Nueva Visita: Olimar

Direición: C/ Gregorio Aurre, 33 - La Felguera - Langreo (Llangréu)
Teléfonu: 985 69 10 03
Facebook: https://www.facebook.com/Restaurante-Sidreria-Olimar
Anterior Entrada: http://www.lesfartures.com/2013/10/nueva-visita-olimar.html

Calidá: 4/5

Preciu: 25€

Comentarios: L'Olimar encántanos, ye una sidrería a la que solemos dir casi toles selmanes, y nunca falla. Pue qu'haya coses que te presten más qu'otres, pero la calidá del productu siempres ye alta. Da igual que vaigas a por entrantes a picar daqué, o a por pescao, o a por carne o, sobremanera, a pol so arroz caldosu. Hasta los postres tán ricos, anque baxen un pocu del nivel del restu.

Y siempres con zona pa comer/cenar onde t'echen sidra, y siempres con atención de primera.

Tocantes a palos de sidra, tienen 2. Piñera y Acebal DOP, esto ye, El Carrascu. Y siempres qu'hai, bebemos El Carrascu.

Cenamos dos persones.

Pidimos d'entrante, Pulpu a la Brasa. Perfectu de puntu, contundente y con un pataques cocíes con pimentón y pimientos del padrón. Mui ricu.

Acabamos con un Sollombu de Xata Asturiana. Yá veis que la ración trai dos bonos cachos, asina que lo compartimos. Vien poco fechu, y nuna piedra pa pasar más dalguna parte si quies. Yo saquelu pal platu porque lu prefiero asina. Con pataques y pimientos. Perfectu. Nidiu, xugosu... mui ricu.

Pasamos directamente a los cafés, porque nun podíamos con más.

Pagamos 50€. Como veis, productu de primera, con sidra echada en tou momentu y en perfecta temperatura y un preciu más qu'afechu.

Siguimos siendo fieles siguidores de l'Olimar.