Llagar Bernueces

Direición: Camino de la Nisal, 1104, 33394 Castiello de Bernueces, Gijón / Xixón
Teléfonu: 985 13 11 88

Calidá: 2/5

Domingo, 1 de mayu, un Día de la Madre soleyeru y con bon tiempu. Escoyemos un llugar que tenga espaciu pa que los nietos puedan esparcer tranquilamente, los fíos yá tamos mayores y nun tamos pa munchu trote, asina que dedicamos a contemplar un pocu a la homenaxada.

El Llagar de Bernueces ye un sitiu que nin pintáu pa que el guaḥes xueguen, con xingadorios, cama elástica, etc.. mientres los padres tomen unes botellines de sidra nuna de les numberoses meses que tienen fora.


Llega la hora que teníamos acutada pa comer y entramos al comedor, ampliu y presidíu por unos toneles de sidra enriba'l comedor, ambiente típico d'esti tipu de llagares y que siempres queda guapu.

Vienen tomanos nota y decidimos toos pol menú especial que teníen pal Día de la Madre. 


De mano un clin de crema de llagostinos, bien bonu, sería perfeutu pa un día de fríu yá qu'entres en calor rápido, súponos más a crema d'andariques que de llagostinos, pero tenía sabor abondo.




De primer platu podía escoyese ente Fabada o Salpicón de marico. Yo decidí pola fabada y creo qu'atiné, bon sabor del compangu anque atopé dalguna faba un pelín dura. Probé'l salpicón de mariscu a ver que tal, porque la presentación nun llamaba nada, y la verdá que resulto abondo desaboríu y l'homenaxada'l día tamién coincidió.



De segundu platu podía escoyese ente Dorada rellena de frutos del mar y Parrillada de carne. La dorada correuta, anque'l rellenu bastante simple y un abondo fecha, viles meyores, venía-y bien un bonu mueyu p'acompañar y dar más sabor al platu.


 La parrillada de carne abondosa, pero la carne taba bastante fría lo que fai perder tola gracia al platu y nun tenía nin gota de sal.



De postre podía escoyese ente Tarta de Trufa o soufflé de crema de güisqui. Decantiéme pol soufflé, y sí, taba ricu de sabor, pero ensin ser un espertu en cocina eso nun yera un soufflé, más bien yera una tarta xelada de güisqui.



Pa beber, sidra propio'l llagar y un vinu tinto tempranillo 828


A destacar que tienen menús infantiles consistentes en Macarrones y Llombu con pataques.

Dempués de los Cafés y clines volvimos a la zona esterior a tomanos daqué, qu'ensin dulda ye la meyor zona del llagar cuando fai un bon día.

El preciu del Menú yera de 20 €, lo normal pa esti tipu de díes.

En resume, un llugar pa esfrutar del bon tiempu mientres ún toma daqué y los neños xueguen, anque tocantes a la comida, foi abondo deceicionante.

0 comentarios :

Publicar un comentario