Contact Me

Nombre

Correo electrónico

Mensaje

Hover Setting

default

Mono

Señes: Mpenizelou Palaiologou 4C | Plaka, Atenas, Grecia
Teléfonu: +30 21 0322 6711


Calidá: 4/5
Preciu: 43€


Web: http://monorestaurant.gr/
Facebook: https://www.facebook.com/mono.restaurant/


Comentarios: Tocantes a comida Monu foi'l restorán que más nos prestó de Grecia. Una vinatería en plenu barriu de Plaka, bien guapa, y con una terraza nuna cai piatonal en mini cuesta. Muncho meyor comer nel comedor, si la temperatura dexa. Nesti casu, nun había otra opción debíu al calor que faía.

Arrodiada d'alguna de les ruines más mitiques d'Atenes, ufierta una cocina griega moderno, que paga  enforma la pena. Tratu atentu y decoración del interior del local mui guapa.


Tráennos de aperitivo Pan Turrao con Aceite. Bien bonu.


Empezamos con una Ensalada Mono's. Ensalada d'Atún Coloráu, con Sandía, Aguacate y Vinagreta de Llimón con Wasabi. La sandía tien un toque a xenxibre, que-y da un sabor dafechu distinto ... Ensalada rica, distinta, y con un toque picante.


Moussakka a la nuesa Manera. Una Moussakka ye una especie de lasaña con berenxena, típica en Grecia. Ta en tolos restoranes de Grecia, con meyores y peores resultaos. Nós probamosla n'unos cuantos y, ensin dulda, ésta foi la meyor de toes. Espectacular.

Pidimos dos postres. Son caros, casi más que los platos.


Tropical Dream. Parfait de Chocolate con Mangu percima de Merengue requemáu, Mangu, y Fruta la Pasión y Sorbete de Mangu. Amiestu de chocolate y cítricos. Perbonu.


Summertime Delight. Xelatina de Chocolate Amargosu, Crema de Llimón, Xel de Menta Verde y Galleta Cruxente de Cacagüés. A mi la combinación chocolate y menta nun m'acaba de convencer, pero gustó.


Pa beber, Viognier Cuvée Larsinos 2016. Vinu blanco del Peloponeso. Gustónos. Muncha fruta tropical, pero con toque terrosu importante. Eso sí, 30€ de vinu.

Pagamos 86€. Caru pa ser Atenes, pero hai que tener en cuenta que los postres son casi de 10€ yá'l vinu de 30€. Eso son casi 50€ de los 86€.


No hay comentarios

Publicar un comentario