Señes: C/ Virgen del Carmen, 28 - El Rompido - Huelva
Teléfonu: 619 327 497
Facebook: https://www.facebook.com/aguamarinaelrompido
Instagram: [@aguamarinaelrompido]: https://www.instagram.com/aguamarinaelrompido
Preciu: 25€
Comentarios: El Rompido ye un pueblu pequeñu marineru pa Huelva qu'ainda nun ta del tou conrotu pol turismu, caltien la esencia de les cases baxes encalaes en blancu, con accesu directu a la sablera. Agora la cai principal ta llena de restoranes y tiendes, pero que siguen calteniendo esi encantu.
La sablera nun ye de mar, da al Río Piedras, y cruciando con un "ferry", vas a la Flecha del Rompido, con una sablera que yá da al Atlánticu. Paga la pena.
Tuvimos mirando sitios pa comer, y el que más nos llamó l'atención foi Aguamarina. Asitiáu na cai principal, con una terraza protexida del sol, pero abierta a los llaos, y con unes precioses meses de madera en contraste col blancu del llocal. Ufierta cocina tradicional de la zona, dándo-y un toque un pocu distintu y curiando la presentación.
Comimos dos. Traxéronnos de aperitivo una Tosta de Chorizu con Pimentón de la Vera. Nun yera lo meyor pal calor, pero taba bien bona. Con ella enfonilamos la primer cerveza.
Pidimos delles coses pa probar, empezamos col so Xamón Ibéricu. Bien bonu. Y per bona ración, y barata.
Media d'Adobu d'Araña. Pez Araña adobñau con pimentón tamién. Bien bonu, abiertos y p'esfrutar ensin escayos.
Media de Chocos. Que son rabas de calamar. Bien ricos tamién.
Y acabamos con una ración de Gambes de la Mariña. Fríes. Cocíes. Con sal. Buenísimas.
De postre, Tatín de Mazana con Canela. Bien ricu y per bona presentación.
Pa beber, agua y unes cañes de cerveza. Pagamos 53,20. Como véis, sitio bien guapo y perbién de preciu. Bien recomendable.
No hay comentarios
Publicar un comentario