Teléfonu: 984 199 814
Web: http://www.cervezacaleya.com/
Facebook: https://www.facebook.com/cervezascaleya/
Instagram: [@cerveza_caleya] https://www.instagram.com/cerveza_caleya/
Comentarios: Allá pol @2011 Pablo del Cabanón guardóme un par d'amueses d'una nueva cerveza que trés chavales entamaron en Rusecu. Empezaba un "cambéu d'enclín" nel mundu la cerveza, y Bélxica, Inglaterra y Alemaña perdíen cierta hexemonía respecto al mundu la cerveza artesano (craft beer) que taba en puxanza n'EEXX.
Asina nos presentaron Silver, César yá'l so hermanu Gonzaga, Cerveza Caleya. Xuniéndose a esta filosofía de la Cerveza Artesano, crearon la so Asturies Pale Ale, una cerveza amargoso, de 4,5% que nun podíes dexar de beber. Por fín, teníamos una cerveza asturiano de calidá. Y pa un cerveceru, que lleva bebiendo, adorando y amando cerveces de too'l mundu, nin imaxináis l'arguyu qu'eso supunxo.
Dende entós namoramos de Caleya, pela so filosofia, pela so cencellez y porque siempres tuvieron les idees bien clares. Decidieron siguir cuando tristemente dexónos Gonzaga, y dende entós Silver y César nun pararon de lluchar, de crecer, y sobremanera de faer bona cerveza.
Con una crecedera que poques empreses n'Asturies puedes iguar, pero ensin dexar de tener como base la calidá, comprobaron que la nave de Rusecu quedábase-yos pequeña. Pasaron de 20000 a 90000l n'unos años; y agora, tres la imposibilidá d'ampliar nave na zona, decidieron camudase al polígonu de Valnalón en La Felguera.
Multipliquen per 7 la capacidá de la nave y pasen de los 90000l de producción a 150000l (con capacidá para 200000l), pero con una nave que-yos dexa llegar a muncha más. Y ye que la so idea ye clara, siguir creciendo. Pero pa ello, hubo que faer una fuerte inversión, y agora mesmu podemos afirmar que Cerveza Caleya cunta con una de les instalaciones tecnolóxicamente más cimeres y modernes de tola península ibérica. Cunten con preseos para'l tratamientu de l'agua, para declorar y desclarificarla; con modernos tratamientos de llimpieza de depósitos y tuberíes dafechu automatizaes, con una nueva embotelladora ... tou coles mires d'algamar la mayor profesionalización posible y evitar contaminaciones.
Pero ensin perder un puntu de romanticismu, nin de llocura cervecera, que foi lo que los llevó hasta equí. Ye conocida la honradez de la marca, que prefirió tar 2 meses ensin cerveza nel mercáu (con tol riesgu qu'ello supon) a producir la so cerveza n'otra mientres se camudaba de Rusecu a La Felguera.
Esa esencia, esa filosofía, acompañada de grandes cerveces, ye lo que valora la xente. Por eso ye una de les marques más queríes n'Asturies y por eso tienen aseguráu l'ésitu. Cunten agora amás, cola ayuda de Carlos Algevis, maestru cerveceru venezolanu que s'afincó n'Asturies atrayíu pela so filosofía. Con amplia esperiencia en cerveces americanes, supon un arriquecimientu mutuu, qu'aúne la filosofía del movimientu craf beer cola conocencia del mercáu asturianu (que ye complicáu para la cerveza artesano).
Agora mesmu pues beber 4 cerveces estremaes ente sí de Cerveza Caleya. Equí vos les presentamos.
Asturies Pale Ale. La so primer cerveza, la más conocida, y la que vas atopar en más llocales. Ye un arguyu comprobar cómo inclusive llocales que nun son cerveceríes especializaes, yá la tienen como la so "cerveza de cabecera" un cañero de Caleya fixu. Pale Ale al estilu americanu, con cuerpu mediu, poco gas, y con arumes y sabores frutales. Tien un toque amargosu, pero tamién a malta, y déxate un final secu, lo que fai que nun canses d'ella y puedas tar bebiéndola ensin parar.
Mayuca Amber. 4 tipos distintos de malta pa una cerveza con un toque más dulzuxu, inclusive con sabor a carambelu. Lleva un puntu de llúpulu pa compensar que-y da un llixeru amargor a la fin que convida a siguir bebiendo. 5,7% d'Amber Ale. Ye la cerveza perfecto pa empecipiate nel mundu caleyeru si nun tas acostumáu a beber esti tipu de cerveces.
Soleyera, una Sesion Rye IPA que foi la postrera n'unise a la folixa. Una cerveza más fresco, con toques cítricos, perfecta pal branu y que marca l'enclín de les nueves cerveces que tán por venir.
Y acabamos cola xoya la corona. Goma 2. Una IPA al estilu americanu, con sabores y arumes tropicales onde gana la presencia del llúpulu percima la malta. Maravíame cómo esplota na boca'l so primer tragu, y cómo l'amargu final déxame con ganes de bebela hasta escosar toles sos esistencies. Y nun soi yo namás fanáticu d'esta cerveza, lleva años considerada la meyor o ente los meyores IPAs de la península ibérica en tolos portales cerveceros especializaos. Por dalgo va ser ...
Como veis, del 2011 hasta güei camudaron munches coses, pero lo que nun camudó foi la sensación d'arguyu y prestu cada vez que bebo una Cerveza Caleya. Munches gracies a Silver, César y Carlos por recibime y faeme pasar una tarde xenial aprendiendo un montón de cerveza.
