Pum Pum Café

Direición: Calle Tribulete, 6 - Madrid
Teléfonu: 911 999 854



Facebook: https://www.facebook.com/Pum-Pum-Cafe/
Instagram: [@pumpumcafe] https://www.instagram.com/pumpumcafe/


Calidá: 3/5
Preciu: 6€


Comentarios:  Lavapiés ye un barriu de Madrid enllenu vida y diversidá, onde se xunta'l Madrid más clásicu, más de barriu colos nuevos llocales "de cultura moderno", o hipster. La combinación dambes coses fai de Lavapies un llugar bien interesante pol que merez la pena pasiar y perdese.


Pola mor d'esta combinación, naz Pum Pum Café, una cafetería vexetariana asitiada en plenu barriu, tan integrada cola diversidá la cai, que pasa práuticamente desapercibida sacantes vaigas a tiru fixu (como nós).

Con una decoración moderna, con parés de lladriyu, meses de madera y sielles de colexu antigües, ye un espaciu pequenu y perbién aprovecháu, un pelín apretáu y rápido pa los amantes de la comodidá, pero l'ambiente ye bien guapu. Amás entemezse xente del barriu con turistes como nós.


Fuimos un domingu a almorzar y atopamos sitiu per casualidá nun rincón. Pero al poco había bastante xente esperando fora, y siempres ta llenu. A lo menos a esa hora.

Ufierta variada de cafés, de tés, de bizcuechos caseros, de panes fechos con masa madre ... tola cocina ye vexetariana y ecolóxica. Amás de productos duces, ufierten hamburgueses y ensalaes.


Pidimos un Café y un Té Blanco p'almorzar, y acompañámoslu d'unes Granoles. Por si nun lo sabéis, una granola ye un amiestu de nueces, almendres ya otros frutos secos con avena y miel hasta que quede cruxente. Nesti casu, ellos afaen a una especie de ball de ceberes entemecíes tamién con frutes del día y yogur griego natural nesti casu.


Ente los qu'había, pidimos unu dulce y unu ácidu pa probar distintos sabores. El dulce vien acompañáu (amás de les ceberes, los frutos secos, la fruta yá'l yogur) de chocolate. Yá'l ácidu de frutos coloraos. Bien ricos y sanos los dos.


Otru de los puntos fuertes del local ye'l café. Cúriase enforma, y afitámonos que sacantes la pida nun ufierten azucre (y el qu'hai ye moricu). Utilicen Café de Filtru en cuenta l'expresso.

Tienen un pequenu puntu de vienta de productos ecolóxicos.

Cuesta a 4€ caúna.


Pagamos por tou unos 13€.


Bon sitiu pa dir conocer y tomase un almuerzu. Empiecen a abondar sitios asina como clones, pero mientres se basen en productu local y tengan personalidá propia como ésti local, bienveníos sían. 

0 comentarios :

Publicar un comentario