del métodu granvás, pero fecha con pera, recuperando una tradición antigua asturiana d'ellaboración de sidra con pera por cuenta la gran cantidá de perales qu'esistíen d'antiguo. Cuando s'acababa la mazana n'Asturies, por mor de la gran demanda nes esportaciones, empezóse a ellaborar sidra de Pera, y va unos años Fran recuperó esa tradición. Sidra espumoso que güel y sabe a pera, suave y qu'entra sola.


Siguimos con un quesu suavín, un Lazana Afináu, quesu de pasta blando de vaca con corteza natural llavada (según cuntónos Aitor). Un quesu de Les Regueres con un toque a yogur, suavín, y que va perfeutamente cola espuma la sidra de pera.


Empezamos coles "llambionaes". Una de les novedaes recién del llagar ye la so Sidra Pomar Rosée, sidra espumoso rosao. El color algamalo al macerarse cola mesma magaya la mazana, ensin nengún aditivu artificial. Sidra llambiono, que fresca entra ensin que t'enteres, y que ta siendo tou un ésitu en Suramérica. Perfeuta pa vermutiar. Una pena que tea trunfando tantu fuera y qu'equí cueste tantu atopala. 5% d'alcohol de pura fruta na boca.

Pa combinalo, probemos el Chisquero Artesano, quesu manchego de lleche crudo d'oveya. Tien una corteza natural tratada con aove. Sabor manchego pa un quesu con DOP de testura esceicional.

Amás, el yá conocíu Siete Lobas Castrocastillo. Amiestu de 3 lleches crudes, onde gana la oveya Claramente inspiráu nel Gamonéu, pero ensin afumar, tien un golor importante a fungu y monte y afínase nuna cueva porosa, onde s'añadir mugor de forma artificial, yá que Siete Llobes ellabora na zona del Bierzu (Lleón). Quesu fuerte y de testura dura. Siempres trunfa.


Y acabamos con otra de les xoyes de la corona, anque'l llistón taba peralto. Gran ovación na mesa pa recibir la Sidra Diamantes de Hielo, una sidra de xelu de 11,5% , con un procesu d'ellaboración bien llaboriosu (pa consiguir una botella de 37,5cl precísase l'equivaliente a 10 botelles de sidra natural). Una sidra con un azucre residual de 140g/l, una llambionada, que güel y sabe a fruta maduro pero que nun empalaga. Podríamos vivir bebiendo namás sidra de xelu. Perfeuta.


Acompañamos la Sidra de Xelu de Pri Pam Dum, quesu Casín  (anque con una maduración más nueva) de la Quesería Viejo Mundo. Quesu de lleche de vaca cruda, potente y con una testura cremosa, como de mantequilla. La maduración más nueva fai que sía un quesu más "algamadizu" pa tolos públicos qu'el Casín, pero sigue siendo un quesu fuerte.


Y acabamos con Azul Lara@Sara, quesu azul gallegu, fuerte pero muncho más suave que los Cabrales a los que tamos avezaos. Acompañáu d'una pequeña tosta, y presentáu nuna pequena bola, supunxo una sorpresa pa los amantes del quesu azul (y pa los que nos atrevemos con toos).


Pa que naide quedara con fame (imposible dempués d'esos bonos cachos de quesu que tastiamos), Borja ufiertónos unes tortielles de Mariluz (bendita la to madre Borja) que volaron de la mesa. Y non por fame, pero ye que taben buenísimes.


En tou momentu, acompañáronnos los quesos y les tortielles de pan artesano de primera calidá.
Pan: Risnak, Cañas de Pan Feo Bote y Les Pates de Fruits Fromaéres xuntu con una selección de pan de Formientu (Miguel Puchal)Comuña de Sidra (farina de trigu natural, farina de centenu, farina de trigu, agua, sidra natural, masa madre de trigu, sal y lleldu) y Viena (farina de trigu, agua, lleche entero, masa madre de trigu, mantequilla, azucre morico, sal, farina y lleldu). Buenísimo.


Como veis, un espectáculu. Namás queda agradecer a Borja, Aitor y Fran por ufiertanos una velada maraviyosa.


No hay comentarios

Publicar un comentario