Teléfonu: 695 402 646
Calidá: 4/5
Preciu: 50€
Anterior Visita: https://lesfarturesast.blogspot.com/2017/05/umami-cata-bodega-trico.html
Web: http://umamigijon.com/
Facebook: https://es-la.facebook.com/Umami-Gijon
Instagram: [@umamigijon] https://www.instagram.com/umamigijon/
Comentarios: Siempres nos prestó el conceutu d'Umami, un espaciu dinámicu que puede afaese a les necesidaes del veceru en tou momentu, como restorán, como aula de formación, como coctelería, como sitios pa xuntes y eventos ... pero siempres pensemos que taba un pocu desaprovecháu.
Allugamientu privilexáu en plena sablera de San Llorienzu, estremada en dos pisos. Un pisu inferior con zona de coctelería y aula de formación, y ún cimeru con cocina con isleta más zona de comedor. La sorpresa foi que ficharon a Luis Menéndez tres el zarru (por problemes col caseru, porque'l negociu diba bárbaro) d'A Catar Gastronomía.
Luis, ún de los nuesos meyores y más nuevos cocineros, va ser l'encargáu de realizar los cursos de cocina, y amás, una vegada al mes, d'ellaborar un menú degustación, n'horariu de sábadu pa cenar, y amás en formatu pop-up, esto ye, menúes orixinales en meses comiendo toos xuntos onde a priori nun conoces al restu los comensales.
Avereme al primer menú y nun puedo más qu'encamentalo. Amás cuntamos cola presencia de Sara Bajk, sumiller de Coalla, que maridó'l menú con vinos de Bodega Torres, y que nos foi esplicando, de forma pedagóxica y amena, uva y ellaboración de caún de los vinos que probemos.
El primer vinu que probemos foi un Estelado Rosé DO Chile. Uva país, casi escaecida en Chile y que tán recuperando agora, con 24 meses de crianza, y 12 d'ellos cola so propia madre. Frescu y aguanta na boca. Hasta notes la madera. Bien ricu.
Empezamos con un Melón Osmotizáu en Té Matcha con Pitu Escabecháu. Bocáu refrescantepa empezar, perbién l'amiestu de sabores.
Macaron con Cremosu de Calamares. Cruxente del macaron con sabor a tinta de calamar. Intensu. Tien amás un toque picante. Bien ricu.
Carpaccio de Vaca y Salmorejo. El carpaccio bien bonu, pero'l salmorejo taba pa morrer. Perricu.
Tres la introducción, y coles reserves normales iniciales, la mesa animose a comentar cada vinu y cada platu, ya inclusive a faer entrugues a Sara pa qu'esclariara temes al respective d'esi vinu en particular o los vinos polo xeneral.
Camudamos de vinu, al Paxo das Bruxas. DO Rías Baixas. Un albariño con una acidez bien marcada. Meyor combináu colos entrantes que solo.
Los entrantes fueron la Straciatella de Burrata con Miel y Mini Kumatos. Otru amiestu de colores y testures, la suavidá de la straciatella col toque duce de miel, l'ácidu del vinu y los mini tomates esplotando na boca. Bien bonu.
Salmón "sallima" y tomate con Micro Ensalda Olivier con Encurtíu. Un salmón impresionante marináu en cítricos, que-y dan un contraste xenial. Con una ensaladilla rusa que sabe como la de la to güela.
Camudamos al Jean Llión 3055. Un Chardonnay del 2018 del Penedés. Uva poco arumosa, con muncha menos acidez que'l vinu anterior, pero con 3 meses de crianza en barriques que-y da más cuerpu qu'el albariño.
Tomámoslu con Corvina en Marinera Verde con Aguacate. Una maravía. Lleva un fondu marín espectacular, con una intensidá que complementa cola suavidá de la corvina, de la que nun quedó nin la piel. L'aguacate pa oldear va perbién. Platazo.
Pasamos al tintu, Hécula DO Yecla. Uva monastrell, con 6 meses en barrica francés y americanu. Tintu potente, que tira más a mora, y que foi perfectu col platu de carne.
Rabu de Xata Glaseáu con Crema de Pataca Duce. Espectacular. Xuntu cola corvina, los mios dos favoritos de la nueche. El rabu de toru desfaise solo, ta suavísimo, la crema de pataca duce apurre suavidá, y los cruxentes de verdures testura. Otru platazu.
Pa los postres, Sara propúnxonos un Moscato Bricco Quaglia, DOCG Moscato d’Asti, d'uva Moscatel. Non empalaga, pero a mi tampoco me namora. Prefiero siguir colos anteriores, pero yá por gustu personal.
Crema de Mangu. Enfresca. Bien bonu.
Pal últimu postre, tomamos un Dow´s Fine Ruby, DO Porto con 36 meses barrica de carbayu. Golores a figu y a fruta maduro. Sabrosu.
Tomámoslu con La Marañuela. Una maravía de postre que yá pudimos probar nel so día n'A Catar. Nun ye una marañuela, pero sabe a marañuela. Una rosca de merengue dura, con chantillí de llimón y praliné de marañuela. Ruémpese la capa cimera, entemezse tou y a esfrutar. Ye espectacular.
Tou por 50€. Como veis, relación calidá-preciu espectacular. Tai sollertes, porque les places vuelen y namás podéis apuntavos na so web. Merez enforma la pena.
