Llagar Alonso

Direición: Puente Carbón, 38 - Ciañu

Teléfonu: 670 720 557

Web: http://www.llagaralonso.com/
Facebook: https://www.facebook.com/Llagar-Alonso
Twitter: [@JaviDiaz21] https://twitter.com/JaviDiaz21
Instagram: [@llagaralonso] https://instagram.com/llagaralonso/

Comentarios: En plenu Valle de Samuñu, en Ciañu, una población castigada pela revoncersión minera abrió va unos años l'Ecomuséu Mineru de Samuñu, una esperiencia per recomendable para empapase de la cultura minera.

A 400m del muséo, atópase'l Llagar Alonso. Yá vos falamos de la Sidrería que tien el llagar en La Felguera equí, y de siguío vamos cuntavos la nuesa última visita. Pero teníamos pendiente una visita al llagar para conocer la sidra d'ellaboración propia que tienen.

El Llagar Alonso ye un llagar pequenu, artesanu, perfectu para aprender el procesu d'ellaboración de la sidra. La so producción añal ronda los 100000l, alloñáu de los grandes llagares que pueden llegar a los 7 millones, pero con un amor pol productu, una pasión y un dominiu de la técnica, difícilmente igualable.

La Sidra Alonso empezó a faese nel 1939 hasta los años 70, onde cola crisis de la Sidra cesó la so actividá. En 1997 recuperen la Sidra, y tres años d'actividá nel llagar antiguu camudaron a les sos instalaciones -más modernes-, en Ciañu, tres una fonda reforma.

Les instalaciones son modernes, amosando qu'artesanía y meyores pueden convivir xuntos. El control sobro'l procesu ye continuu yá'l potencial d'ampliación ye grande. Ello ye qu'anguaño van ampliar producción.

Dende 2014, fíxose cargu del llagar Javier Díaz, que con unos insultantes @6 años ta dando un impulsu nuevu. Una nueva xeneración de llagareros, con idees nueves pero apostando pola tradición. Con nueves maneres de vender el productu, pero teniendo claro qu'ensin el respetu al productu y a les enseñances de los sos mayores, nun se llega a nengún lláu. Da gustu ver tanta pasión y entrega en daquién tan jóven.

Y les resultancies van llegando, premios, menciones y espandiendo el productu pola xeografía asturiana.

Amás, faen visites guiáes al llagar, lo cual ye un pack perfectu en visitando'l Muséu. Y daqué interesante; como acomuñáu al llagar tienen la sidrería, faen espiches n'el mesmu llagar. Nada de contratar caterings, non. La cocina ye de la mesma sidrería, casera, y ta buenísima. Tienen un corderu a la estaca qu'hai que probar sí o sí. Ya importante, echando sidra en tou momentu, porque si de daqué tán arguyosos en Llagar Alonso ye del cuidu del productu.

Muncha xente quéxasenos qu'el "sidraturismo" nun ta bien estendíu. Con éses, equí tenéis una opción perfecta y lo más personalizada posible. Visita a un muséo mineru y un llagar con una sidra estupendo y una comida casera de luxu.

Yo que tu nun me lo perdía.