Teléfonu: 984 081 696
Web: http://vinoteo.com/
Facebook: https://es-es.facebook.com/vinoteo
Twitter: [@vinoteo] https://twitter.com/vinoteo
Entamar les temporaes de Cates del Vinoteo poniendo'l llistón tan alto namás puede facelo Juan. Anguaño, afaciéndose a los tiempos que cuerren, dio-yos un llaváu de cara y rebaxó entá más los precios (pero non la calidá). Y asina taba'l local, enllenu a españar y con llista d'espera pa poder dir a la cata. Un ésitu.
Pa inaugurar el "cursu" cuntábamos cola presencia de dos grandes maestros, cada ún na so estaya. David Barro, sumiller y responsable de vientes de Coalla Gourmet, sería la persona encargada de presentanos y dar unes pequenes notes de cata sobre los vinos de la bodega Romate que díbamos probar.
Aitor Luis Vega, ún de los mayores espertos queseros asturianos d'Exclusivas Luis Vega, encargose d'introducinos y cuntanos la hestoria de cada quesu que personalmente escoyó pa esta cata
Empezamos con una sorpresa, prestosa sorpresa. David empezó rellenándonos la copa con una Sidra Pomar Rosée de Viuda de Angelón. Maraviyosa sidra rosada espumosa asturiana a un preciu bien algamadizu que casa perfeutamente col quesu. Un regalu inesperáu qu'esperemos tenga un gran ésitu en sidreríes y tiendes d'alimentación asturiano. Mui recomendable.
Tamién empezamos con quesu asturiano, Ovín de Cabra Afináu, quesu de Nava de Lleche Crudo de Cabra. Aitor indícanos que se suel vender envasáu al vaciu y qu'asina, pierde enforma sabor, polo qu'encamenta mercalo ensin envasar y dexar que'l quesu evolucione. Quesu suave, perfeutu pa entamar y con un sabor a animal fantásticu. Encantónos.
La cata acompañáronla nel Vinoteo con una estupenda seleición de panes, de Trigu, de Centenu y un amiestu de dambos que prestonos muncho.
Camudamos al vinu, a la Bodega Romate, de los que probemos 3 de los sos vinos de Xerez. David avisónos que los vinos de Xerez tendríen enforma que dicir nos próximos años yá que tán trabayando perbién. Yá falamos nel so día d'ellos n'otra cata y la verdá ye que'l productu ta bien bonu.
Empezamos col Amontillado, que quiciabes foi'l vinu que menos prestó. Abondo alcohólicu y pocu integráu. Entá con tou, son vinos perfeutos pa los quesos, anque quiciabes pa un quesu con sabor más fuerte que'l siguiente que probemos.
El quesu foi'l Comté Marcel Petite Reserve, quesu de Francia de Lleche Crudo de Vaca. El mio favoritu la nueche. Comentónos Aitor que tan de moda estos quesos, pero ensin dulda esti ye'l meyor de toos. Delicáu pero con sabor. Con una testura p'ablucar... maraviyosu quesu.
Pa los dos siguiente quesos, maridamos el vinu Romate Cream, tamién el favoritu de los vinos que probemos. Una xoya de vinu duce, equilibráu, que nun empalaga, que prestó. Y a un preciu realmente algamadizu (namás 6€).
Siguimos col Siete Lobas, quesu de Llión de Lleche Crudo d'Oveya. Tien una corteza tipu a la del Gamonéu. Curáu en Cueva, y fechu de forma dafechu artesana, ufierta un quesu orixinal. Gustó enforma.
Genestoso / Xinestosu. quesu de Lleche de Vaca Cruda del pueblu del mesmu nome asitiáu en Cangas del Narcea. Quesu en peligru d'estinción yá que prácticamente queda una ellaboradora n'Asturies. Quesu dafechu artesanal, polo que cada quesu evoluciona de forma propia. Como interés, Aitor cuntónos que se fai nun molde d'espartu.
El broche final de la cata ponlo David con un Pedro Ximenez, que casi podemos dicir que ta fechu pa quesos y postres. Mestu y bien escuru de color, en boca ye más suave de lo que paez faciendo per peligrosos esos 18º que lo acompañen. Bon vinu.
Los últimos quesos que probemos son un Yhorshire, quesu de Lleche de Vaca Pasteurizada inglés. Ye un quesu peculiar, con un sabor distinto. Aitor encamenta consumílo con una curación 2 meses superior a l'habitual yá que gana enforma en sabor. Un quesu perfeuto pa untar y esfrutar del panazu del Vinoteo.
Pecorino Moliterno al Tartufo. Quesu italiano de Lleche Pasteurizada d'Oveya al que-y echen trufa, con un sabor per particular. Quiciabes más pa un cachu que pa consumir grandes dosis, y perfeutu pa conxugar nuna tabla de quesos y oldear sabores. Interesante ver les vetes de trufa negra nel quesu.
Y a lo último, y como sorpresa Aitor tráxonos un Camembert Penicillium Roquefort. Ésti quesu yá nun precisa nenguna presentación, quesu azul francés de lleche d'oveya. Muncho más suave de lo qu'esperaba, Perfeutu colofón pa rematar una gran cata.
Como podéis comprobar, el Vinoteo a puntu de cumplir el so décimu aniversariu, gocia de bona salú y vuelve na so temporada de cates con más fuerza que nunca. ¡Repetiremos!
La cata tenía un preciu de 20€, inmeyorable rellación calidá-aprecio.
