Teléfonu: 948 481 020
Recomendaciones: Sollombu Albardáu
Facebook: https://www.facebook.com/RestauranteTeyka/
Calidá: 4/5
Preciu: 43€
Comentarios: En Morea d'Ayer atopamos una d'eses sorpreses que siempres empresta cuntar. Los nuesos corresponsales en Morea yá nos lleven años falando d'él, y que fuera nomáu por Estrella Michelín ente los sos encamientos d'anguaño, acabó d'animanos a visitalo.
Tien una entrada como de cafetería "antigua", elegante. Con una zona de barra y meses con sofás baxos onde poder tomase daqué tranquilamente. Inclusive una copa acabante cenar. Separáu por un biombu, atopamos con una zona amplia de meses, y un espaciu abiertu pa los que quieran tomase una copa so la so maraviyosa bola de baille.
Al fondu, y n'entrando per una puerta, atópase'l salón onde cenamos. Elegante, con meses amplies y espaciu ente elles. Al fondu del salón, una chimenea enorme preciosa que va faer les delicies de les cenes d'iviernu; y nel techu unes enormes cristaleres poles qu'entra la lluz natural mientres el día. Un salón realmente preciosu.
Cenamos 6 persones. Pidimos unos entrantes pa compartir, un platu y un postre per cabeza.
Empezamos con unos Calamares Frescos Fritos, per bonos. Y nótase que son frescos daveres. Bona ración amás. Pero lo realmente bono del platu ye'l ali-oli de llimón que nos traen d'acompañante. Da-y un puntu per bonu al platu.
Siguimos con unes Berenxenes Rellenes de Mariscu, que quiciabes foi'l platu que menos gustó de toos na cena. Con una bexamel cubriendo la berenxena y un sabor a mariscu qu'apenes se nota. Nun trunfó.
Acabamos con unes Cogordes de Temporada con Ibéricu. Platu grande y deliciosu. Gustó enforma.
De platos, Pidimos.
Merluza a la Cazuela. Gran cazuela con una merluza perfeuta. Sabor perfeuto, acompañada d'unos llagostinos de los grandes y sabrosos y con un mueyu pa moyar pan hasta morrer. Pan qu'a éstes taba per ricu.
Chuleta Ayerana a la Parrilla. Enorme chuleta, pasada a pidimientu del comensal (pa matalo) y que por esa razón nun probemos. Pero como pudimos comprobar darréu, non solo'l pescao ye calidable, la carne ye asturiana y de primera.
Fora de carta, pidimos un Xabalín con Cogordes, buenísimos. Enorme ración, con un xabalín que sabe y que desfai. Acompañáu d'unes pataques frites y unos pimientos. Platu simple pero deliciosu.
Y el gran triunfador de la nueche foi'l so famosu Sollombu Albardáu, enorme sollombu que casi nin precisa cuchiellu, arrodiáu d'una tira de bacon caseru. Maraviyosu. En serio, si vais, tenéis que probalu. Tamién vien acompañáu d'unes pataques frites y unos pimientos.
Pa los postres, pidimos la so Tarta de Quesu y Arándanos, casera y buenísima. De les de testura trupa pero que dempués desfai como un mousse.
Flan de Requesón. Tamién caseru. Ricu.
Una Tarta de Freses que taba impresionante.
Acabamos con un Sorbete y Xeláu de Llimón.
Pa beber, encamientu del sumiller de la casa. Ostatu Crianza 2013, un rioja crianza resultón y bono de beber que yá conocíamos y que gustó enforma.
En carta tienen referencies de vinu asturiano, tanto blancu como tintu.
Con Agua de Borines, dos botelles de vinu (14€ la botella), cafés y les cerveces anteriores a la cena (una ronda per cabeza), pagamos 256,70€. Esto ye, 43€ per cabeza. A mi entender, un preciu altu qu'enlluxó un pocu la cena.
Resumiendo, Teyka ye un sitiu onde vas comer bien o perbién, pero tamién lo vas pagar. Ye lo que tien tener bon productu, que nun ye baratu. Asina que vos encamentamos una visita pola cuenca (del Caudal) y que los visitéis.
