La Corriquera

Direición:  Av. Oviedo,19, Posada
Teléfonu: 985 77 32 30

Páxina Web: http://www.lacorriquera.com/
Facebook: https://www.facebook.com/lacorriqueracasadecomidas
Twiter: https://twitter.com/LaCorriquera

Calidá: 3/5

Preciu: 25 €

Comentarios: Asitiáu na entrada de Posada Llanera podemos atopar esti restorán que pretende entemecer cocina tradicional asturiana con enclinos internacionales.

Diba tiempu que nos falaren d'esti restorán y dempués de ver na so web el menú de seronda entráronnos ganes de dir probalo. Comentar qu'esti menú ye a mesa completa, ye dicir tola mesa tien que pidir el menú.

Decoración cuidada, al entrar una pequena barra y de camín al comedor podemos ver una cocina abierta con una gran cristalera, el comedor ye ampliu con abonda distancia ente les meses pa tar a gustu y dellos cuadros que decoren tol llocal.

Amás de la carta suelen tener un Menú Gourmet por 18€ que consiste en 2 aperitivos de la casa, primer y segundu platu; yá un Menú de temporada, nesti casu'l de seronda que ye del que vos vamos falar nesta entrada.

Aperitivu a escoyer ente: tomate concassé, croquetes caseres, rollitos vietnamites y crema o caldu del día (nesti casu yera una crema de calabaza).

Nesti casu probemos les croquetes caseres y rollinos vietnamites. Les croquetes mui  riques, una d'elles con una testura más líquida, la otra un pocu más consistente y con sabor más fuerte a chorizu, gustónos más la primera, más nidiu y con esa testura líquida per bona. Los rollinos vietnamites mui bonos, cruxentes y con rellenu con verdures equilibráu.

Dempués de los aperitivos podemos escoyer ente los siguientes aperitivos: Steak Tartar, Pastel de Foie con figos, mazana y quesu de cabra, Lasaña de verdures en nogada, burrata con calabacín y Dumplings.

Pa probar un pocu de too caún escoyemos una entrada. Pastel de Foie con figos, mazana y quesu de cabra, una combinación perfeuta de sabores, la verdá que taba per  bonu anque con una pega, sirvénlo fríu, como si lu acabaren de sacar de la nevera y esto mata enforma los sabores, si tuviera a una temperatura menos frío sería dafechu perfeutu.

Tamién probemos Lasaña de verdura en nogada. La nogada ye un mueyu fechu con nueces yá especies que nesti platu amestaba a la perfección con una lasaña de verdura xugosa, a mi personalmente les verdures nun me namoren pero al probar esta lasaña encantóme.

Y d'últimes tamién probemos los Dumplings, bona testura, bien la masa ya'l rellenu, sicasí'l mueyu de soya taba saláu, un fallu que nos fixo nun esfrutar del tou d'un platu que d'otramiente taba perfeutu.

Como platu principal podéis escoyer ente Pexe del día (n'este caso salmón), Risotto de langostinos o arroz negro con alioli, asáu asturcelta al fornu, curry masaman (nun-yos quedaba) y Migues de corderín nel so zusmiu. De nuevu decidimos por un platu distintu caún pa probar un pocu de too.

Risotto de llangostín, nun paez un risotto, faltába-y cremosidá pa selo, amás taba un pocu sosu y faltába-y daqué de sabor, nun trunfó.

Salmón, bon llombu de salmón, quiciabes abondo fechu per un sitiu anque nel so puntu perfeutu nel centru, sobre una crema que taba deliciosa, nidia.

A lo último, tamién probemos l'Asáu asturcelta al fornu, carne tienro, xugoso y nel so puntu, pa mi ún de los meyores platos  la comida con un toque duce nel mueyu, suponemos que de miel.

Tendremos que probar en el futuru a realizar una visita para comer de carta, un buen sitio el cual si puliera esos pequeños fallos que hemos comentao sería un llugar perfeuto donde se combina la tradición y la vanguardia.

Finalmente tienes dellos postres a escoyer: Tiramisú, Tatín de mazana fríu y caliente, sorbete de mangu, tarta de cenahoria y crema de lleche con vainilla, brownie y fruta de temporada n'almibre.

Esculpái, pero nun disponemos de les semeyes de los postres que probemos. El Tatín de mazana fríu y caliente nun namoró, paecía más bien una compota de mazana simple. La crema de lleche con vainilla, brownie y fruta de temporada n'almibre, brownie más bien cruxente qu'al pie de la crema de lleche y la fruta daba unes testures interesantes, pa los que nun síais llambionos perfectu porque nun taba duce. 

Y tamién probemos la tarta de cenahoria, foi la trunfadora de los postres, duce y esponxosa, más que correcta.

Pa beber agua y un vinu tinto tempranillo Protocolu 2014 (V.T. de castilla) de la bodega Eguren, un vinu suave con notes de madera.

Esti menú cuesta 25 € con vinu, o 23 € ensin él.

Vamos tener que probar nel futuru a realizar una visita pa comer de carta, un bon sitiu'l cual si ameyorara esos pequenos fallos que comentemos sería un llugar perfeutu onde s'amesta la tradición y la vanguardia.