Web: http://vinoteo.com/
Facebook: https://es-es.facebook.com/vinoteo
Twitter: [@vinoteo] https://twitter.com/vinoteo
Entamar les temporaes de Cates del Vinoteo poniendo'l llistón tan alto namás puede facelo Juan. Anguaño, afaciéndose a los tiempos que cuerren, dio-yos un llaváu de cara y rebaxó entá más los precios (pero non la calidá). Y asina taba'l local, enllenu a españar y con llista d'espera pa poder dir a la cata. Un ésitu.
Pa inaugurar el "cursu" cuntábamos cola presencia de dos grandes maestros, cada ún na so estaya. David Barro, sumiller y responsable de vientes de Coalla Gourmet, sería la persona encargada de presentanos y dar unes pequenes notes de cata sobre los vinos de la bodega Romate que díbamos probar.
Aitor Luis Vega, ún de los mayores espertos queseros asturianos d'Exclusivas Luis Vega, encargose d'introducinos y cuntanos la hestoria de cada quesu que personalmente escoyó pa esta cata
Empezamos con una sorpresa, prestosa sorpresa. David empezó rellenándonos la copa con una Sidra Pomar Rosée de Viuda de Angelón. Maraviyosa sidra rosada espumosa asturiana a un preciu bien algamadizu que casa perfeutamente col quesu. Un regalu inesperáu qu'esperemos tenga un gran ésitu en sidreríes y tiendes d'alimentación asturiano. Mui recomendable.
Tamién empezamos con quesu asturiano, Ovín de Cabra Afináu, quesu de Nava de Lleche Crudo de Cabra. Aitor indícanos que se suel vender envasáu al vaciu y qu'asina, pierde enforma sabor, polo qu'encamenta mercalo ensin envasar y dexar que'l quesu evolucione. Quesu suave, perfeutu pa entamar y con un sabor a animal fantásticu. Encantónos.
La cata acompañáronla nel Vinoteo con una estupenda seleición de panes, de Trigu, de Centenu y un amiestu de dambos que prestonos muncho.
Camudamos al vinu, a la Bodega Romate, de los que probemos 3 de los sos vinos de Xerez. David avisónos que los vinos de Xerez tendríen enforma que dicir nos próximos años yá que tán trabayando perbién. Yá falamos nel so día d'ellos n'otra cata y la verdá ye que'l productu ta bien bonu.
Empezamos col Amontillado, que quiciabes foi'l vinu que menos prestó. Abondo alcohólicu y pocu integráu. Entá con tou, son vinos perfeutos pa los quesos, anque quiciabes pa un quesu con sabor más fuerte que'l siguiente que probemos.
El quesu foi'l Comté Marcel Petite Reserve, quesu de Francia de Lleche Crudo de Vaca. El mio favoritu la nueche. Comentónos Aitor que tan de moda estos quesos, pero ensin dulda esti ye'l meyor de toos. Delicáu pero con sabor. Con una testura p'ablucar... maraviyosu quesu.
Pa los dos siguiente quesos, maridamos el vinu Romate Cream, tamién el favoritu de los vinos que probemos. Una xoya de vinu duce, equilibráu, que nun empalaga, que prestó. Y a un preciu realmente algamadizu (namás 6€).
Siguimos col Siete Lobas, quesu de Llión de Lleche Crudo d'Oveya. Tien una corteza tipu a la del Gamonéu. Curáu en Cueva, y fechu de forma dafechu artesana, ufierta un quesu orixinal. Gustó enforma.
Genestoso / Xinestosu. quesu de Lleche de Vaca Cruda del pueblu del mesmu nome asitiáu en Cangas del Narcea. Quesu en peligru d'estinción yá que prácticamente queda una ellaboradora n'Asturies. Quesu dafechu artesanal, polo que cada quesu evoluciona de forma propia. Como interés, Aitor cuntónos que se fai nun molde d'espartu.
El broche final de la cata ponlo David con un Pedro Ximenez, que casi podemos dicir que ta fechu pa quesos y postres. Mestu y bien escuru de color, en boca ye más suave de lo que paez faciendo per peligrosos esos 18º que lo acompañen. Bon vinu.
Los últimos quesos que probemos son un Yhorshire, quesu de Lleche de Vaca Pasteurizada inglés. Ye un quesu peculiar, con un sabor distinto. Aitor encamenta consumílo con una curación 2 meses superior a l'habitual yá que gana enforma en sabor. Un quesu perfeuto pa untar y esfrutar del panazu del Vinoteo.
Pecorino Moliterno al Tartufo. Quesu italiano de Lleche Pasteurizada d'Oveya al que-y echen trufa, con un sabor per particular. Quiciabes más pa un cachu que pa consumir grandes dosis, y perfeutu pa conxugar nuna tabla de quesos y oldear sabores. Interesante ver les vetes de trufa negra nel quesu.
Y a lo último, y como sorpresa Aitor tráxonos un Camembert Penicillium Roquefort. Ésti quesu yá nun precisa nenguna presentación, quesu azul francés de lleche d'oveya. Muncho más suave de lo qu'esperaba, Perfeutu colofón pa rematar una gran cata.
Como podéis comprobar, el Vinoteo a puntu de cumplir el so décimu aniversariu, gocia de bona salú y vuelve na so temporada de cates con más fuerza que nunca. ¡Repetiremos!
La cata tenía un preciu de 20€, inmeyorable rellación calidá-aprecio.
No hay comentarios
Publicar un comentario