Nueva Visita: La Brujería

Direición: C/ Estación, 18 - Avilés
Teléfonu: 985 087 520

Calidá: 4/5
Preciu: 23€

Facebook: https://www.facebook.com/brujeriatapas/
Anterior Visita: http://lesfarturesast.blogspot.com.es/2017/07/la-brujeria.html

Comentarios: Repitimos visita a La Brujería, un llocal que ta teniendo abondo ésitu n'Avilés y pal que cuesta atopar mesa, sobremanera nel fin de selmana. 

Cocina abierta a lo fonderu'l llocal, y delles meses, altes y baxes, para esfrutar d'un tapeo informal, pero con calidá. Na parte de tras, una terraza bien guapa con zona de xuegos para crios. 

Xuntámonos a comer 5 persones y pidimos para picar al centru la mesa.

Empezamos con un Caballete d'Anchoes. Presentación de 10, con una mini mueyu para moyar, anque como les anchoes son de primera, casi nin-y fai falta. Volaron.

Chipirones, Mahonesa d'Ayu Negru, Llima y Cebollu. Bien bonos los chipirones, formosos amás. Y col toque cítricu, van xeniales. Hai quien lo prefier amestar al gustu, pero equí'l toque ye sele, y ye d'agradecer. Indispensables.

Croquetes de la Casa. De distintos sabores, y de les que se desfáin per dientro. Mui, mui riques. Y yá veis que dos per cabeza.

Fritura de Langostinos y Algues. Añaden ún más pa que probemos ún per cabeza. Llangostin rebozáu con un palu, y para moyar en mueyos. Vien amás con una base d'alga comestible, nidia, y perfecta de mano nel mundu de les algues.

Acabamos con un Entrecot de Xata Roxa Laminao. Carne tienro, que se desfái. Pelín pasada pal mio gustu. Vien acompañada d'unos pimientos y unes pataqes. Bona ración, amás.

Pa los postres, animámonos a probar una Nates Vaqueires, que combinen con frutos colloraos pa da-y un toque d'acidez. Tán riques.

Sorbete de Mazana con Poma Aurea Brut Nature. Postre mui asturianu y pa los mazaneros. Un sorbete onde se nota'l toque de Sidra. Mui ricu.

Y amás, un Quirós.

Para beber, Escolinas Wallaby 2014. Un bon clase media de los vinos asturianos, qu'entra xenial y nun se va nada de preciu. 

Pagamos por tou, 116,30€. 23€ per cabeza. Como veis, bona relación calidá-preciu. 

Bona opción para picar daqué nel centru d'Avilés. Carta pequena, pero con sabores distintos. Productu de la tierra con influencies de comida caleyera y bona seleición de vinos.