Señes: Calle de las Escuelas, Lada
Teléfonu: 985 697 392
Facebook: https://www.facebook.com/Restaurante-Casa-Adela
Preciu: 15€
Comentarios: Casa Adela ye ún d'esos sitios máxicos que visitaríes tolos díes y que non canses d'encamentar. A priori, allugáu nun sitiu horrible, metanes Lada, por detrás de la térmica y la Bayer, pero en cuanto llegues al sitiu ye como entrar nun pequeñu remanso de paz y tranquilidá.
Ta asitiáu nuna cai muerta, con una rotonda grande y ensin casi edificios alredor. Entres y recebete un preciosu xardín con una panera enorme na que puedes comer cuando'l día ta pa ello.
Tien amás una terraza nel recibidor de la casa.
Dientro, dos salones, ún con chimenea, preciosos decoraos al detalle. Atención bien cercana y de primera. Y por si fora poco, Adela nos fogones, que cocina de maravía.
Tienen un menú de día por 15€ mui recomendable. Y si nun te convence, carta. Nun fallen. Yá vos cunté delles visites con carta, güei voivos a falar del so menú de día.
Pidimos de primeru, Ensalada de Cecina. Formosa, como podéis ver.
Y Pote Asturianu. Pota al centru de la mesa, y pa repitir les vegaes que quieras. Bonísimo.
De segundu, Llinguáu. Bien ricu.
O Escalopines al Cabrales. Ricos también.
De postre, Flan Caseru.
Y Galleta con Xeláu de Turrón Casero.
Para beber, agua y vinu rosáu.
Pagamos 15€. Da igual que vaigáis de menú o de carta, Casa Adela va prestate.
No hay comentarios
Publicar un comentario