A Barosa

Direición: Barosa - Barro - Pontevedra

Teléfonu: 986 090 880

Web: http://barosa.es/
Facebook: https://www.facebook.com/BarosaGastronatural/
Twitter: [@barosagastro] https://twitter.com/barosagastro

Calidá: 3/5
Preciu: 25€

Comentarios:  A Barosa ye un llugar increíble en Barru (Pontevedra). Unos tabayones naturales (onde te puedes bañar) con 17 Muiños (Molinos) d'Agua. Tola redolada ta perbién curiada ya iguada. Esiste una ruta d'unos 4kms onde puedes visitar los molinos y dende onde vas tener unes vistes a tol tabayón cascada dende enriba.

Pel branu, el tabayón nun baxa mui cargáu, asina que ye perfectu pa bañase pero malu pa la fotografía. Va haber que volver pel hibiernu.

Dos d'esos molinos tán rehabilitaos en restoranes, ún na zona de baxo, a unos metros del aparcamientu del coche y otru na zona de riba. Nós acutamos nel de baxo onde pel branu tienen habilitaes delles terraces enormes que taben a españar y con xente esperando. Asina qu'acutái. Muncho más recomendable comer na zona de dientro, anque creo que namás se puede fora de los meses de branu.

Comimos 6 persones na terraza, a pesar de les sombrielles, el calor yera infernal. Daben ganes de comer metíos na piscina.

Empezamos con una Empanada de Zamburiñes, que taba buenísima. Con pan de millo, y bones zamburiñes dientro. Cruxentes per fora y desfáense per dientro. Lo meyor de la comida.

Dos bandexes de mariscu. Pa 2 persones. Con un poco de too, zamburiñes, navayes, llagostinos y amasueles en mueyu. Lo meyor ensin dulda, les amasueles.

Y dempués pidimos un platu #cada unu, Croca a Plancha. El cadril de la vaca en Galicia llámase Croca. Normal.

Llárimes d'Ibéricu con Pataques.  Taba ricu.

Calamares con Pataques. Muncho meyor. Taben bien bonos.

Pa beber, Perdíz Viña Alba. Albariño del añu que frescu entró de luxu.

Colos postres non nos aninamos. Solo cafés, con xelu, de xacíu.

Pagamos por tou, 6 persones, unos 160€. Pel hibiernu, más sele, con menos meses, ameyora la cosa. Va haber que volver porque'l sitiu paga la pena.