Comentarios: En Morea d'Ayer atopamos una d'eses sorpreses que siempres empresta cuntar. Los nuesos corresponsales en Morea yá nos lleven años falando d'él, y que fuera nomáu por Estrella Michelín ente los sos encamientos d'anguaño, acabó d'animanos a visitalo.
Tien una entrada como de cafetería "antigua", elegante. Con una zona de barra y meses con sofás baxos onde poder tomase daqué tranquilamente. Inclusive una copa acabante cenar. Separáu por un biombu, atopamos con una zona amplia de meses, y un espaciu abiertu pa los que quieran tomase una copa so la so maraviyosa bola de baille.
Al fondu, y n'entrando per una puerta, atópase'l salón onde cenamos. Elegante, con meses amplies y espaciu ente elles. Al fondu del salón, una chimenea enorme preciosa que va faer les delicies de les cenes d'iviernu; y nel techu unes enormes cristaleres poles qu'entra la lluz natural mientres el día. Un salón realmente preciosu.
Cenamos 6 persones. Pidimos unos entrantes pa compartir, un platu y un postre per cabeza.
Empezamos con unos Calamares Frescos Fritos, per bonos. Y nótase que son frescos daveres. Bona ración amás. Pero lo realmente bono del platu ye'l ali-oli de llimón que nos traen d'acompañante. Da-y un puntu per bonu al platu.
Siguimos con unes Berenxenes Rellenes de Mariscu, que quiciabes foi'l platu que menos gustó de toos na cena. Con una bexamel cubriendo la berenxena y un sabor a mariscu qu'apenes se nota. Nun trunfó.
Acabamos con unes Cogordes de Temporada con Ibéricu. Platu grande y deliciosu. Gustó enforma.
De platos, Pidimos.
Merluza a la Cazuela. Gran cazuela con una merluza perfeuta. Sabor perfeuto, acompañada d'unos llagostinos de los grandes y sabrosos y con un mueyu pa moyar pan hasta morrer. Pan qu'a éstes taba per ricu.
Chuleta Ayerana a la Parrilla. Enorme chuleta, pasada a pidimientu del comensal (pa matalo) y que por esa razón nun probemos. Pero como pudimos comprobar darréu, non solo'l pescao ye calidable, la carne ye asturiana y de primera.
Fora de carta, pidimos un Xabalín con Cogordes, buenísimos. Enorme ración, con un xabalín que sabe y que desfai. Acompañáu d'unes pataques frites y unos pimientos. Platu simple pero deliciosu.
Y el gran triunfador de la nueche foi'l so famosu Sollombu Albardáu, enorme sollombu que casi nin precisa cuchiellu, arrodiáu d'una tira de bacon caseru. Maraviyosu. En serio, si vais, tenéis que probalu. Tamién vien acompañáu d'unes pataques frites y unos pimientos.
Pa los postres, pidimos la so Tarta de Quesu y Arándanos, casera y buenísima. De les de testura trupa pero que dempués desfai como un mousse.
Flan de Requesón. Tamién caseru. Ricu.
Una Tarta de Freses que taba impresionante.
Acabamos con un Sorbete y Xeláu de Llimón.
Pa beber, encamientu del sumiller de la casa. Ostatu Crianza 2013, un rioja crianza resultón y bono de beber que yá conocíamos y que gustó enforma.
En carta tienen referencies de vinu asturiano, tanto blancu como tintu.
Con Agua de Borines, dos botelles de vinu (14€ la botella), cafés y les cerveces anteriores a la cena (una ronda per cabeza), pagamos 256,70€. Esto ye, 43€ per cabeza. A mi entender, un preciu altu qu'enlluxó un pocu la cena.
Resumiendo, Teyka ye un sitiu onde vas comer bien o perbién, pero tamién lo vas pagar. Ye lo que tien tener bon productu, que nun ye baratu. Asina que vos encamentamos una visita pola cuenca (del Caudal) y que los visitéis.
No hay comentarios
Publicar un comentario