Publicidá

Contact Me

Nombre

Correo electrónico

Mensaje

Hover Setting

default

El Tostón de Jon

Direición: Plaza'l Carbayu, 5 - Avilés
Teléfonu: 984 398 682


Recomendaciones: Tostes y Vinu
Facebook: https://www.facebook.com/eltostondejon/


Calidá: 3/5
Preciu: 12€


Comentarios: El Barriu Sabugo d'Avilés ta en plenu procesu de recuperación, y agora ye una de les zones que más ta pegando gastronómicamente na ciudá. El PañolYumeLa Calenda, Brujería, El Poeta, un nuevu sitiu de postres, El Cabanón pa tomar les meyores cerveces del mundu y agora una nueva vinatería pa tomar con tostas.

Fui compañeru de Jon Ander nel colexu, gran tipu y mui queríu; pero colos años-y perdí la pista. Según cuntóme, tres unos años rexentando un negociu d'hostelería en Madrid, decidió tornar cola so muyer Gema p¡Asturies. Y abrió en plena Plaza'l Carbayu, El Tostón de Jon, fai menos d'1 añu.

Yá vos falé delles vegaes de la Plaza'l Carbayu, pero ye ún de los sitios más guapos d'Avilés. Cola Ilesia Vieya de Sabugo, del SXVIII presidiendo la plaza, ye una gociada esfrutar de la so maxa mientres cenes o tomando daqué nuna terraza. El llocal ye cuadráu y tien amplies cristaleres pa qu'esfrutes de la vista, o del llume nocherniego mientres tas abellugáu dientro. La terraza col bon tiempu, tamién ayuda.

La propuesta del llocal ye senciella. Vinos de calidá, distintos, con ufiertes a tolos precios; y tostes de bon tamañu, calidá y barates. Y cúmplenlo sobremanera.


Nun acuten, y nun tien munches meses, pero como la propuesta ye picar dalgo rápido, siempres puedes esperar na barra tomando una copa vinu.

Cenamos 3 persones y pidimos 4 tostes. Más qu'abondo, inclusive perdonamos el postre pa otra ocasión.


Ali-Oli, Quesu Brie y Salmón Afumáu. Como podéis comprobar, el tamañu les tostes ye formosu. Xenial pa 3 persones. Mui rica, xugosa, yá'l toque salmón afumáu col quesu yá'l alioli-y va xenial. Gustónos enforma.


Mazana Caramelizada con Foie Frescu. Otra buenísima. Amestu clásicu, pero efectivu. El foie per ricu.


Cebolla Caramelizada con Llárima Ibérica y Mueyu d'Afuega'l Pitu Colloráu. La más famosa'l llocal, y merezlo. La carne desfaise sola y cola cebolla va xenial. El quesu,  nidiu. Tou n'equilibriu perfectu.


En cuenta'l postre, quixímos probar otra tosta. Crema d'Aceituna Negra con Ayu y Alcaparra con Sardines en Vinagre. Quiciabes por sabor más saláu, meyor pidila de primeres. Intensa, salada y con allegría. Xenial.

Toes mui riques. Y son namás una representación de les 15 tostas que tienen. El pan, artesanu y de calidá.

Amás de les tostes, tienen un Arroz Caldoso con Virigüetos y Llagostinos qu'hai que probar sí o sí. O Risotto de cogordes y foie. O tables d'embutíos ... Pero como primer toma de contactu, tuvo bien.

La carta de vinos va camudando adulces. Formen parte del Club del Vinu compuesto por dellos hosteleros d'Avilés, onde deciden ufiertar un vinu del mes, distintu, a un preciu algamadizu. Una opción  bona pa conocer vinos distintos. La carta adulces va dir ampliando, y, anque pel momento nun hai nenguna referencia asturiana, esperen tenela.


Nós bebimos un Pio del Ramo 2011. Vinu de la IGP Tierra de Castilla. Ricu, pero tampoco namoró.

Pagamos por tou 34€. Con un vinu de 11,5€. Como veis precios baratos pa un sitiu nuevu, que llega con muncha ilusión a ufiertar un productu qu'apenes s'esplota n'Avilés. Muncha suerte a Jon y Gema.


No hay comentarios

Publicar un comentario