Direición: Dibujante Falo, Esquina Horacio Fernández - La Felguera - Langreo / Llangréu
Teléfonu: 984 182 669
Recomendaciones: Croquetes y Cachopu
https://www.facebook.com/vinacotecaelbuchito.langreo
Calidá: 3/5
Recomendaciones: Croquetes y Cachopu
https://www.facebook.com/vinacotecaelbuchito.langreo
Preciu: 16€
La vinatería ta nuna zona un pocu estremada La Felguera, anque a 5 minutos caminando del "centru". Tien en frente un parque, y una bona terraza, perfeutu pa dir con crios. El local ye pequenu pero preciosu, con una decoración per bien cuidada. Meses de madera avieyada y local bien enfocao haza los vinos.
Nun ponen manteles, lo que fai que delles meses empiecen a tener llamparones, pero ye parte l'encantu. Comes con unos sobremanteles de papel.
Comimos 5 persones. Como aperitivu tráennos un Pistu con Pan de Cebolla y AliOli, bien ricu.
Pidimos pa compartir Croquetes. Enormes y con bon rellenu. Tán rebozaes con panko, que tan de moda ta agora. Mui, mui riques.
Llangostinos Crespaos. Son llagostinos conxelaos rebozaos con mueyu d'alioli. Tamién tán rebozaos con panko. Ricos.
Compartimos un par de Cachopinos. Son de Xata asturiana y lleven Cecina, Piquillo Ecolóxicu, Mazana Fresca en testura, Mousse de Quesu de Cabra, Pan de Cristal. Sobre'l papel diba ser el favoritu de la comida, pero a la fin gustónos más el Cachopu. Darréu esti Cachopín resultó ganador del Segundu Premiu al Meyor Cachopín del Concursu de Cachopos y Cachopinos d'Asturies.
Tamién pidimos un par de Cachopos. Son de Xata asturiana y lleven Xamón Ibéricu, Provolones y Espárragos. Vien presentáu con unes Xelatines picantes y de quesu La Peral. Gustónos a esgaya. Muncho más xugosu qu'el cachopín.
Dambos platos con una presentación de 10.
Comimos con un Ribera encamentáu pola casa (que nun recuerdo cual yera) y agua.
Con cafés pagamos 16€ per cabeza. Perbono descubrimientu en La Felguera al que va haber que volver esfrutar de la so carta.
No hay comentarios
Publicar un comentario