Facebook: https://www.facebook.com/cervezascaleya/
Instagram: [@cerveza_caleya] https://www.instagram.com/cerveza_caleya/
Comentarios: Allá pol @2011 Pablo del Cabanón guardóme un par d'amueses d'una nueva cerveza que trés chavales entamaron en Rusecu. Empezaba un "cambéu d'enclín" nel mundu la cerveza, y Bélxica, Inglaterra y Alemaña perdíen cierta hexemonía respecto al mundu la cerveza artesano (craft beer) que taba en puxanza n'EEXX.
Asina nos presentaron Silver, César yá'l so hermanu Gonzaga, Cerveza Caleya. Xuniéndose a esta filosofía de la Cerveza Artesano, crearon la so Asturies Pale Ale, una cerveza amargoso, de 4,5% que nun podíes dexar de beber. Por fín, teníamos una cerveza asturiano de calidá. Y pa un cerveceru, que lleva bebiendo, adorando y amando cerveces de too'l mundu, nin imaxináis l'arguyu qu'eso supunxo.
Dende entós namoramos de Caleya, pela so filosofia, pela so cencellez y porque siempres tuvieron les idees bien clares. Decidieron siguir cuando tristemente dexónos Gonzaga, y dende entós Silver y César nun pararon de lluchar, de crecer, y sobremanera de faer bona cerveza.
Con una crecedera que poques empreses n'Asturies puedes iguar, pero ensin dexar de tener como base la calidá, comprobaron que la nave de Rusecu quedábase-yos pequeña. Pasaron de 20000 a 90000l n'unos años; y agora, tres la imposibilidá d'ampliar nave na zona, decidieron camudase al polígonu de Valnalón en La Felguera.
Multipliquen per 7 la capacidá de la nave y pasen de los 90000l de producción a 150000l (con capacidá para 200000l), pero con una nave que-yos dexa llegar a muncha más. Y ye que la so idea ye clara, siguir creciendo. Pero pa ello, hubo que faer una fuerte inversión, y agora mesmu podemos afirmar que Cerveza Caleya cunta con una de les instalaciones tecnolóxicamente más cimeres y modernes de tola península ibérica. Cunten con preseos para'l tratamientu de l'agua, para declorar y desclarificarla; con modernos tratamientos de llimpieza de depósitos y tuberíes dafechu automatizaes, con una nueva embotelladora ... tou coles mires d'algamar la mayor profesionalización posible y evitar contaminaciones.
Pero ensin perder un puntu de romanticismu, nin de llocura cervecera, que foi lo que los llevó hasta equí. Ye conocida la honradez de la marca, que prefirió tar 2 meses ensin cerveza nel mercáu (con tol riesgu qu'ello supon) a producir la so cerveza n'otra mientres se camudaba de Rusecu a La Felguera.
Esa esencia, esa filosofía, acompañada de grandes cerveces, ye lo que valora la xente. Por eso ye una de les marques más queríes n'Asturies y por eso tienen aseguráu l'ésitu. Cunten agora amás, cola ayuda de Carlos Algevis, maestru cerveceru venezolanu que s'afincó n'Asturies atrayíu pela so filosofía. Con amplia esperiencia en cerveces americanes, supon un arriquecimientu mutuu, qu'aúne la filosofía del movimientu craf beer cola conocencia del mercáu asturianu (que ye complicáu para la cerveza artesano).
Agora mesmu pues beber 4 cerveces estremaes ente sí de Cerveza Caleya. Equí vos les presentamos.
Asturies Pale Ale. La so primer cerveza, la más conocida, y la que vas atopar en más llocales. Ye un arguyu comprobar cómo inclusive llocales que nun son cerveceríes especializaes, yá la tienen como la so "cerveza de cabecera" un cañero de Caleya fixu. Pale Ale al estilu americanu, con cuerpu mediu, poco gas, y con arumes y sabores frutales. Tien un toque amargosu, pero tamién a malta, y déxate un final secu, lo que fai que nun canses d'ella y puedas tar bebiéndola ensin parar.
Mayuca Amber. 4 tipos distintos de malta pa una cerveza con un toque más dulzuxu, inclusive con sabor a carambelu. Lleva un puntu de llúpulu pa compensar que-y da un llixeru amargor a la fin que convida a siguir bebiendo. 5,7% d'Amber Ale. Ye la cerveza perfecto pa empecipiate nel mundu caleyeru si nun tas acostumáu a beber esti tipu de cerveces.
Soleyera, una Sesion Rye IPA que foi la postrera n'unise a la folixa. Una cerveza más fresco, con toques cítricos, perfecta pal branu y que marca l'enclín de les nueves cerveces que tán por venir.
Y acabamos cola xoya la corona. Goma 2. Una IPA al estilu americanu, con sabores y arumes tropicales onde gana la presencia del llúpulu percima la malta. Maravíame cómo esplota na boca'l so primer tragu, y cómo l'amargu final déxame con ganes de bebela hasta escosar toles sos esistencies. Y nun soi yo namás fanáticu d'esta cerveza, lleva años considerada la meyor o ente los meyores IPAs de la península ibérica en tolos portales cerveceros especializaos. Por dalgo va ser ...
Como veis, del 2011 hasta güei camudaron munches coses, pero lo que nun camudó foi la sensación d'arguyu y prestu cada vez que bebo una Cerveza Caleya. Munches gracies a Silver, César y Carlos por recibime y faeme pasar una tarde xenial aprendiendo un montón de cerveza.
No hay comentarios
Publicar un comentario