Contact Me

Nombre

Correo electrónico

Mensaje

Hover Setting

default

Nueva Visita: Quince Nudos

Señes: Avelina Cerra, 6 - Ribeseya
Teléfonu: 984 112 073


Encamientos: Arroz
Anterior Visita: http://www.lesfartures.com/2015/06/quince-nudos.html


Web: http://www.restaurantequincenudos.com/
Facebook: https://www.facebook.com/quincenudos
Twitter: [@quincenudos] https://twitter.com/quincenudos
Instagram: [@quince_nudos] http://instagram.com/quince_nudos


Calidá: 4/5
Preciu: 45€


Comentarios: Debíamos visita a Bruno M.Lombán porque nuesa anterior entrada nel Quince Nudos nun foi nel local actual (pillanos d'obres), y tres delles visites como xuráu del Concursu de Pinchos, queríamos que conociérais por semeyes un llocal realmente preciosu.


Ta asitiáu al otru lláu de la ponte de Ribeseya, anque llegues caminando perfeutamente. La cai ta un pocu "d'aquella manera", pero una vegada entres dientro'l llocal ... tou camuda. Decoración sobro blancos y maderes, con ambiente marinero, llenu de detalles y con una sensación d'amplitú y tranquilidá enorme. Ye un local lluminosu y onde da gustu tar. Tres les sos vacaciones prometen dalgún cambéu na decoración ...


Fuimos l'últimu día que taben abiertos antes de les sos vacaciones (vuelven el 23 de Payares), asina que punximos en manos de Bruno pa comer lo qu'a él-y petara.


Quince Nudos ye un llocal centráu nel arroz, anque da gustu ver cómo amplien horizontes sobremanera averándose a la mar que los arrodia y trescalen d'ello la so cocina. Ye'l nuesu sitiu favoritu pa tomar arroz n'Asturies, pero'l restu tuvo al altor, o inclusive meyor.


Empezamos con unes Croquetes de Xamón. De los meyores, Per dientro nun son tan llíquides como otres, pero la testura ye perfeuta.


Siguimos con más croquetes, esta vegada de Pitu Caleya. Muncho más trupes, con un color espectacular, y con sabor a pitu. Encantáronnos.


La primer sorpresa vieno cola Crema de Salmorejo. Sésamu, Aceite y Cruxentes de Bacaláu. Buenísimo. El bacaláu en cruxente bien suave p'apurrir un puntu de sabor, anque predomina claramente'l salmorejo col so toque "allegre".


El mio platu favoritu la comida, Navaya n'Escabeche con Cítricos. Toque marín total, con un mueyu n'escabeche pa morrese. Especies, mar, cítricos ... enfresca y al empar tien potencia pa faer escaecer el salmorejo. Espectacular.


Camudamos de mar a monte. Tortu de Farina con Guisu d'Oreya y Curry Colloráu. Tortín perfeutu. D'un bocao, y cola testura la oreya ... pero suave. Bien ricu.

Traxéronnos dos arroces, un pocu más "pequenos" de lo normal pa que pudiéramos con tou, y asegúrovos que sufrimos p'acabar. L'arroz tráenlo perfeutamente presentáu, y entemecenlu na mesa pidiendote que lo dexes reposar 5min por que tea nel so puntu perfeutu. Amás, agradezse un pocu de reposu dempués de los entrantes pa recuperar fuerces.


El primeru, Arroz con Zamburiñes. Perfectu. Mar puru con unes zamburiñes formoses.


El segundu foi una gran sorpresa, dafechu distintu, y yá solo por eso paga la pena probalo.
Arroz con Anguila Afumada y Foie. Combinación esplosiva que funciona de la maraviya. L'amiestu del arroz, l'afumáu yá'l foie ye ... En serio, tenéis que probalo. Ta bonísimo.


De postre, Tarta Tatín. Con xeláu de yogur y llima. Dulce y con mazana asada con un toque de canela. Perricu.


Y acabamos con un Brioche Caramelizao, con Canela y Cardamomo. Testura xenial pa un postre que cuesta acabar, ye más contundente que l'anterior, pero a mi de sabor gustóme más. Vien acompañáu d'un xeláu de yogur.


Pa beber, dexamos aconseyar. Un Ribeiro Treixadura, Ramon do Casar 2016. Bien ricu. Enfresca, golores a fruta y yerbes. Y na boca aguanta. Col arroz foi perfeutu.


Pagamos 90€. Como veis, cocina alredor del arroz, pero mil pasos más allá. Xenial Bruno yá'l so equipu, nun ambiente precioso. Va haber que volver conocer la nueva decoración.


Aceptan TicketsRestaurant.


No hay comentarios

Publicar un comentario