Calidá: 4/5
Preciu: 50€
Anterior Visita: https://lesfarturesast.blogspot.com/2017/05/umami-cata-bodega-trico.html
Web: http://umamigijon.com/
Facebook: https://es-la.facebook.com/Umami-Gijon
Instagram: [@umamigijon] https://www.instagram.com/umamigijon/
Comentarios: Siempres nos prestó el conceutu d'Umami, un espaciu dinámicu que puede afaese a les necesidaes del veceru en tou momentu, como restorán, como aula de formación, como coctelería, como sitios pa xuntes y eventos ... pero siempres pensemos que taba un pocu desaprovecháu.
Allugamientu privilexáu en plena sablera de San Llorienzu, estremada en dos pisos. Un pisu inferior con zona de coctelería y aula de formación, y ún cimeru con cocina con isleta más zona de comedor. La sorpresa foi que ficharon a Luis Menéndez tres el zarru (por problemes col caseru, porque'l negociu diba bárbaro) d'A Catar Gastronomía.
Luis, ún de los nuesos meyores y más nuevos cocineros, va ser l'encargáu de realizar los cursos de cocina, y amás, una vegada al mes, d'ellaborar un menú degustación, n'horariu de sábadu pa cenar, y amás en formatu pop-up, esto ye, menúes orixinales en meses comiendo toos xuntos onde a priori nun conoces al restu los comensales.
Avereme al primer menú y nun puedo más qu'encamentalo. Amás cuntamos cola presencia de Sara Bajk, sumiller de Coalla, que maridó'l menú con vinos de Bodega Torres, y que nos foi esplicando, de forma pedagóxica y amena, uva y ellaboración de caún de los vinos que probemos.
El primer vinu que probemos foi un Estelado Rosé DO Chile. Uva país, casi escaecida en Chile y que tán recuperando agora, con 24 meses de crianza, y 12 d'ellos cola so propia madre. Frescu y aguanta na boca. Hasta notes la madera. Bien ricu.
Empezamos con un Melón Osmotizáu en Té Matcha con Pitu Escabecháu. Bocáu refrescantepa empezar, perbién l'amiestu de sabores.
Macaron con Cremosu de Calamares. Cruxente del macaron con sabor a tinta de calamar. Intensu. Tien amás un toque picante. Bien ricu.
Carpaccio de Vaca y Salmorejo. El carpaccio bien bonu, pero'l salmorejo taba pa morrer. Perricu.
Tres la introducción, y coles reserves normales iniciales, la mesa animose a comentar cada vinu y cada platu, ya inclusive a faer entrugues a Sara pa qu'esclariara temes al respective d'esi vinu en particular o los vinos polo xeneral.
Camudamos de vinu, al Paxo das Bruxas. DO Rías Baixas. Un albariño con una acidez bien marcada. Meyor combináu colos entrantes que solo.
Los entrantes fueron la Straciatella de Burrata con Miel y Mini Kumatos. Otru amiestu de colores y testures, la suavidá de la straciatella col toque duce de miel, l'ácidu del vinu y los mini tomates esplotando na boca. Bien bonu.
Salmón "sallima" y tomate con Micro Ensalda Olivier con Encurtíu. Un salmón impresionante marináu en cítricos, que-y dan un contraste xenial. Con una ensaladilla rusa que sabe como la de la to güela.
Camudamos al Jean Llión 3055. Un Chardonnay del 2018 del Penedés. Uva poco arumosa, con muncha menos acidez que'l vinu anterior, pero con 3 meses de crianza en barriques que-y da más cuerpu qu'el albariño.
Tomámoslu con Corvina en Marinera Verde con Aguacate. Una maravía. Lleva un fondu marín espectacular, con una intensidá que complementa cola suavidá de la corvina, de la que nun quedó nin la piel. L'aguacate pa oldear va perbién. Platazo.
Pasamos al tintu, Hécula DO Yecla. Uva monastrell, con 6 meses en barrica francés y americanu. Tintu potente, que tira más a mora, y que foi perfectu col platu de carne.
Rabu de Xata Glaseáu con Crema de Pataca Duce. Espectacular. Xuntu cola corvina, los mios dos favoritos de la nueche. El rabu de toru desfaise solo, ta suavísimo, la crema de pataca duce apurre suavidá, y los cruxentes de verdures testura. Otru platazu.
Pa los postres, Sara propúnxonos un Moscato Bricco Quaglia, DOCG Moscato d’Asti, d'uva Moscatel. Non empalaga, pero a mi tampoco me namora. Prefiero siguir colos anteriores, pero yá por gustu personal.
Crema de Mangu. Enfresca. Bien bonu.
Pal últimu postre, tomamos un Dow´s Fine Ruby, DO Porto con 36 meses barrica de carbayu. Golores a figu y a fruta maduro. Sabrosu.
Tomámoslu con La Marañuela. Una maravía de postre que yá pudimos probar nel so día n'A Catar. Nun ye una marañuela, pero sabe a marañuela. Una rosca de merengue dura, con chantillí de llimón y praliné de marañuela. Ruémpese la capa cimera, entemezse tou y a esfrutar. Ye espectacular.
Tou por 50€. Como veis, relación calidá-preciu espectacular. Tai sollertes, porque les places vuelen y namás podéis apuntavos na so web. Merez enforma la pena.
No hay comentarios
Publicar un comentario