Contact Me

Nombre

Correo electrónico

Mensaje

Hover Setting

default

Feudo Real

 

Señes: Calle tras los Hórreos, 2 - Gráu
Teléfonu: 985 754 796


Web: http://www.feudoreal.com/
Twitter: [@feudoreal] https://twitter.com/feudoreal
Instagram: [@feudoreal] https://www.instagram.com/feudoreal/

Calidá: 3/5
Preciu: 25€


Comentarios: Nun tenía bien controlada la zona de Gráu, pero llevaba tiempu oyendo falar de la Sidrería Feudo Real, inclusive de xente que s'averaba dende fora a conocelos. Asina qu'averamos, y la verdá ye que me sosprendió pa perbién.


Ta asitiada en plenu centru de Gráu, anque tien un parking gratuitu bien cerca. Na mesma cai ye prácticamente imposible aparcar. Entrada sobria, pero dientro ábrese una decoración clásica en maderes bien cuidada.


Zona a la izquierda de Tienda onde vienden productos de la zona, ya inclusive los suyos de la ganadería propia que tienen.


Barra enorme onde echen (y perbién) la sidra. Preciosa decoración sosteniendo la barra con botelles de sidra, el contraste de lluz que da al lloca queda xenial. Al lláu, meses altes.


Al fondu, zona de meses baxes pa comer.


Y en un aparte, un salón onde s'entemez la decoración medieval, qu'a mi que m'encanten eses temes. Echen sidra en tol local. Y eso nótase, ye l'únicu restorán de Asturies que ye Embaxador de la Candidatura a la Sidra como Patrimoniu Inmaterial de la Humanidá.


Amás de la decoración, y d'echar sidra en tol local, unu de los sos puntos fuertes ye la ganadería propia. Y tán arguyosos d'ello,  asina qu'empezamos la comida con Chorizu de Becerra. Perbién curáu, con un 20% de panceta ibérica. Críen pa la zona de Balmonte y asegúrovos que ta buenísimo.


El Quesu de Lazana ye ún de los más reconocíos de la zona, anque yá perteneza al conceyu de Les Regueres. Tomámoslu a la plancha, primer vegada que lo tomábamos asina y ... ta buenísimo. Vien acompañáu de tomates, pasaos tamién a la plancha un toque d'oriéganu, y aceite y pimentón.


Y llegamos a la estrella de la casa, Chuletón de Becerra. Cría de vaca de dos o trés años que nun tuvo críes, macerada 45 díes. Tienra, nidia, pero con sabor. Ta buenísima.


Vien con pataques y un poco d'ensalada.


De postre, sabéis qu'en Gráu son famosos los Tocinillos de Cielu, y que naide los fai meyor que la Confitería Tejeiro (que ta casi al lláu de Feudu Real), asina que decidimos probar los postres caseros de la casa y de la que volvíamos al coche, parar na confitería a faer compra. Tarta de Turrón. Un clásicu, que ta buenísimo.


Y la so especialidá, Semifrío de Sidra. Que vien con sorpresa al centru. Bien bonu.


Pa beber, Villacubera, la Sidra DOP de Cortina. Van rotando palos según calidá. A éstes la sidra a temperatura perfecto, y perbién echao.


Yá tenemos sitiu de referencia en plenu centru de Gráu. Comimos 3 persones y salimos a 25€ per cabeza. Con unes cuantes botellines de sidra.


No hay comentarios

Publicar un comentario