Contact Me

Nombre

Correo electrónico

Mensaje

Hover Setting

default

La Casona d'Entrialgo

Direición: Entrialgo, 25 - La Pola Llaviana
Teléfonu: 985 601 206



Recomendaciones: Fabada


Calidá: 4/5
Preciu: 20€


Web: http://www.lacasonadeentralgo.com/
Facebook: https://www.facebook.com/casonaentralgo/



Comentarios: Entrialgo ye un pueblín preciosu pela rodiada Llaviana, rural, presidíu pola Casa Natal d'Armando Palacio Valdés (que puede visitase). En frente, atópase asitiada la Casona d'Entrialgo, antigua casa de comíes y chigre-tienda que se rehabilitó y convirtióse nun preciosu hotel rural.


Aprovechando una FarturrutaLes Foces del Ríu Raigusu, ruta bien guapa que vos encamiento, y que vos llevará unes 4h, averamos a comer a La Casona d'Entrialgo. La redolada ye preciosa y si el día ta bonu, convida a tomar daqué, pero dientro'l local gana inda más.


Zona de barra, antigua, en madera y cola lluz xusto. Con ese ambiente de chigre que tantu nos presta. Un pasiellu yá'l fondu abre un comedor grande, con cristaleres a la parte de tras. Meses amplies, de madera, y decoración clásica.


Y lo meyor ta na parte trasera. Meses esteriores que dan a un preciosu práu con un horru onde, si'l tiempu acompaña, ye una gociada poder comer. Si podéis, acutái esa mesa.


Nós comimos nun salón pequenu interior, el llocal taba a españar.


Pidimos el menú de la fin de selmana, a 18€.


De primeru, nun mos complicamos la vida, Fabada. Ye una de les especialidaes de la casa, y en probándola unes cuantes vegaes, nunca fallen. Faba suave, que se desfái na boca, de bona calidá. Y amás con bon compangu. Una pota al centru, y a repetir hasta que la dexamos llimpia. Mui bona.



De segundu, pidimos Pitu Caleya, per ricu, y bravu. Non como otros sitios que te dan gatu per llebre. Gustónos enforma.


Acompañáu de pataques frites y d'unu mueyu pa ... acabar coles esistencies del pan.


Tamién pidimos para probar la Xata Guisada, mui rica. Suave y con carne de bona calidá. Per bon nivel.

Los postres nun se quedaron tras.


Tarta d'Ablana. Tipu flan. Mui, mui bona. La mio favorita de les 3, anque les 3 taben a per bon nivel.


Tarta de Nuez. Más contundente. Rica, pero quiciabes la que menos nos entusiasmó.


Tarta de Quesu. Casi al altor de la d'ablana. Buenísima tarta de quesu.


Pa beber, agua, casera y vinu, típicu de los menúes. Nun vimos la carta de vinos pa davos más información sobro la ufierta. Sí sabemos que tienen sidra.



Menú caseru bien bonu por 18€, nun sitiu preciosu. Pocu más pue pidise.


No hay comentarios

Publicar un comentario