Teléfonu: 985 811 051
Recomendaciones: Tou
Facebook: https://www.facebook.com/Restaurante-Marroncin
Calidá: 4/5
Facebook: https://www.facebook.com/Restaurante-Marroncin
Preciu: 35€
Comentarios: Gran descubrimientu nel suroccidente asturianu, camín del puertu de Braña/L.leitariegos atopamos un pequenu Hotel-Restorán a la vera'l ríu Naviegu. Desconocemos cómo son les habitaciones, pero tien que ser un lluxu dormir col soníu del ríu.
El restorán ye preciosu, arrodiáu de cristaleres y plantes pa poder esfrutar el ríu (y del so soníu, que nos acompaña mientres tola comida). Nun ye mui grande, y preside una impresionante chimenea qu'esperamos llegar a probar dalguna vegada.
Tratu familiar pa una cocina casera con un productu de primera. Comimos solos, adulces y esfrutando de la comida ya'l paisaxe con una Charo per atenta a que nunca nos faltara de nada na mesa.
Como yá empezó la temporada de setes, nun pudimos dexar pasar unos Boletus Edulis espectaculares. Un golor increíble y bien xugoses con cachos de xamón pol mediu. Enorme platu.
Siguimos con una Ensalada de Pimientos Asaos con Lleña y Llombos de Bonitu. Mui ricu. Los pimientos con un pocu picantín que-y da una allegría al platu. Bonos llombos de bonitu.
Como platos principales, pidimos Sollombu de Xata Asturiana, realmente espectacular, desfaese. Vien acompañáu d'unes pataques frites y unos pimientos. Bon cachu de xata d'una calidá buenísima. Pidimoslu pocu fechu y traenlu al puntu.
Rabu de Toru Guisao al Vinu de Cangas. Tiernísimo tamién, con un mueyu perricu. El restu de la mesa tuvimos qu'ayudar p'acabalo yá que la ración yera enorme.
Bacaláu al Pil Pil. Nun lo probé, pero la esperta en bacalaos quedó mui contenta. Bona ración con un mueyu bien ricu.
Y acabamos con Escalopines de Sollombu de Xata Asturiana con Quesu la Peral y Patata Paya. Otru platu enorme, con una calidá de la tenral buenísima.
Como veis, la carne ganó nos platos, anque'l bacaláu tuvo per bones crítiques.
Pa los postres tábamos llenos, asina que compartimos dos postres pa cuatro persones. Pidimos Requesón con Figos Caramelizaos. Buenísimo. El requesón de 10. Vien en mediu con un figu caramelizáu perricu. El requesón suave y amás oldea perbién col figu.
Xeláu de Piescu (Piescu asturianu). Dos boles de xeláu caseru con tropezones de piescu y un sabor maraviyoso. Gran postre.
Pa beber, ufiertáronnos Vinu de la Tierra de Cangas. de la Bodega Vidas, a la fin escoyemos el so 7 Vidas Albarín Blanco, bon vinu blancu, anque quedé con ganes de probar el so vinu blancu más "premium" 100 Montañas, que tamién lu teníen.
Con cafés y clines, pagamos 4 persones 134,10€.
Gran sitiu con una cocina casera de calidá nun enclave preciosu.
El restorán ye preciosu, arrodiáu de cristaleres y plantes pa poder esfrutar el ríu (y del so soníu, que nos acompaña mientres tola comida). Nun ye mui grande, y preside una impresionante chimenea qu'esperamos llegar a probar dalguna vegada.
Tratu familiar pa una cocina casera con un productu de primera. Comimos solos, adulces y esfrutando de la comida ya'l paisaxe con una Charo per atenta a que nunca nos faltara de nada na mesa.
Como yá empezó la temporada de setes, nun pudimos dexar pasar unos Boletus Edulis espectaculares. Un golor increíble y bien xugoses con cachos de xamón pol mediu. Enorme platu.
Siguimos con una Ensalada de Pimientos Asaos con Lleña y Llombos de Bonitu. Mui ricu. Los pimientos con un pocu picantín que-y da una allegría al platu. Bonos llombos de bonitu.
Como platos principales, pidimos Sollombu de Xata Asturiana, realmente espectacular, desfaese. Vien acompañáu d'unes pataques frites y unos pimientos. Bon cachu de xata d'una calidá buenísima. Pidimoslu pocu fechu y traenlu al puntu.
Rabu de Toru Guisao al Vinu de Cangas. Tiernísimo tamién, con un mueyu perricu. El restu de la mesa tuvimos qu'ayudar p'acabalo yá que la ración yera enorme.
Bacaláu al Pil Pil. Nun lo probé, pero la esperta en bacalaos quedó mui contenta. Bona ración con un mueyu bien ricu.
Y acabamos con Escalopines de Sollombu de Xata Asturiana con Quesu la Peral y Patata Paya. Otru platu enorme, con una calidá de la tenral buenísima.
Como veis, la carne ganó nos platos, anque'l bacaláu tuvo per bones crítiques.
Pa los postres tábamos llenos, asina que compartimos dos postres pa cuatro persones. Pidimos Requesón con Figos Caramelizaos. Buenísimo. El requesón de 10. Vien en mediu con un figu caramelizáu perricu. El requesón suave y amás oldea perbién col figu.
Xeláu de Piescu (Piescu asturianu). Dos boles de xeláu caseru con tropezones de piescu y un sabor maraviyoso. Gran postre.
Pa beber, ufiertáronnos Vinu de la Tierra de Cangas. de la Bodega Vidas, a la fin escoyemos el so 7 Vidas Albarín Blanco, bon vinu blancu, anque quedé con ganes de probar el so vinu blancu más "premium" 100 Montañas, que tamién lu teníen.
Con cafés y clines, pagamos 4 persones 134,10€.
Gran sitiu con una cocina casera de calidá nun enclave preciosu.
No hay comentarios
Publicar un comentario