Publicidá

Contact Me

Nombre

Correo electrónico

Mensaje

Hover Setting

default

Ben Nevis Inn

Señes: Achintee Road - Fort William - Escocia
Teléfonu: +44 1397 701227


Web: http://www.ben-nevis-inn.co.uk/
Facebook: https://www.facebook.com/bennevisinn
Twitter [@BenNevisInn]https://twitter.com/BenNevisInn
Instagram [@bennevisinnfw]: https://www.instagram.com/bennevisinnfw/


Calidá: 3/5
Preciu: 20€


Comentarios: Fort William como ciudá nun tien muncho que ver, pero ye bien famosa por tener mui cerca el monte más altu d'Escocia, Ben Nevis, apenes 1345m, enllena de caleyeros que s'animen a xubila (xubiendo a Peña Ubiña quería velos yo).


El so otru gran atractivu ye'l Tren Xacobita, a vapor, cuando pasa pol viaductu de Glenfinnan. Famosu por salir na película de Harry Potter, enllenu d'entusiastes de la fotografía qu'enllenen los altos alredor del viaductu pa sacar la semeya (como nós).


Dormimos alloñaos de la ciudá, nuna casa a los pies de Ben Nevis, que tenía mui cerca un abellugu de monte - allugue, de decoración preciosa onde puede comese. El sitiu ye una maravía, casona de madera, enllena de montañeros y caleyeros, con meses allargaes pa compartir sitiu.


Tienen una pequena barra con un par de cañeros de cerveza artesano llocal, y tienen l'abonda selección de güisqui p'allongar la velada tolo posible y entrar en calor.


Nós pidimos unes pintes de sidra y d'IPA de bomba.


Pa cenar, Ben Nevis Beef Burguer. Carne local, poco fecha según cisqué, con bacon y mueyu caseru BBQ. Bien bona.


Chicken & Haggis Rumbledethumps. Sartén de pechuga de pitu cubierta con haggis en rodaxes sobro un repollu, puré de papes con quesu, mueyu cremosu de güisqui y pimienta en granu. Bien bonu.


Pagamos por tou unos 40€. Con un par de pintes per cabeza. Ún de los nuesos sitios favoritos del nuesu viaxe a Escocia.


Mui recomendable.


No hay comentarios

Publicar un comentario