Contact Me

Nombre

Correo electrónico

Mensaje

Hover Setting

default

Nueva Visita: BierCab

Direición: Muntaner, 55
Teléfonu: 644 689 045




Recomendaciones: Cerveza Artesano


Visita Anterior: http://www.lesfartures.com/2014/06/biercab.html

Web: http://biercab.com/
Facebook: https://es-es.facebook.com/biercab
Twitter [@BierCaB]: https://twitter.com/BierCaB


Calidá: 3/5
Preciu: 25€


Comentarios: Tornamos a Barcelona y lo primero que fiximos foi volver al BierCab: el templu la Cerveza.

30 cañeros rotatorios de cerveza artesano que camuden constantemente. Tienen un panel electrónicu enorme na parte la entrada onde indica'l nome del productor, el nome la cerveza, el tipu la cerveza, el preciu y l'estáu del barril (pa que vaigas entainando si atopes una de les tos cerveces favorites amorrentando).

Acorvia un pocu a los non avezaos al mundu la cerveza artesano y la so terminoloxía lleer tanta información nel panel, pero tienen un personal bien atento que t'ayuda en tou momentu. Encamentamos, sicasí, pidir una preba de cerveza si pidís por pidir, pa nun llevavos una sorpresa.

Otru encamientu, hai cerveces de too tipu y de toa graduación, hai cerveces pa tomase casi d'un tragu pa enfrescar per fríes y hai cerveces de 14º pa tomar reposadamente acabante comer a temperatura ambiente. Lo bono del BierCab ye qu'abarca tolos ambientes y que siempres vas atopar daqué nuevu que te sorprenda. Abre la to mente y esfruta.


La última vegada que fuimos apenes teníen cerveza en botella. Sigue siendo un sitiu onde predominantemente tómase cerveza de cañeru, pero ampliaron la ufierta en botella, y con ufierta per interesante. Amás, abrieron el local allegante como tienda de cerveza, un paraísu pa los amantes de la cerveza artesano.

Y amás de too esto, cómese. De xacíu, tou va enfocáu a la cerveza, hai bocaos y hamburgueses, pero tamién tapes más ellaboraes per interesantes de maridar cola cerveza.


Entramos pela puerta, veníamos de caminar y faía calor. Asina que empezamos con una Doble IPA de 9,3%. The Kernel Double Mosaic. Perfeuta pa quitar la sede, con esos toques florales maraviyosos. Tamién tomamos una Girardin Oude Lambik, llambica belga de 5% con toques acedos, una cerveza pa los mui sidreros.


Pa comer traxéronnos unes Braves cortesía de la casa, unos dados de pataca con bona presentación, picantes. Xenial cola cerveza.


Nós pidimos l'Anticucho de Pulpu a la Brasa, platu mui peruanu, pero que tampoco namoró. Tou demasiáu especiáu. Bona ración con una base de pataca sobre una cayuela.


Wagyú a la Plancha con Chumichurri de Lúpulu, bon cachu de carne estazáu acompañáu con unes pataques.


De postre namás-yos quedába el Coulant de Chocolate, realmente ricu, acompañáu d'unes almendres y un xeláu de vainilla. Una pena que nun-yos quedaren más postres pa probar otres coses.


Amás, nos postres camudamos de terciu y pasamos a la To OI Black Malts & Body Salts, una maraviyosa black IPA de 10% danesa.

Pagamos 46€. Comer dos persones, con 5 pintes de cerveza, paezme que'l preciu ta bastante afechu.


Si te presta la cerveza, tienes que dir conocer el BierCab. Amás, cómese bien y puedes probar coses interesantes.

Ta formándose una zona cervecera interesante pela redolada. Amás del BierCab, ta'l Garage Beer Co, la franquicia de BrewDog y dientro pocu, la de Mikkeller, la que probablemente sía la meyor empresa cervecera del mundu.  Asina que, va haber que volver. 


No hay comentarios

Publicar un comentario