El Corralín de Campanal

Señes: Campanal - Nava

Teléfonu: 652 734 034

Facebook: https://www.facebook.com/Restaurant/El-Corralin-de-Campanal

Calidá: 3/5
Preciu: 11€

Comentarios:  Campanal ye un pueblu preciosu a unos 5 Kms de Nava. Iguáu, llenu de cases rurales y horros y con unes precioses vistas a tola sierra de Peñamayor.

La carretera pa xubir ye una pista en bon estáu, anque n'ivierno hai que xubir con más curiáu. Da para farturruta dende Nava, 5kms idea de xubida, y 5kms de baxada de vuelta. Con pueblos preciosos per mediu ya inclusive dalgún palaciu abandonáu.

Una vegada en Campanal, ye indispensable asomarse a Peñamayor, una mole de caliza que nun tien  muncho altor, pero d'una guapura increíble. Toma los conceyos de Llaviana, Bimenes, Piloña y Nava.

El Corralín de Campanal (tamién lo vimos na rede como Balcón de Peñamayor), ye una antigua corte iguada, preciosa, en piedra vista y madera. Según entres, zona de chigre pa tomar una botella de sidra. Xubiendo per unes escaleres, ampliu comedor, con cristaleres pa ver el pueblu, un pocu más arriba, cocina vista, y nel pisu cimeru, otru comedor grande. Espacios abiertos y sensación d'amplitú. Bien guapu.

Comimos dos persones el menú del día ente selmana. 9€. Bien baratu.

De primer platu, Fabada o Pote Asturianu. En cazuelina de barru, y col so compangu.

Los dos taben bien.



De segundu, pidimos Cebolles Rellenes de Pexe. Primer vegada que les probemos rellenes de pexe. Cebolla pequena, con bon rellenu y sabor a pexe. El mueyu bien ricu. Y con pataques frites de les verdá.

De postre, una Tarta de Quesu casero. Nun trunfó.

Con cafés de pota. Vinu perroneru, casera y agua. A 11€ per cabeza. El menú son 9€, pero los cafés cóbrense aparte.