Nueva Visita: Alfileritos 24

 

Señes: Alfileritos 24, Toledo
Teléfonu: 925 239 625

Web: https://alfileritos24.com/

Facebook: https://www.facebook.com/Alfileritos24

Instagram: [@alfileritos24] https://www.instagram.com/alfileritos24/

Anterior Visita: https://lesfarturesast.blogspot.com/2020/10/alfileritos-24.html

Calidá: 4/5

Preciu: 37€

Comentarios: Segundu día de visita al Alfileritos. Sábadu de nueche con llocal a españar, mesa nel últimu pisu, con vistes a tol patiu. Impresionante.

Queríamos probar coses distintes al primer día, que nos encantó. Gustónos muncho, anque salimos más encantaos el primer día.

Empezamos con un Aperitivo de Mayonesa de Pimientos y Salmón. Bien ricu.

Pidimos d'entrante, Rollitos cruxentes de coríu con mazana y mueyu de chile dulce. Rollitos formosos rellenos de coríu, de fechu sosprendiónos que vinieren tantos y tan rellenos, que tuvimos qu'arrenunciar a un postre. Combinación agria, duce y aceda. Tien amás un puntu picante. Bien ricos.

De platos, pidimos coses nueves, Medallones de corderu confitado con mueyu de curry estilu Mongolia y tabulé. Platu árabe. Cuscus, toque picante. Y los medallones de corderu bien nidios. Gustóme enforma.

Y Bacaláu confitado con muselina de ajoblanco, espinaques y uves tintes. Perfectu'l puntu del bacaláu. Bien ricu.

El cortante foi un Sorbete de Mango.

Compartimos un postre, Flan manchegu con estofado de fruta de la pasión y xeláu de tomillu. Ye como tomar un cachu de quesu manchego, pero con testura de flan. Intensidá de sabor. La parte del estofáu de fruta de la pasión foi la que menos nos namoró. Pero postre bien ricu.

Pa beber, un par de Buenaventura Pale Ale. Artesana llocal qu'entra sola. Da envidia ver cómo en tolos chigres y restoranes que fuimos en Toledo teníen dalguna cerveza local.

Pagamos 74€. Un pelín meyor el primer día, pero bien ricu tou.