Señes: La Puerte, 12 - La Puerte - Cabranes
Teléfonu: 622 017 130
Web: https://pusaki.es/
Facebook: https://www.facebook.com/pusaki.cabranes/
Instagram: [@pusakicabranes] https://www.instagram.com/pusakicabranes/
Calidá: 4/5
Preciu: 46€
Comentarios: Nun sé qué tien Cabranes que ta convirtiendose n'ún de los referentes gastronómicos d'Asturies. Bonu, sí sé lo que tien, bones comunicaciones col centru, llugar idílicu, cerca la mariña y productu de Km0 de primera.
Y eso namora a los que nos visiten, y vienen pa quedase, como Carlos y Josa de Los Llaureles; o como, nesti casu que nos ocupa, Sara y Patriciu en Pušáki.
Dende China a La Puerte. Un Arxentín yá una Andaluza, nuna aldega en Cabranes. Con un gustu maraviyosu pa iguar la casa, y p'afigurar Asturies, dende la so visión nos sos platos. Ye bien arriquecedor ver cómo daquién que llega dende fora valora asina los nuesos productos, y conviertelo na filosofía la so casa. Km0, un solu menú degustación, estacional, en función del productu de la güerta y aplicáu a la so visión de la cocina.
Acuta, porque ellaboren el menú so demanda. 5 platos y un postre. 35€ el menú ensin bébora. Y amás del menú degustación, tamién entamen Meriendes, con bollería y pan artesano. Tou fechu por ellos.
Según entres, tienen zona de barra, colos sos panes a la vista. Pases por una puerta y entres nun preciosu comedor estremáu en dos zones. La del altillo con vistes a la chimenea ye preciosa.
Empezamos por un Aceite y Sal. Col pan artesano ... voló. Buenísima.
Crema de Calabaza, Coliflor, Brócoli y Pebíes de Nueces. El primer platu empieza con un xuegu de colores y testures na boca. Gana'l dulce, pero bien nidiu na boca. Bien bonu.
Pulpín de Tazones con Verdín. Xenial la base de verduras, bien nidia, pero con un sabor buenísimo. El contraste de testures vuelve rescamplar. El pulpu sabrosu, y perbién fechu. Tien un toque d'ayu que-y da intensidá. Encantónos.
Saramollete con Vinagreta de Mangu y Tomate d'Árbol. Bona combinación del sabor amariscáu del saramollete col cruxente de la tempura y los cítricos que-y apurre'l mangu. En sabor, predomina'l mangu. Bien bonu.
El mio platu favoritu de too'l menú foi Shiitake con Amenorgamientu de Zusmiu de Carne y Viña Arrallada. Con Topinambo y amenorgamientu de trufa negra. Espectacular. Una maravía de testures, sabores y contrastes na boca. Xenial. Paez carne.
Acabamos los platos con una de les especialidaes de la casa, Arroz Negro de Calamares. Una paellera pa dos, al dente, con bonos cachos de calamar y sabor intenso. Bien ricu.
De postre, tomamos Mazana en Almíbar, Crumble d'Ablana y Cremosu de Afuega'l Pitu. Otra combinación xenial, cruxente, xugosidá de la mazana papada n'almibre y secañu del quesu. Lleva canela, y recuerda a un mojito. Bien ricu.
Afaen el menú a celiacos y ensin lactosa, ensin nengún problema. Ello ye que ellaboren panes especiales nesi casu.
Pa beber, la nota negativa. Sacantes una cerveza la zona, nun hai nenguna referencia asturiana na carta. Pidimos Eduardo Peña 2015. Amiestu de Treixadura, Albariño, Godello, Lado y Loureira. Sobre enguedeyes. Tien un toque cítricu en ñariz y boca, y aguanta perfectamente tola comida. Gustónos.
Pagamos por tou 93€.
Como veis, sitiu preciosu, onde paga la pena perdese, y repitir tantes vegaes como faiga falta porque siempres vas atopar daqué distintu. Qué maravía atopar sitios asina n'Asturies.
Web: https://pusaki.es/
Facebook: https://www.facebook.com/pusaki.cabranes/
Instagram: [@pusakicabranes] https://www.instagram.com/pusakicabranes/
Preciu: 46€
Y eso namora a los que nos visiten, y vienen pa quedase, como Carlos y Josa de Los Llaureles; o como, nesti casu que nos ocupa, Sara y Patriciu en Pušáki.
Dende China a La Puerte. Un Arxentín yá una Andaluza, nuna aldega en Cabranes. Con un gustu maraviyosu pa iguar la casa, y p'afigurar Asturies, dende la so visión nos sos platos. Ye bien arriquecedor ver cómo daquién que llega dende fora valora asina los nuesos productos, y conviertelo na filosofía la so casa. Km0, un solu menú degustación, estacional, en función del productu de la güerta y aplicáu a la so visión de la cocina.
Acuta, porque ellaboren el menú so demanda. 5 platos y un postre. 35€ el menú ensin bébora. Y amás del menú degustación, tamién entamen Meriendes, con bollería y pan artesano. Tou fechu por ellos.
Según entres, tienen zona de barra, colos sos panes a la vista. Pases por una puerta y entres nun preciosu comedor estremáu en dos zones. La del altillo con vistes a la chimenea ye preciosa.
Empezamos por un Aceite y Sal. Col pan artesano ... voló. Buenísima.
Crema de Calabaza, Coliflor, Brócoli y Pebíes de Nueces. El primer platu empieza con un xuegu de colores y testures na boca. Gana'l dulce, pero bien nidiu na boca. Bien bonu.
Pulpín de Tazones con Verdín. Xenial la base de verduras, bien nidia, pero con un sabor buenísimo. El contraste de testures vuelve rescamplar. El pulpu sabrosu, y perbién fechu. Tien un toque d'ayu que-y da intensidá. Encantónos.
Saramollete con Vinagreta de Mangu y Tomate d'Árbol. Bona combinación del sabor amariscáu del saramollete col cruxente de la tempura y los cítricos que-y apurre'l mangu. En sabor, predomina'l mangu. Bien bonu.
El mio platu favoritu de too'l menú foi Shiitake con Amenorgamientu de Zusmiu de Carne y Viña Arrallada. Con Topinambo y amenorgamientu de trufa negra. Espectacular. Una maravía de testures, sabores y contrastes na boca. Xenial. Paez carne.
Acabamos los platos con una de les especialidaes de la casa, Arroz Negro de Calamares. Una paellera pa dos, al dente, con bonos cachos de calamar y sabor intenso. Bien ricu.
De postre, tomamos Mazana en Almíbar, Crumble d'Ablana y Cremosu de Afuega'l Pitu. Otra combinación xenial, cruxente, xugosidá de la mazana papada n'almibre y secañu del quesu. Lleva canela, y recuerda a un mojito. Bien ricu.
Afaen el menú a celiacos y ensin lactosa, ensin nengún problema. Ello ye que ellaboren panes especiales nesi casu.
Pa beber, la nota negativa. Sacantes una cerveza la zona, nun hai nenguna referencia asturiana na carta. Pidimos Eduardo Peña 2015. Amiestu de Treixadura, Albariño, Godello, Lado y Loureira. Sobre enguedeyes. Tien un toque cítricu en ñariz y boca, y aguanta perfectamente tola comida. Gustónos.
Pagamos por tou 93€.
Como veis, sitiu preciosu, onde paga la pena perdese, y repitir tantes vegaes como faiga falta porque siempres vas atopar daqué distintu. Qué maravía atopar sitios asina n'Asturies.
No hay comentarios
Publicar un comentario