Las Tablas del Campilllín - CachopuDay 2018


Señes: C/ Arzobispo Guisasola, Nº24 - Uviéu /Oviedo
Teléfonu: 985 21 24 11


Web: www.tablasdelcampillin.com
Facebook: https://www.facebook.com/Las-Tablas-del-Campillin
Twitter: [@TablasCampillin] https://twitter.com/TablasCampillin


Facebook: https://www.facebook.com/CachopoDay2017/
Twitter: [@cachopoday2018] https://twitter.com/cachopoday2018


Cansaos yá del eternu alderique Cachopu Sí / Cachopu Non, la meyor manera de demostrar que ye un productu que funciona, ye xuntar a un grupu de persones alredor de la mesa y comprobar la so reacción. Y rescampla que ye un productu que trunfa. Por munches razones, porque ta fechu pa compartir, porque engabita d'una manera increíble a los nuesos mozos (y ye muncho meyor que comer nuna cadena de comida rápida), porque tien munches semeyances cola nuesa sidra (bonu, pa tomar en grupu y baratu) y, sobremanera y más importante, porque ta ricu.


Aprendamos a esfrutar de les coses, porque caúna tien el so momentu, y dexemos que munchos de los autodenominados espertos sigan dándo-y el llombu a un productu que ye una realidá. Eso sí, siendo bien críticos col cachopu grasientu y de baxa calidá, que los hai; pero como tamién lo hai na fabada, nes hamburgueses, nes paelles, nos cocíos madrilanos, nel pulpu, na cerveza ... y nun lleo tanta roxura escontra d'ellos.


Juanjo Cima sabe muncho d'esto, y encárgase d'ufiertar el meyor productu posible na mesa, nel so Vinoteo, y en Las Tablas del Campillín, onde la vida xira alredor del Cachopu (anque tien muncho más qu'ufiertar, acaben de consiguir el premiu al tercer pote d'Asturies). Y pa ello, xuntu cola ayuda de Noelia Solla, de Las Recetas de Noe, xuntónos a delles persones pa esfrutar del CachopuDay. Un homenaxe al Cachopu reinvindicándolo como meyor deféndese, na mesa y esfrutando en bona compañía.


Más de 30 persones, dalguna bien conocida y munchos bien almiraos, xuntámonos a esfrutar d'una cena alredol al cachopu onde pudimos esfrutar de toles variedaes qu'ufierta'l local.


Tradicional (con xamón y quesu), Ganador del Campeonatu d'Asturies 2016 (Paleta Ibérica, Cabrales y Pimientos del Piquillo), Gourmet (con Xamón y Foie) y Lleonés (con cecina y quesu de cabra).


Pero empezamos con unos cócteles, de ron con miel y de mojito. Perbonos. Había muncho que falar y saludar yá'l momentu antes de sentase a la mesa ayudó a ello.


Otra de les sorpreses foi cuntar cola presencia de Francisco Cueria, de Quesería La Corte. Ellaborador de quesu casín, a partir de lleche de vaca de la nuesa raza autóctona, Casina. Esplicónos la dificultá que tien ellaboralo y que de xuru sía'l primeru o ún de los primeros quesos na hestoria d'Europa.


Un quesu abondo desconocíu entá que sosprendió muncho na mesa.


Ensalada de Quesos y Frutos Coloraos.


Pa beber, Escolinas 2014, ún de los nuesos favoritos de Cangas, perbonu.


Y Sidra Zythos.


De postre, Arroz con Lleche casero. De los bonos.


Y otra sorpresa más, Körfest. Un postre típicu alemán buenísimo, un hojaldráu en forma de trenza, sirvíu caliente, qu'has de probar.


Cocina asturiana, quesu asturianu, bébora asturiano y gran compañía. ¿Qué más se puede pidir? ¡Que venga'l CachopyDay 19 yá!

0 comentarios :

Publicar un comentario