Los Porfiados

 

Direición: Calle Buenavista, 18 - Lavapiés - Madrid

Teléfonu: 910 842 945

Web: http://www.losporfiados.com/
Facebook: https://www.facebook.com/Losporfiados/
Twitter: [@PorfiadosLos] https://twitter.com/PorfiadosLos
Instagram: [@losporfiados] https://instagram.com/losporfiados

Calidá: 3/5

Preciu: 15€

Comentarios: Agospiaos nel barriu de Lavapiés, nun podía faltar visita a ún los restoranes que más suenen pela zona. Un arxentín con una decoración que namora según entres y que se definen como "Comida casera, cenciella y ensin pretensiones".

Yo diría un pasu más allá y añadiría qu'amás ta mui bona. Consiguen lo que quieren, y amás enganchen, y tou con unos precios bien algamadizos.

La parada foi curtia, que nos esperaba l'aeropuertu. Llocal ampliu con dos zones estremaes, una con barra y un salón tras. Tou informal, con muebles reciclaos y maderes ensin tratar, distintu, orixinal y auténticu.

Fuimos ceo un domingu y namás quedaba una mesa, asina que si quies dir, reserva. Suel enllenase. El llocal ta llenu de vida y los tragalluces sofiten a ello, ye xenial atopase un local tan allumáu..

Xintamos dos persones.

Pidimos pa comer dos Hamburgueses Sherif. 200gr de xata, con provolone, tomate secu, rúcula, y pesto. Acompañada de pataques rústiques.

Bona hamburguesa con un pan que nos encantó. La carne rico, y vese casera.

De postre, un Milfueyes de Dulce de Lleche pa compartir. Ricu, pero tampoco namoró.

Pa beber, una copa de Ribera de Duero Épica 2014 y una Cibeles IPA. Cerveza potente con 70 Ibus y 7% d'alcohol. Güel realmente bien, anque a priori el color tan anaranxáu indicaba un pocu d'oxidación. Ta rica, una de los meyores Cibeles que probemos ensin dulda.

Pagamos por tou 30,15€. Queda pendiente volver pa probar les sos famoses empanaes arxentines y les sos ensalaes, pero ye un sitiu que nos encantó.