Direición: Bárzana - Quirós
Teléfonu: 985 768 133
Facebook: https://www.facebook.com/casa.jamallo/
Twitter: [@casajamallo] https://twitter.com/casajamallo
Calidá: 4/5
Preciu: 15€
Comentarios: Casa Jamallo ye ún de los templos de la cocina tradicional asturiana. Y ta asitiáu en Quirós, ún de los sitios más guapos d'Asturies. Asina que ye un indispensable a visitar si vienes de visita, o nun tienes la suerte de vivir en Quirós o cerca..
Quirós tien innumberables sitios a visitar, pero esta vegada fuimos a conocer el Teixu de Bermiego, pueblu asitiáu a 7 kms de Bázana, capital del conceyu onde ta asitiáu Casa Jamallo.
El restorán tien 4 plantes. Ye una casona antigua asturiana restaurada y bien cuidada. Decoración clásica en piedra y madera. Tou per guapu y curiáu. Esi día'l restorán taba cerráu al públicu por un eventu, asina qu'habilitaronmos un comedor más pequeñu na planta de baxo de la sidrería.
Sidrería a éstes con una terraza debaxo d'una panera, preciosa. Xenial pa tar fuera tomando sidra.
Teníen un menú especial pa les XIV Xornaes Gastronómiques de la Caza de Quirós. 25€. Comimos 9 persones, asina que pidimos un pocu de too pa probalo tou. L'únicu consensu qu'hubo na mesa ye qu'a toos nos gustó muncho tou, anque caún tuvo'l so favoritu.
Empezamos col Pote Quirosanu. Pote asturianu con fabes, patates y verdura. Impecable. Perfeutu. Una potada enorme al centru, con bon compangu caseru.
Una les especialidaes de la casa, Pote de Castañes. Típicu n'Asturies. Cuando la faba y la pataca arralecíen, siempres s'usaba castaña. Más contundente, con un importante sabor duce qu'oldea col restu del platu ... encantónos. La testura de la castaña ta perfeuta. Un platu que güel y sabe a Asturies y que nos tresporta a otres dómines. Maraviyosu.
Imposible nun repitir.
De segundu, Xabalín. Otru los clásicos de la casa (y de la zona). Perfeutu. Suave. Acompañáu de pataques frites y pimientos. Desfaese na boca y nun ta nada bravu. Una maravía.
La otra opción yera Corzu. Sabor más intenso que'l xabalín, a mi gustóme un pocu más (anque hubo división na mesa). Otra preparación perfecha.Tamién vien acompañáu de pataques frites y pimientos.
Casi nun quedaba sitiu. Pero tomamos el postre. Y nun baxó'l nivel de contundencia del platu. Postres fuertes, pero perricos.
La so famosa Tarta Garrucha, ellaborada con ablanes, nueces y castañes. Base de miel, güevos y pasta quebrao. Postre contundente, pero impresionante. Encantónos.
La otra opción yeren unos Borrachinos. Azucre, pan, güevos y una base de vinu tintu. Nun lo llegué a probar (yá nun podía más), pero la pinta yera terrible.
Propunximos camudar el Vinu Tinto Rioja que nos punxeron por botelles de sidra, pero nos dixeron que nun yera posible. Asina que bebimos el vinu y agua. Ye lo que falla nestos menús, que nun esista opción de faelo con vinu asturiano o camudalo por sidra.
Comida tradicional asturiana de 10. Por 25€. Ún de los templos de la nuesa gastronomía en mediu del paraísu. Merez enforma la pena visitalo.
Comentarios: Casa Jamallo ye ún de los templos de la cocina tradicional asturiana. Y ta asitiáu en Quirós, ún de los sitios más guapos d'Asturies. Asina que ye un indispensable a visitar si vienes de visita, o nun tienes la suerte de vivir en Quirós o cerca..
Quirós tien innumberables sitios a visitar, pero esta vegada fuimos a conocer el Teixu de Bermiego, pueblu asitiáu a 7 kms de Bázana, capital del conceyu onde ta asitiáu Casa Jamallo.
El restorán tien 4 plantes. Ye una casona antigua asturiana restaurada y bien cuidada. Decoración clásica en piedra y madera. Tou per guapu y curiáu. Esi día'l restorán taba cerráu al públicu por un eventu, asina qu'habilitaronmos un comedor más pequeñu na planta de baxo de la sidrería.
Sidrería a éstes con una terraza debaxo d'una panera, preciosa. Xenial pa tar fuera tomando sidra.
Teníen un menú especial pa les XIV Xornaes Gastronómiques de la Caza de Quirós. 25€. Comimos 9 persones, asina que pidimos un pocu de too pa probalo tou. L'únicu consensu qu'hubo na mesa ye qu'a toos nos gustó muncho tou, anque caún tuvo'l so favoritu.
Empezamos col Pote Quirosanu. Pote asturianu con fabes, patates y verdura. Impecable. Perfeutu. Una potada enorme al centru, con bon compangu caseru.
Una les especialidaes de la casa, Pote de Castañes. Típicu n'Asturies. Cuando la faba y la pataca arralecíen, siempres s'usaba castaña. Más contundente, con un importante sabor duce qu'oldea col restu del platu ... encantónos. La testura de la castaña ta perfeuta. Un platu que güel y sabe a Asturies y que nos tresporta a otres dómines. Maraviyosu.
Imposible nun repitir.
De segundu, Xabalín. Otru los clásicos de la casa (y de la zona). Perfeutu. Suave. Acompañáu de pataques frites y pimientos. Desfaese na boca y nun ta nada bravu. Una maravía.
La otra opción yera Corzu. Sabor más intenso que'l xabalín, a mi gustóme un pocu más (anque hubo división na mesa). Otra preparación perfecha.Tamién vien acompañáu de pataques frites y pimientos.
Casi nun quedaba sitiu. Pero tomamos el postre. Y nun baxó'l nivel de contundencia del platu. Postres fuertes, pero perricos.
La so famosa Tarta Garrucha, ellaborada con ablanes, nueces y castañes. Base de miel, güevos y pasta quebrao. Postre contundente, pero impresionante. Encantónos.
La otra opción yeren unos Borrachinos. Azucre, pan, güevos y una base de vinu tintu. Nun lo llegué a probar (yá nun podía más), pero la pinta yera terrible.
Propunximos camudar el Vinu Tinto Rioja que nos punxeron por botelles de sidra, pero nos dixeron que nun yera posible. Asina que bebimos el vinu y agua. Ye lo que falla nestos menús, que nun esista opción de faelo con vinu asturiano o camudalo por sidra.
Comida tradicional asturiana de 10. Por 25€. Ún de los templos de la nuesa gastronomía en mediu del paraísu. Merez enforma la pena visitalo.
No hay comentarios
Publicar un comentario