Buenos Aires


Direición: Carretera del Naranco S/N - Uviéu / Oviedo
Teléfonu:  985 295 907



Recomendaciones: Costielles

Web: http://www.parrillabuenosaires.com/
Facebook: https://www.facebook.com/Parrilla-Buenos-Aire


Calidá: 3/5
Preciu: 17€


Comentarios: Llocal míticu xubiendo al Naranco dende'l que se tien una panorámica espectacular de la ciudá d'Uviéu. Pasó por dellos dueños, y paez que cola nueva xerencia ta estabilizándose y recuperando la parrilla que-y fixo famosu.

El local tien dos pisos más una terraza preciosa con vistes a la ciudá. En fiestes y fines de selmana suelse enllenar, anque sía bien grande. Asina que meyor llamái p'acutar por si acasu. Cuenta tamién con un aparcamientu bastante grande dende'l que puede contemplase tola ciudá.

Fuimos comer 12 persones un festivu. Taba a españar, y costó acutar la mesa.

Nun complicamos nada la vida. Fuimos a lo seguro.


Empezamos con un Pastel de Tiñosu, aceptable, con una ración bastante abondosa.


Siguimos con unos Chorizos Criollos, que taben per ricos, y vienen acompañaos de pataques.


Y como platu principal, Costielles a la Plancha, que son realmente bones. Bona carne, bien feches y con un chumichurri mui  ricu. Bona ración amás.


Acabamos con unos Postres Variaos. Nun soi bien amigu d'eses coses, pero ...


Pa beber, Sidra Novalin, la sidra DOP de Sidra Orizón, que ta bien bona. Lo único malu ye que nos comedores nun echen la sidra y traxéronnos la típica máquina infernal pa echala.

Con cafés, dimos a 17€ per cabeza. Y eso que somos toos de bon "yantar".

Va haber que volver probar más coses amás de los típicu (y faer unes semeyes más decentes), pero como sitiu de referencia tocantes a costielles, nun ta nada mal. 

0 comentarios :

Publicar un comentario