Facebook: https://www.facebook.com/La-Gijonesa
Twitter: [@lagijonesa] https://twitter.com/lagijonesa
Instagram: [@lagijonesacomestibles] https://instagram.com/lagijonesacomestibles/
40 Primaveres
Facebook: https://www.facebook.com/40primaveres/
Twitter: [@40Primaveres] https://twitter.com/40primaveres
Ca Llechi
Facebook: https://es-es.facebook.com/Ca-Llechi
Quesos Varé
Facebook: https://es-es.facebook.com/Queso-de-Vare
Rey Silo
Facebook: https://es-es.facebook.com/reysiloqueso/
Twitter: [@ReySilo] https://twitter.com/ReySilo
El Cabrales de Pepe Bada
Facebook: https://es-es.facebook.com/QuesosPepeBada
Cerveza Caleya
Facebook: https://www.facebook.com/pages/Cerveza-Caleya
Instagram: [@caleya] https://www.instagram.com/caleya/
Cerveza Cotoya
Facebook: https://es-es.facebook.com/CervezaCotoya
Cerveza Bayura
Facebook: https://es-la.facebook.com/bayuraasturiesbeer
Twitter: [@Bayura_Cerveza] https://twitter.com/bayura_cerveza
Fai 6 años, cuando los fanáticos de la cerveza artesano empezamos a ver les primeres referencies en botella de Cerveza Artesano Asturiana, de xuru nun yéramos conscientes de la importancia que llegaría a tener esti movimientu.
Unos cuantos llocos, tres años de prebes y prebes nos sos garaxes, entainen a l'aventura de producir cerveza artesano. Pero non cualquier cerveza, non; cerveza artesano calidable. Y una vegada abiertu'l camín, otros llocos apuntáronse (y sígense apuntando) a producir la so propia cerveza. Agora mesmu tenemos una ufierta de cerveces asturianes (y otres igual d'asturianes pero que por razones d'infraestructura tienen que producila fuera) impensable va unos años, que vienen emburriando con fuerza y adulces empiecen a vese fuera los locales especializaos ganando un públicu cada vez más xeneralista. Y tamién la gastronomía.
Tres años de vivir esi procesu apasionante, lleguen les reconocencies, y por eso supunxo un honor que Lluis Nel Estrada de 0 Primaveres y La Gijonesa apostaren por faer una cata de quesos asturianos con cerveza artesano asturiana.
Sobre los quesos, pocu qu'añedir que nun sepamos, Asturies ye'l país de los quesos, tenemos la mayor variedá de quesos de toa Europa, con delles DOP de prestíxiu internacional y con munchos quesos non tan conocíos, pero que vienen triando con muncha fuerza.
De la mano d'un espertu queseru (conocedor de la gastronomía asturiana como pocos, tamién de la cerveza) como Lluis Nel Estrada y col sofitu de La Gijonesa pudimos aromonizar, xugar, probar ... combinaciones de quesos con distintes cerveces. Más fuertes, más suaves, más acedos ... con cerveces más amargoses, afrutaes, dulces, suaves, alcohóliques ... Un lluxu.
Empezamos con un Varé de Lleche de Vaca Ecolóxica, un quesu artesanal suave de Quesos de Vare, que maridó perfeutamente con una Cotoya Orixinal. Gran trabayu de Diego Cotoya pa una Strong Bitter de tipu inglés que salió al mercáu en 2013. Cerveza maltosa, suave, que siempres convida a siguir bebiendo, con un llixeru amargor perfeutu a la fin. Combinación perfeuta ente quesu y cerveza, quiciabes la más consiguida de la sesión.
Siguimos col Franxón de Ca Llechi, en Pintueles (Piloña). Quesu tienro qu'apenes tien un par de selmanes, persuave que combinó perfeutamente cola Caleya Asturies Pale Ale, la marca de cerveza asturiano más conocida. César y Silver dende Rusecu tán poniendo Asturies nel mapa cerveceru. La so cerveza de cabecera ye una pale ale amarga al estilu americanu, esto ye, con toques florales tantu en ñariz como na boca, onde casi puedes saborguiar el llúpulu y de la que nunca, repito, nunca, te llegues a cansar. L'amargor de la Caleya ye perfeutu col Franxón, ello ye que paez que dambos tean fechos pa convivir xuntos. Xenial combinación.
Rey Silo Blanco de Lleche Crudo, frescu y ácidu con una Cotoya Ideaus. Ye tradición que les grandes marques cerveceres saquen ediciones especiales en pequenos llotes poles que los apasionaos cerveceros volvemos llocos. Nesto Diego Cotoya ye tou un espertu, nunca falta la so Cotoya d'inivernu, Cotoya de branu; y apocayá llantónos con una Cotoya Myrtillus (fecha con arándanos) y esta Cotoya Ideaus, fecha con artimora de cultivu ecolóxicu de la vega del Trubia.
Cerveza afrutao pero con toques acedos. Va xenial con un quesu con esos mesmos toques, pero siempres que'l quesu nun sía demasiáu ácidu (como ésti) pa que nun mate'l sabor d'esta pequena xoya de Cotoya.
El programa de la tarde finaba con un platu fuerte, Cabrales de Pepe Bada, ensin dulda, ún de los meyores Cabrales que tenemos agora mesmu n'Asturies. Complicáu atopar una cerveza tan potente pa compensar esi sabor, pero la Entropia de Bayura demostró saber tar al altor. Una cerveza más fuerte que les anteriores, con 7º d'alcohol, con toques frutales y un amargor final que-y va perbién a esi cabrales. Esos 7º d'alcohol apenes se noten, ye una cerveza refrescante; anque quiciabes esi Cabrales pidía una cerveza inda más potente.
Como sorpresa final, Ca Llechi preparónos n'esclusiva'l so Franxón maridao 5 díes en cerveza Caleya y secao un par de selmanes. Lo primeru que llama l'atención ye la diferencia d'amargor ente'l Franxón orixinal y ésti. Quiciabes demasiáu amargor. Pero una prueba más qu'interesante pa qu'alguna quesería asturiana s'aníme como asocede n'otros países queseros y cerveceros como Bélxica (y yá vos cuntamos nel so día).
Prestosa cata guiada por Lluis Nel Estrada, con cerveces y quesos de primera, nuna redolada maraviyosa como la Gijonesa. A éstes aprovechando la ocasión llevamos tola selmana relamiendonos coles sos mermelaes ...
No hay comentarios
Publicar un comentario