Publicidá

Contact Me

Nombre

Correo electrónico

Mensaje

Hover Setting

default

Bienastur


Web: http://bienastur.com/
Facebook: https://www.facebook.com/bienastur/
Instagram [@bienastur]https://www.instagram.com/bienastur/


Web: http://www.casafermin.com/
Facebook: https://www.facebook.com/RestauranteCasaFermin
Twitter [@CasaFermin]: https://twitter.com/CasaFermin
Instagram [@casafermin]https://instagram.com/casafermin


Comentarios:  El Cuco presenta xuna nueva marca: Bienastur. Nome claru y cenciellu que yá ye una declaración d'intenciones, tar bien n'Asturies. Y ellos quieren contribuyir a ello presentando una nueva llínea de productos que curien dende'l productu orixe hasta'l consumidor final y arreyen los departamentos más cimeros de la Universidá d'Uviéu.


Bienastur presenta dos llínees, una Natural y otra Ecolóxica.


La llínea natural vuelve a los oríxenes pa ellaborar embutíu asturianu de máxima calidá desaniciando cualesquier aditivu y conservante posterior. Ellaboración casera con productu de primera pa un compangu asturianu ensin conservantes nin colorantes.


la llínea ecolóxica presenta la mesma esencia que la natural, pero amás col valor añadíu que tolos productos tienen certificáu ecolóxicu COPAE, garantizando'l máximu curiáu del mediu ambiente asturianu y la so sostenibilidá.


Casa Fermín fixo de perfeutu anfitrión pa una presentación onde cuntamos con una pequeña representación de grandes cocineros asturianos como'l mesmu Luis Alberto Martínez, dueñu de Casa Fermín; Pedro Morán, dueñu de Casa Gerardo y Elvira Fernández "Viri", propietaria del Llar de Viri.

Caún dende'l so puntu de vista reivindicó Asturies y la so gastronomía, Viri dende los sos platos tradicionales, Pedro Morán dende la modernización de la cocina asturiana y Luis Alberto puxando por una cocina tradicional más saludable al traviés de productos como Bienastur.


Y como la meyor presentación posible d'un productu ye probalo, y más si tán detrás les manes d'ún de los meyores cocineros d'Asturies, esfrutamos d'una amuesa de platos con productos Bienastur cocinaos por Luis Alberto.


Empezamos con un Llonganiza Estra Asturiana Afumada Bienastur. Ensin gluten nin aditivos y afumada de forma tradicional con madera carbayu. Mui rica.


Siguimos con un Pote a Manera d'Espluma, con Compangu Bienastur. Buenísimo y que pudimos repitir. Suave, con una testura per rica y xenial l'apurre picantín que-y da'l compangu.


Tortu con Picadiellu Bienastur Ecolóxicu, un toque de Morciella Bienastur y Panceta. Pa tomar d'un bocáu.


Bollina de Chorizu Bienastur. Otru bocáu xenial que vino calentín y gustónos enforma.


Los famosos Carambelos de Morciella Ecolóxica Bienastur. Lo más interesante d'esti platu ye que Luis Alberto comentonos que lo ellaboraba con morciella de Burgos, por cuenta que l'asturiana producía demasiada grasa, y que la nueva morciella bienastur dexába-y poder empezar a ellaboralo con morciella asturiana.


Nun podía faltar la Fabada Asturiana, con Compangu Bienastur. Ensin dulda, el meyor platu de la nueche. Faba espectacular, suave, que se desfai na boca yá un compangu al altor del productu.


El productu escoyíu pa la fabada ye'l Bienastur Natural. Habría que probala tamién col ecolóxicu a ver qué tal ta.


P'acabar, unes Casadielles espectaculares.

Como veis, una nueva marca, pero que vuelve a los oríxenes del productu, curiando al máximu la calidá y la procedencia. Bona iniciativa d'El Cuco pa siguir ellaborando productu asturianu.


No hay comentarios

Publicar un comentario