Teléfonu: 985 35 99 73
Visites anteriores:
Calidá: 3/5
Preciu: 30€
Averamos esta vegada a otru clasicazu de Xixón. Ambiente y estética de lo que ye, un mesón. Imprescindible acutar con antelación o arriesgase a tener que comer na barra.
Carta pequena enllena d'especialidaes poles que la xente nun dexa d'allegar.
Ibamos con ganes de les molleyes, quiciabes el so platu más solicitáu, pero tuvimos la mala suerte de que nun teníen…asina que llanzamos a por un par d'entrantes simples y otru de los sos platos estrella, la ventrisca de bonitu, que cuando la hai nun hai que dexala escapar.
En blancos nun tienen muncha variedá, asina que tiramos de manual, un Martín Codax, Albariño que nunca falla:
Media bandexina de Quesu Manchego. Paez simple, y lo ye. Pero ye qu'ablucó'l so intensu sabor y calidá. Nada habitual atopar un quesu tan bono:
Y unos Espárragos con Mayonesa. Simpleza y muncha calidá tamién. Bona preparación pa lo que venía:
Ventrisca de Bonitu. Ensin palabres. Puntu perfeutu. Bona cantidá. Bon turráu esterior. Xugosa. Y fantástiques pataques. Por sigo mesma, merez averase al Sancho na temporada…
Por terminar con dulce, Tarta de Quesu casero:
60€ pa 2 persones que, habiendo calidá, perbién pagos.
No hay comentarios
Publicar un comentario