Publicidá

Contact Me

Nombre

Correo electrónico

Mensaje

Hover Setting

default

Iván Cerdeño


Señes: Cigarral del Ángel - Carretera de la Puebla, S/N - Toledo
Teléfonu: 925 223 674


Web: https://ivancerdeno.com/
Twitter: [@Ivan_Cerdeno] https://twitter.com/Ivan_Cerdeno
Instagram: [@restauranteivancerdeno] https://www.instagram.com/restauranteivancerdeno/


Calidá: 5/5
Preciu: 100€


Comentarios: Un cigarral ye una finca señorial a les veres del ríu Tajo, na redolada de Toledo. Un casopión descomanáu que se cree que debe'l nome a los numberosos billorios qu'hai nos meses de branu.


El Cigarral del Ángel ye ún de los más selectos de toos, con xardinos d'orixe árabe, capiya del sXVII, terraces con vistes a Toledo ... y amás, la cocina Estrella Michelín d'Iván Cerdeño.


El sitiu ye espectacular, perfeutu pa bodes y eventos, pero tamién pa una cena ente selmana nuna nueche perfeuta. Eso sí, meyor vais en coche y non como nós caminando dende Toledo (ta a 20min a pie), que'l trayectu ta faltu de llume y hai tramos ensin cera. Pero les vistes dende fora de Toledo allumáu, compensen el paséu.


El restorán ta asitiáu na planta primera del edificiu principal, meses espaciaes, y amplia cristalera con vistes a la ciudá. Tienen 3 menúes, ún más curtiu de 60€, el so menú degustación de 80€ y el so menú colos sos platos clásicos por 115€. Nós pidimos el menú degustación. Y gustónos enforma.


Empezamos colos Atisbos, 3 entrantes en forma de bocaos. Tartaleta de Fabes Aliñadas y Garbanzu Encominado. El garbanzu tien un toque importante a comín, y paeciónos más normal. Pero la tartaleta de fabes encantónos, toque cítricu, amiestu de testures. Bonísimo.


Siguimos con un Escabeche de Llenteyes y Foie Grass. Llenteyes al dente, con toque d'escabeche. Bien riques.


Pasamos a la Entorno, Huerta y Ribera. Siguimos con entrantes, más grandes y siempres, mirando a la tierra y la cocina llocal.  Con 5 bocaos. Gazpachuelo de Vendimia. Casi una sopa, con arbeyos al dente, sardina. Entemez el toque afumáu de la sardina, cítricu y a la fin el dulce de los arbeyos. Gustónos enforma. Bien fresca.


Xampiñón y Vinagrillo. Amiestu de testures y sabores. Toque acedu del vinagre, cruxente y el xampiñón presidiendo la tapa. Bien bonu.


Berenxena y Sésamu. Otru amiestu de testures y sabores. Sésamu, afumáu, escabeche ... Mui rica.


Tomate y Chicharro. Amiestu perfeutu. De lo meyor de la cena. Esplosión de sabor na boca.


Pan de Especias y Amaranto. Otru bocáu espectacular. Templáu. Blandu, con azafrán. Bien ricu.


Pasamos a la Cocina de Monte y Mar. Platos onde amiesten pexe, con productos típicos de Toledo. Empezamos con Anguila en Mueyu Blancu, que nos presenten en dos platos. Un platu onde predomina'l afumáu.


Y vien acompañada d'una Anguila en Brioche. Que nos gustó más. Mui intensa, pero bonísima.


Infusión de bacalao, Yema de Huevo y Berros. Pa entemecer tou y esfrutar col pan. Otru xuegu maraviyosu de sabores y testures, el bacaláu albídrase pero nun predomina'l platu y lleva un cruxente de garbanzos. Bien bonu.


Espinaca, Espardeñas, Oreja, Mantequilla y Limón.. Sosprendíos por atopar tanto mar nun menú de Toledo, pero según cúntennos, siempres foi un pueblu aficionáu a la mar y los sos productos. La oreya apurre cruxente, el miaomiáu mariellu intensidá, y el mueyu, a partir de la oreya pero con un importante toque a mantequilla, da-y untuosidá al platu. Encantónos.


Acabamos los platos col Pichón Asado con Profiteroles Rellenos. Carne intenso, pero bien elegante, col so propiu mueyu casi amenorgada y cogordes p'acompañar que-y dan inda más intensidá. Mui ricu.


Empezamos colos postres, Yogurt, Cocu y Vinagre. Un cortante frescu qu'entemez el toque acedu col cocu. Tien lláscares de cocu.


Queso, Especias y Azafrán. De normal yá sabéis que'l nivel nesti tipu de restoranes baxa nos postres ... pero non con esti postre. Xenial combinación del azafrán, que se nota, con un yogur nidio de quesu, quesu en llámina y un pan especiaáu. Impresionante combinación.


Colos cafés, Pequena Pastelería. Macarons d'aceite d'oliva y fresa con buñuelos de vientu y chocolate, bien ricos.


Pa beber, Marques de Griñón Sirah 2015. Vinu de la zona. Esperábamos más.


Pagamos 203€. Cafés incluyíos.


Per bon menú, mui de la tierra, pero sosprendiendo incluyendo abondo pexe de mar. Sitiu espectacular, atención de primera y cocina que sospriende. Gran sitiu.


No hay comentarios

Publicar un comentario